Lajme

Një i dënuar për tentativë vrasje ka mundur t’i shpëtojë mbrëmë policisë së Rinasit. Ai është Arnold Canameti. Ky person ishte ekstraduar nga Franca, për shkak se ishte shpallur në kërkim ndërkombëtar, pas dënimit të tij në mungesë. Por me të mbërritur në Rinas ai është arratisur. Policia e Rinasit ka tentuar ta mbajë të fshehtë arratisjen, në përpjekje për të mbuluar skandalin. Forca të shumta janë angazhuar mbrëmë me urgjencë për të kapur të arratisurin dhe për të mbyllur skandalin. Lapsi.

Ata janë bërë pjesë e diskursit publik ndoshta për arsye kompleksiteti të politikës sonë ndaj të huajve apo raporteve të ndërvarësisë mes dy palëve. Ambasadorët e huaj në Shqipëri janë personazhe që tashmë e kanë kthyer në normë “futjen e hundëve” në punët e brendshme të demokracisë duke treguar në shumë raste anësi për njërën apo tjetrën palë.

Europa ka trumbetuar shumë këto vitet e fundit konceptin e multikulturalizmit. Por në një Europë ku ndodhin sulme terroriste, ku vala e imigracionit ka sjellë daljen në skenë sërish të partive nacionaliste, ideja duket se po rrëzohet. Kancelarja gjermane, Angela Merkel, e cila është përshëndetur gjerësisht për pranimin e një numri të madh imigrantësh, deklaroi këtë të hënë në një takim të partisë së saj, se multikulturalizmi është një gjë e rreme. “Ai çon në shoqëri paralele...”, tha Merkel që këtë vit u shpall njeriu i vitit nga revista “Time”.

”Zotat e jetës dhe vdekjes” ishte një nga përshkrimet e njësive të kohës së luftës të drejtuara nga ish-shefat e Shërbimit të Sigurimit të Shtetit të Serbisë Jovica Stanisiç dhe Franko Simatoviç, të dëgjuara gjatë gjykimit të tyre në gjykatën e krimeve të luftës të OKB-së në Hagë.

Ndonëse u bënë përpjekje për ta konsideruar zhurmën për dekorimet si injorancë, apo si një bori që i bihet sa herë ka nevojë ndonjë parti, sot, kryeministri në vetë të parë është detyruar të kërkojë falje. Dhe e ka bërë këtë nga qyteti i Shkodrës, meqenëse sensibiliteti më i madh erdhi nga komuniteti katolik françeskan për dekorimin e Shyqyri Çokut, hetues i At Zef Pllumit. “U kërkoj ndjesë At Zef Pllumit dhe Sami Repishtit, profesorit të nderuar, për dekorimin e tortueruesit të tyre. Unë jam po aq i befasuar sa të gjithë shqiptarët nga ky lajm.

Qytetarët shqiptarë, një pjesë e tyre të paktën, shohin si shpresë për ndryshimin e disa gjërave në Shqipëri, përfaqësuesit e ambasadës amerikane në Tiranë. Kjo vihet re edhe në komunikimin në rrjetet sociale mes ambasadorit aktual Donald Lu me qytetarët në rrjetet sociale. Lu ka përsëritur apelin për largim të gjyqtarëve dhe prokuororëve të korruptuar si dhe mbajtjen e përgjegjësive nga ministra të korruptuar.

Aksionet kundër informalitetit dhe në veçanti ai kundër vjedhësve të energjisë shoqëruar me zellin e gjyqtarëve për të vendosur drejtësi kanë çuar në një situatë të pazakontë në burgjet shqiptare.Në tryezën e mbledhur për mbipopllimin e burgjeve u vu në dukje rritja e lartë e shifrave për të dënuarit me arrest me burg sidomos pas vitit 2013.

Në aktin normativ të datës 11 dhjetor të këtij viti qeveria ka rishikuar me ulje tavanin e shpenzimeve buxhetore për ministritë dhe institucionet e tjera publike në masën 0.9 %.

Një nga 9 të akuzuarit për rekrutim të luftëtarëve shqiptarë në Siri deklaroi se përpjekjet e opozitës nuk mjaftojnë për të rrëzuar diktaturën që sipas tij është instaluar në Shqipëri. Në seancën e radhës në Gjykatën e Krimeve të Rënda Fadil Myslimani këshilloi liderin e opozitës Lulzim Basha të ndryshojë strategji për të arritur objektin që sipas tij është paqja në islam.