Lajme

Të mos largohemi nga Shqipëria e vërtetë se na bëhet dita monotone. Për këtë po ndihmojnë tashmë edhe vip-at, apo të njohurit e ekranit siç quhen ndryshe. Mjafon të lexosh gazetat dhe zëre se je në taksi, i more vesh të gjitha. Njerëzit e sportit janë më interesantë. P.sh gazeta “Panorama Sport” përcjell një debat mes Shpëtim Duros dhe Sulejman Starovës. Çështje është “Partizani”.

Shefi i zyrës së BE-së në Prishtinë Samuel Zhbogar përmes një letre “pa doreza”, ka akuzuar sot direkt ministren e Tregtisë e Industrisë Hikmete Bajrami, për largimin nga puna të njerëzve profesionistë në ministri. Sipas Zhbogar, puna e mirë që është bërë në të kaluarën në MTI po rrënohet nga Bajrami, dhe nëse vazhdohet kështu, Kosova do të dështojë në të gjitha fazat e integrimeve evropiane.

Skandali i barnave të rimbursueshme dyshohet se është disa herë më i madh nga sa është prezantuar nga Ministria e Shëndetësië. Tv Klan raporton se nga hetimi dy mujor i prokurorisë së Tiranës ,rezulton se në këtë skemë ishin të përfshira dhe një numër i konsiderueshëm farmacish në rrethe. Si pasojë e veprimeve hetimore të kryera nga Prokuroria e kryeqytetit ka rezultuar se farmaci në Durrës, Elbasan, Fier dhe disa qytete të tjera kanë qënë pjesë e kësaj skeme.

Me emrin e matematicienit të lashtë, Efklidis Cakalotos, ministri i ri grek i Financave, i arsimuar në Oksford, shihet gjerësisht si imazh i pranuar dhe i moderuar nga të gjitha palët në negociatat e vështira të Athinës. Ekonomisti i lindur në Roterdam të Holandës i përket elitës së Saint Paul-it, shkollës së famshme britanike, dhe nuk është zgjidhje urgjence për Syrizën. Ai ka qenë pjesë e partisë për gati një dekadë dhe mbetet një ekonomist me bindje të majta.

Kryeministri Edi Rama ka zhvilluar sot një takim me të zgjedhurit vendorë. Kanë munguar përfaqësuesit e opozitës, e me këtë rast kreu i qeverisë ka deklaruar se do të bashkëpunojë me gjithkënd. Ndërkohë ai ka paralajmëruar se pjesë e ndryshimeve ligjore që burojnë nga ndarja e re territoriale do jetë edhe raporti mes kryetarit të bashkisë dhe policisë. “Jemi duke studiuar edhe përfshirjen e bashkive të reja drejtpërdrejt në çështjet e rendit publik.

Menjëherë pas zgjedhjeve lokale, qeveria nis projekte të reja ndërtimore në Tiranë. Sot u hap konkursi për transformimin e hyrjes së Parkut të Liqenit në Tiranë. Kryeministri Rama tha se projekti fitues do i hapë rrugën “programit të ri transformues për të gjithë parkun e integruar të Tiranës. Për këtë konkurs kanë shprehur interes shumë studio të huaja, që i falenderoj për ardhjen e tyre në Shqipëri”. Reagime negative ndaj projektit shfaqi Gjergj Bojaxhi dhe lëvizja e tij “Ne, Tirana”:

Një person e ka goditur me grusht rektorin e Universitetit të Vlorës Albert Qarri, në sallën e teatrit “Petro Marko”, ku do të organizohej një aktivitet ku i ftuar ishte edhe presidenti Bujar Nishani. Efektivët e Gardës kanë neutralizuar agresorin Kujtim Cakrani, por e kanë lënë më pas të lirë. Cakrani e ka fyer dhe më pas e goditi rektorin. Policia e ka shpallur në kërkim. Cakrani që i vë emrit të tij titullin e avokatit, është pasardhës i familjes së Cakranëve të Mallakastrës dhe disa herë në shtyp u ka bërë avokatinë paraardhësve të tij të njohur.

Në kryeministri po u jepet dora e fundit punimeve që do ta kthejnë katin e parë në një qendër arti dhe dialogu. Kështu është thënë të paktën zyrtarisht nga stafi i kryeministrit Rama, i ngarkuar me mbikqyrjen e punimeve. Përveç të tjerash në sallën e protokollit ose thënë ndryshe pragun e shtëpisë u tha se do të vihen fotografi të spikatura të një fotografi të shquar gjerman. Falma Fshazi drejtore e Komunikimit dhe Hulumtimit në kryeministri zbuloi për publikun këtë detaj domethënës nga përgatitjet që në fakt qeveria dhe kryeministri në veçanti po bëjnë për të pritur kancelaren gjermane.

Një autobus i linjës Liqeni i Thatë - Qendër në Tiranë është djegur pas mesnate dhe zjarrëvënia ka qenë e qëllimshme, njofton A 1 Report. Autobusi ka qenë i parkuar në vendparkimin e urbanëve të kësaj linje në Liqenin e Thatë. Autobusi me targa AA 613GN në pronësi të personit me iniciale S.D është djegur nga dy persona, të cilët sipas rojës kanë qenë me maska. Ai thotë se ata e kanë kërcënuar dhe më pas i kanë vënë flakën autobusit. Roja është ndaluar nga policia. Po hetohen dy pista: Zjarrvënie për motive të konkurrencës ose djegie nga vetë stafi i linjës.

a.k

Edhe pse kryeministri Cipras deklaroi se ky nuk ihste një referendum për qëndrimin ose jo në euro,