Lajme

Kryeministri Rama ka prezantuar pak më parë atë që e quajti paketa e zgjeruar e  ndijmës financiare. 

Kjo paketë e zgjeruar do të mbështesë plot 176 mijë individë dhe familje, duke u ofruar mjetin financiar për ta përballuar me një frymëmarrje më të lehtësuar këtë 40 ditësh vendimtar që kemi përpara deri në fund të muajit.

Momenti kritik ka kaluar për Shqipërinë në lidhje me pandeminë e CoVid-19. Kështu është shprehur mjeku Pëllumb Pipero që në një intervistë me News 24 ka deklaruar se java që vjen do të sjellë ulje të numrit të rasteve me të infektuar. 

Sot ka nisur të aplikohet faza e dytë e karantinimit me fashën orare të aktiviteteve ekonomike deri në orën 17:30. Nëse mund të shohësh lirshëm në Tiranë, disa aktivitete kishin nisur punë e disa jo. Pika të vogla shërbimi që rrinë mbyllur, ndërkohë që të tjera janë hapur. Nuk dihet si mbi ç’kriter është bërë përzgjedhja e aktiviteteve që lejohen të punojnë dhe të tjerëve që jo.

Ministria e Shëndetësisë dhe Mbrojtjes Sociale ka bërë te ditur  sot se brenda 24 orëve të fundit janë identifikuar 21 raste të reja, duke e çuar numrin e të prekurve me COVID-19 në 467.

20 prilli është data kur të vetëpunësuarit duhet të paguajnë sigurimet shoqërore, në një vlerë prej 24 mijë lekësh.

Atyre që kanë përfituar 26 mijë lekëshin e pagës së luftës duket se u teprojnë vetëm 2 mijë lekë nga kjo shumë, duke e bërë ndihmën e qeverisë, të papërfillshme.

Kreu i Shoqatës së biznesit të vogël thotë për TvT se paga e luftës nuk është realisht mbështetje për shqiptarët.

Një shkencëtare britanike ka thënë që vaksina kundër CoVid-19 mund të jetë gati në shtator. 80% e sigurtë.

Mirëpo një shkencëtare australiane thotë që vaksina mund të mos gjendet. Shkencëtarë të tjerë, edhe ata në sulm për të shitur ndonjë ide në këtë kohë paniku, thonë se vaksina do të kërkojë 18 muaj më e pakta. Shkencëtarët koreanë thonë se nga koronavirusi mund të riinfektohesh, pra nuk fiton imunitet. Shkencëtarët kinezë thonë se koronavirusi vepron si virusi i HIV-AIDS.

Kreu supreme i Republikës Islamike të Iranit, Ajatollaj Khamenei ka deklaruar gjatë një fjalimi mbajtur me rastin e lindjes së Imam Mahdi, deklaroi se Irani ia doli të vërë nën kontroll koronavirusin.

Përpjekjet e punëonjësve të shëndetësisë do të lënë një kujtim të mirë në mendjet e popullit iranian. Pavarësisht sesi u përpoqën të poshtërojnë kulturën islamiko-iranianendhe ta shtyjnë popullin tonë drejt stilit të jetës perëndimore, këto veprime treguan se mendimi dhe kultura islamike është e vendosur, e fuqishme mes popullit iranian

Në Shqipëri numri i të prekurve nga koronavirusi ka shkuar në 446 me një shtim prej 13 rastesh në 24 orët e fundit. Instituti i Shëndetit Publik ka kryer në 24 orët e fundit 233 teste nga të cilët kanë rezultuar pozitivë vetëm 13 nga të cilët 6 në Tiranë, 5 në Shkodër dhe 2 në Durrës.  Ministria e Shëndetësisë sqaron se nuk kemi të bëjmë me vatra të reja, por me kontakte të të infektuarve të mëparshëm.

Numri total i të shëruarve është 217, kurse numri i të vdekurve 23.

Akademia e Shkencave e Shqipërisë ka dalë sot me një deklaratë lidhur me situatën e pandemisë . Akademia ka ngritur një E-group që monitoron situatën dhe sipas të cilit vendi ynë është në fazën e daljes nga pandemia. 

Qeveria japoneze do të ofrojë falas për Shqipërinë ilaçin Avigan që po përdoret tek pacientet me Covid-19 nga disa vende dhe po jep rezultate pozitive.

Lajmi është konfirmuar zyrtarisht dhe theksohet se Shqipëria është në listën e 20 shteteve që do të ndihmohet në këtë periudhë të vështirë ku Covid-19 ka “pushtuar” botën duke marrë mijëra jetë.