Lajme

Republikanët në SHBA po përpiqen të mbledhin 60 milionë dollarë për të financuar betejën ligjore të presidentit Donald Trump kundër rivalit të tij demokrat, Joe Biden. Agjencia “Reuters” referon tre burime të veta që janë në njohje të çështje dhe shton se stafi i fushatës së Trump ka depozituar disa padi në disa shtete, që kanë të bëjnë me zgjedhjet e ditës së martë.

Lajmet me shkencë dhe studime për pandeminë dhe koronavirusin, vijojnë të ofrojnë shembuj sesi mbarë bota adoptoi politika të paqarta për menaxhimin e kësaj situate të pazakontë. Nëse kthehemi pas në kohë, do të lexojmë se në fillim shumë vende morën si pikë referimi përvojën kineze që kishte si politikë kryesore karantinimin e plotë. Mandej testim me tampon, analizë gjaku, skaner. Me ardhjen në Europë virusi u trajtua si diçka tërësisht e re, ndaj të cilit njeriu nuk kishte imunitet.

Fjala e kryeministrit Edi Rama sot në Durrës, në funksion të fushatës “Deputeti që Duam” ilustron më së miri se zgjedhjet e reja që po afrojnë e gjejnë Shqipërinë pa ndonjë ofertë politike. Z. Rama ka gjetur rastin që teksa propagandon punët e qeverisë së tij të merret gjerë e gjatë me kundërshtarët e vet politikë, që sipas tij i ka pas. Lulin dhe Monikën që i sheh në një tog politik, që sipas tij kërcënon demokratët, të cilët nëse votojnë PD-në do kenë peshqesh Monikën dhe Ilirin.

Është zbardhur sot në media draftligji për Presidentin e Republikës, një ide që ka vite që diskutohet. Nga sa lexohet në draftin e publikuar, aty preken edhe përkufizimet për Presidentin, që ushtron kompetenca “në cilësinë e organit të lartë shtetëror”.

P.sh nëse në Kushtetutë, neni 86 thotë se:

Presidenti i Republikës është Kryetar i Shtetit dhe përfaqëson unitetin e popullit

Në Turqi do të duhet të shemben 800 000 ndërtesa si pasojë e dëmtimeve të tërmetit të fundit. Sipas shoqatës turke të ndërtimit, 400 000 ndërtime në Stamboll dhe 400 000 ndërtime në provincën e Izmirit duhet të rrëzohen  për arsye se janë ndërtuar para vitit 1999.

Me kalimin e kohës, ndodh krisja e betonit dhe korrozioni i hekurit në ndërtesa. Ne duhet t’i gjejmë dhe t’i rrëzojmë

Misioni europian për ligjin në Kosovë, ka kryer sot procedura kontrolli në shtëpinë e ish-presidentit Hashim Thaçi dhe kryetarit të PDK-së, Kadri Veseli. Media e Kosovës i quan këto procedura 'bastisje' dhe nga raportimet e ndryshme ka rënë në sy anormaliteti procedurial i tyre pasi qoftë për Thaçin, qoftë për Veselin, hetimet quhen të përmbyllura dhe nuk ka arsye për kontrolle të mëtejshme.

Bindja se Joe Biden po shkon drejt Shtëpisë së Bardhë, referuar votave të numëruara deri më tani, duket se është përfundimtare. E pagjasa ka ndodhur por pa sjellë përmbysje: përpara se Biden të fitojë, është Trump që ka humbur. Dhe forca e lajmit ka vlerë kushtëzuese me çdo fitore në botën e sotme.

Patriarku i Kishës Ortodokse Serbe, Irinej, është viktima e radhës e CoVid-19 dhe sipas mediave ai ëhstë infektuar gjatë ceremonisë mortore të Amfilohije Radoviçit, klerikut të lartë malazez.

Në ceremoni morën pjesë shumë njerëz, madje disa prej tyre u filmuan duke puthur kufomën e klerikut, pavarësisht paralajmërimeve të autoriteteve për rrezikun që paraqiste një pjesëmarrje e tillë.

Në ceremoni ishin të pranishëm edhe zv.kryeministri malazez Zdravko Krivokapiç dhe presidenti serb, Aleksander Vuçiç.

Ministria e Shëndetësisë raporton në përditmëri se numri i tamponeve të kryer për gjurmimin epidemiologjik të të sëmurëve me CoVid-19 është rritur. Sot p.sh numri i tamponeve është 1744, ndërkohë që numri i rasteve të reja është 421. Në këto shifra përfshihen edhe tamponimet e klinikave private dhe raporti tamponim – infektim vazhdon të zhvendoset drejt uljes. P.sh më herë është thënë se gjurmimi quhet i mjaftueshëm kur shifra e tamponimeve është 10 herë më e lartë se ajo e infektimeve.

Hashim Thaçi ka dhënë sot dorëheqjen nga detyra e Presidentit të Kosovës duke i dhënë fund i detyruar pengmarrjes së një vendi të tërë. Atij i është konfirmuar aktakuza nga Gjykata Speciale bashkë me luftëtarë të tjerë të UÇK-së, aktakuzë e cila duhet të provojë kryerjen e krimeve prej tyre. Shumëkush mund të mendojë se kemi të bëjmë me një spastrim të skenës politike të Kosovës. Ndoshta, por nëse kjo bëhet në emër të zbardhjes së fakteve dhe dhënies së drejtësisë, duhet përshëndetur.