Politikë

Drejtori i Përgjithshëm i Hipotekave Valdin Pjetri ka shërbyer sot për publikun shqiptar seancën e radhës në përpjekjen për të mbyllur debatin ligjor mbi teatrin kombëtar. Pjetrit i është kërkuar informacion mbi pronësinë ku po synohet të realizohet skema e biznesit të gjashtë kullave bashkë me prishjen e Teatrit Kombëtar por mesa duket informacioni ka qenë i pasaktë.

Edhe Gani Dizdari, anëtar i Gjykatës Kushtetuese është larguar nga sistemi i drejtësisë.  Komisioni i Pavarur i Kualifikimit e ka shkarkuar gjyqtarin për shkak të pasurisë dhe kontakteve me persona të inkriminuar.

Dizdari është gjyqtari I fundit i Kushtetueses që i nënshtrohet vettingut dhe me largimin e të cilit ajo kalon zyrtarisht në kolaps.  Vetëm dy anëtarë të Gjykatës në fjalë ja dolën përpara KPK-së, Bashkim Dedja që është kryetari dhe Vitore Tusha si anëtare.  Si pasojë e vettingut janë larguar ish-anëtarët e Kushtetueses Fatos Lulo, Altina Xhoxhaj dhe Fatmir Hoxhaj.

Teatri Kombëtar do të prishet. Njësoj si çdo veprim tjetër I këtij pushteti, edhe ky me gjasë do të bëhet natën si për të justifikuar hilenë e madhe që shoqëron një politikë të uzurpimit të hapësirave në emër të zhvillimit. Kryebashkiaku i Tiranës po teston humorin dhe durimin duke postuar periodikisht statuse në facebook me gjuhën dhe drejtimin e zakonshëm të tij që sheh hapa përpara aty ku nevojitet debat.

Një ditë e re për Tiranën, një Teatër i ri për Kryeqytetin europian.

Marrëveshja e shumëpërfolur mes Tiranës dhe Athinës për një seri çështjesh me shumë gjasë do të përmbyllet në fund të këtij muaji. Afatet i dha Komisioneri i Zgjerimit Johanes Hahn gjatë konferencës që pati në Bruksel me kryeministrin Rama, ku sqaroi edhe deklaratën që u intepretua nga disa media dhe opozita greke si dekonspirim i bisedimeve për ndryshim kufijsh.

Raportimi për aktivitetin bëhet nga televizioni lokal, Saranda Televizion dhe në të flasin ata që vetëquhen misionarët e Republikës së Çamërisë.

Lëvizja Socialiste Për Integrim e kushtëzon votën e saj për projektligjin për statusin e gjyqtarëve dhe prokurorëve, të njohur si projektligji për shkollën e magjistraturës, me ndryshimin e ligjit për koncesionet. Në një intervistë për Tema TV, Naço la të kuptohet se mazhoranca duhet të marrë parasysh propozimin e LSI-së për ligjin për koncesionet, të depozituar para dy vitesh.

Naço tha se projektligji i propozuar nga dy deputetët e mazhorancës, Manja dhe Bushka, është një projektligj blic dhe i hartuar sipas interesave të mazhorancës.

Samiti i NATO-s që u mbajt së fundmi në Bruksel, ishte në të vërtetë një plate ku presidenti amerikan Donald Trump shpalosi pikëpamjet e tij kundër politikës gjermane në raport me Rusinë. Ai ka publikuar një video të takimit të tij të parë me sekretarin e Përgjithshëm të Aleancës, Jens Stoltenberg, gjatë të cilit presidenti amerikan deklaron hapur se politika gjermane e energjisë është paradoksale në raport me faktin se ajo kërkon te Rusia një partner që në fushën e sigurisë e cilëson armik apo kundërshtar. Sipas Trump është budallallëkt që të financosh një politikë të tillë.

Ish-kryetari socialist i Bashkisë së Kavajës, Elvis Roshi pranon se ka falsifikuar formularin e dekriminalizimit, duke mos paqyruar në të disa masa sigurimi, ndalime dhe dëbime në Itali, Zvicër e Gjermani. Ai kerkon gjykim te shkurtuar dhe të premten prokuroria pritet te lexoje pretencen.

Në kërkesën drejtuar gjykatës së Tiranës, Rroshi pretendon se plotësimi i gabuar i formularit ka ardhur për shkak të neglizhencës.

Deputeti i Partisë Demokratike, Genc Pollo ka deklaruar sot se ligji i veçantë që i jep kompanisë “Fusha sh.p.k” shkel edhe Marrëveshjen e Stabilizim Asociimit me Bashkimin Europian, çka krijon kushtet për veprim nga Brukseli.

Ligji special “Fusha shpk”, përmes të cilit Kryetari  i Qeverisë dhe Kryetari i Bashkisë Lali Edi dhe Lali Eri shkatërrojnë qendrën e Tiranës, kompleksin e Teatrit Kombëtar me trashëgimi historike qendrore të  Shqipërisë si dhe i falin truallin shtetëror kompanisë pranë tyre ”Fusha sh.p.k”.

Vizion Plus raporton sot mbi përplasjet mes Ministrisë së Jashtme dhe Presidencës mbi marrëveshjen e detit që po negociohet me Greqinë.

Sipas këtij televizioni ka disa probleme jo të vogla që janë evidentuar gjatë procesit të negociimit, duke nisur që nga kërkesat e vazhdueshme të Presidenti për informacion dhe nënvizimin prej tij të vijave të kuqe, për të ecur më tej me refuzimin e një projektmarrëveshjeje të datës 23 qershor, “hartuar duke u bazuar në vendimin e Gjykatës Kushtetuese të vitit 2010, Konventën për të drejtën e detit dhe praktikat më të mira ndërkombëtare.