Lajme

“Pres Tv”, një ndër mediat kryesore iraniane, raporton se Rusia dhe ShBA mund të bien dakord për largimin nga pushteti të presidentit sirian Bashar al Assad dhe krijimin e një faze tranzitore që do të jepte një zgjidhje për krizën e gjatë të Sirisë. Televizioni në fjalë citon Celeste Wallander, drejtore për Rusinë dhe Eurazinë në Këshillit Kombëtar të Sigurisë, sipas të cilës procesi politik është në zhvillim e sipër. Wallander thotë se shpresat janë që kjo gjë të arrihet me vizitën e sekretarit amerikan të Shtetit John Kerry në Moskë javën që vjen.

Në vitin 2010, Kombinati i Përpunimit të Thellë të Naftës në Ballsh, në atë kohë nën pronësinë e Rezart Taçit, i shiti një sasi karburanti gjysmë të përpunuar, të njohur si “virgin”, një kompanie të panjohur me emrin “Tea Construction & Petrol”. Sasia prej 5.6 milionë kilogramësh kishte vlerën prej 500 milionë lekësh dhe qe pa taksa.

Në Shqipëri, aktualisht një litër naftë i nënshtrohet një tatimi prej rreth 100 lekësh për litër, ku përfshihet, 37 lekë akcizë, 27 lekë taksë qarkullimi, taksë karboni e TVSH, e cila varion nga çmimi final i shitjes.

21 janari është një ngjarje e rëndë në historinë e ketyre viteve të fundit. Për atë që ishte aty, apo që e ka ndjekur nga mediat, e ka ende të pakuptueshme arsyen e vrasjes së katër personave që mbetën viktima në mbyllje të protestës. Nuk arrin dot të kuptojë se përse pushteti i tanishëm nuk inicion procesin për drejtësi, jo për hakmarrje.

Në maj të këtij viti qeveria vendosi që të jepte 88 ha tokë shtetërore me synin ndërtimin e një varreze private. Përfitues nga kjo dhuratë është një kompani, “VEBO Invest” . Sipas disa raportimeve, në këtë kompani është bashkëpronar edhe Besim Cara, i vëllai i deputetit socialist Parid Cara. Për të bërë të mundur që dhënia të ishte e sigurtë, ministria e drejtuar nga ministrja Eglantina Gjermeni ka bërë ndryshimin në ligjin “Për shërbimin publik të Varrezave” duke përcaktuar se “këto lloj kontratash cilësohen si ekskluzive dhe mund të përfitohen edhe pa tender”.

E majta në pushtet ka rigjetur unitetin, atë që e ka vuajtur pas zgjedhjeve lokale të këtij viti. Pika e dakordësisë është projektbuxheti 2016, për të cilin kryetari i Grupit Parlamentar, Gramoz Ruçi, ka folur edhe në një intervistë për “Vizion Plus”. “N.q.s Shqipëria ne 2013 e kishte rritjen ekonomike 1% ky buxhet parashikon që në 2016 të jetë 3.4%. Të njëjtën gjë do thoja që ky buxhet i thotë stop rritjes së borxhit të Shqipërisë. Për herë të parë borxhi jo vetëm që nuk rritet, por për herë të parë borxhi ulet.

Disa shkencëtarë britanikë, asistuar nga arkeologë izrealitë kanë rikrijuar atë që besojnë se është imazhi më i saktë i Jezu Krishtit. Duke aplikuar metoda të antropologjisë kriminale, shkencëtarët kanë risjellë një imazh që qëndron shumë larg ikonografisë dhe imazheve të përdorura nga artistët. Krishti në botën europiane dhe perëndimore piturohet si një person fytyrëhollë, me flokë të gjatë, sy me ngjyrë, buzë të holla dhe me hundë të drejtë. Ndryshe nga apostujt që e rrethojnë e që paraqiten si më të shëndoshë.

“Qeverisja jonë është arsye për të qenë me PS”. “Nuk ka alternativë tjetër përveç PS”. “Ne kemi vënë shtetin në detyrë”. “Nuk i anullojmë dot konçesionet e dhëna”. Këto fjali u titruan nga fjalimi i kryeministrit Edi Rama në Gjirokastër, ku bashkë me bashkëpunëtorin e vet, Koço Kokëdhima, koordinator i PS-së për Jugun, kanë folur njësoj për reformën në parti, vlerat e çmuara që ajo përcjell e që çuditërisht, ndonëse i dha fitore të dyve, po synihet të reformohet.

Sali Berisha i ka dhënë dje një intervistë Çim Pekës ku sqaron me hollësi disa zhvillime dhe përvoja të  tijat të vitit 1990. Ndoshta për herë të parë, Berisha replikon ndaj disa tezave që kanë qarkulluar gjatë për vitin 1990, për Lëvizjen e Dhjetorit, për rolin e Ramiz Alisë si dhe akuzat që i bëhen atij. Më poshtë disa pjesë nga intervista:

Fitorja e Frontit Nacional në Francë ka kapur në befasi përfaqësuesit e qeverisë aktuale në Paris. Kryeministri Manuel Valls që vjen nga radhët e socialistëve, ka deklaruar se me këtë rezultat në Francë po dominojnë dy vizione për Francën: “Një është ai i ekstremit të djathtë, që në bazë predikon ndarjen. Kjo ndarje mund të çojë në luftë civile”, tha Valls për Francë Inter, dy ditë para balotazhit. Vallas madej ka bërë thirrje që votuesit të votojjnë për kandidatët e djathtë në mënyrë që përfaqësues të Frontit Nacional të mos fitojnë.

Ka disa ditë që Operatori i Shpërndarjes së Energjisë i ka ndërprerë furnizimin me energji Uzinës së Ballshit. “Shqiptarja.com” raporton se për pasojë 1000 punëtorë kanë mbetur pa punë dhe kanë kërkuar ndërhyrjen e kryetarit të Bashkisë së Mallakastrës Agron Kapllanaj. Ndërprerja ka ardhur pasi uzina është debitore ndaj OSHEE-së prej disa kohësh. Nuk dihet sesi do të veprohet për të zgjidhur situatën, por Kapllanaj i është drejtuar qeverisë.