Lajme

Partia Demokratike do të kallëzojë në Prokurorinë e Tiranës kryebashkiakun Erion Veliaj për vendimet e datës 30 Dhjetor të Këshillit Bashkiak. Sipas opozitës, vendimi i Erion Veliajt për rritjen me 50 milionë dollarë të taksave vendore është i pavlefshëm sepse është ndërmarrë pa u dekretuar ende ndryshimi i ligjit ‎nga Presidenti i Republikës për taksat dhe tarifat vendore. “Për të njejtën arsye, fakti që bazohen në një akt që ende nuk ka fuqi është i pavlefshëm dhe miratimi i buxhetit 2016 të Bashkisë”-thotë deklarata e Partisë Demokratike.

Një udhëtim në fushën e minuar të marrëdhëniëve shqiptaro-greke që tenton të hedhë dritë mbi raportin mes dy vendeve vjen i botuar në një libër nga profesori i Historisë në Universitetin Aristotelio të Selanikut, Stavro Daju me titull “Shqipëria dhe Greqia.

Mehmet Shehu, njeriu i hekurt i Partisë së Punës i ardhur nga radhët e luftës dhe krahu i djathtë i Enver Hoxhës deri në vitet ’80 ka dokumentuar veprimtarinë e tij politike dhe luftarake në një autobiografi që sheh dritën e publikimit dhe që tregon një anë tjetër të ish-heroit të luftës së Spanjës që nga koha kur ai nisi të aktivizohej me grupet komuniste. Shehu tregon antizogizmin e tij dhe idetë për të kryer akte terroriste kundër mbretit. Më tej ai sqaron edhe marrëdhëniet brenda elementëve komunistë gjatë luftës dhe raportet me Jugosllavinë e Titos.

Lëvizja Vetëvendosje në Kosovë paralajmëroi sot se protesta do të rinisin së shpejti me objektiv rrëzimin e qeverisë aktuale me “çdo kusht”.  “Do të ketë protestë me metoda që i kemi parë deri më tani, por edhe me metoda të tjera, të cilat nuk i kemi përdorur. Protesta e 9 janarit është jashtëzakonisht e rëndësishme, sepse do të duhej të ishte goditja përfundimtare ndaj këtyre marrëveshjeve dhe, në anën tjetër, do të niste një proces të ri të të protestuarit kundër kësaj qeverie, të përbërë nga shkelës të Kushtetutës.

Numri i vrasjeve me dashje në Shqipëri pati një rritje stratosferike në vitet 1997-98, siç demostron grafiku bashkëngjitur. Por më pas, ato pësuan një rënie graduale. Ndërsa në vitet e fundit, rënia ka qenë drastike.  Nga 126 vrasje me dashje që u regjistruan në 2012-ën, patëm 107 në 2013-ën, 98 në 2014-ën dhe vetëm 54 në 2015-ën. Pra, në dy vjetët e fundit, vrasjet me dashje u përgjysmuan.

Në zbatim të urdhërit të një gjykate amerikane, çdo muaj publikohen email-e të Hillary Clinton-it të ruajtura në një server privat, gjatë kohës që ishte Sekretare e Shteit. Ndër email-et e publikuara këtë muaj, ishte një i dërguar nga aktivistja demokrate Neera Tanden, në të cilin ajo informonte Hillary-n se, gjatë një drake, financieri i famshëm Soros i kishte deklaruar se ishte bërë pishman që nuk kishte mbështetur Clinton-in në garën me Obamën në 2008-ën.

Donald Trump ka provokuar edhe njëherë opinionin, kësaj radhe me një akuzë të rëndë për administratën aktuale në Washington.  Duke folur në Biloxi, Mississippi, kandidati republikan ka akuzuar presidentin amerikan Baracka Obama dhe ish-sekretaren amerikane të Shtetit, Hillary Clinton, si krijues të Shtetit Islamik. “Ata e krijuan ISIS. Hillary Clinton krijoi ISIS-in bashkë me Obamën", tha Trump(http://edition.cnn.com/2016/01/02/politics/donald-trump-barack-obama-hil...).

“Tesla” është marka e një makine elektrike që prodhohet në Holandë. Ka shitur 50 mijë njësi këtë vit dhe siç raporton “Bloomberg” pretendon të shesë 500 mijë njësi më 2020-ën. Holanda është vendi me prodhimin e dytë më të lartë në botë të makinave elektrike, pas Norvegjisë. Në Amsterdam edhe taksitë janë “Tesla”. Fabrika që po i i hap rrugën kështu një lloji tjetër makine, pa karburant, pra pa ndotje, është në Tilburg. Më poshtë disa pamje: 

Avokati i Popullit ka deklaruar në një intervistë për “Ora-News” se rekomandimet e lëshuara nga zyra e tij, do të ndiqen deri në fund. Për ato institucione që nuk i përgjigjen rekomandimeve do të vihet në lëvizje prokuroria. “Ne kemi ngritur një grup të vogël ekspertësh, të cilët po shikojnë mundësinë nëse kemi të drejtë apo jo të bëjmë kallëzim penal apo të rekomandojmë ndjekje penale për ata funksionarë shtetërore, pavarësisht nga rangu i tyre, që nuk i përgjigjen Avokatit të Popullit.

Gazeta “The Telegraph” shkruan sot se qeveria britanike ka urdhëruar të gjitha ambasadat e saj që të mos lejojnë qëndrimin e ish-ministrave apo ish-kryeministrave në rezidencat diplomatik, as edhe të shërbehen me burimet e tyre, në mënyrë që të shmanget ideja se këta njerëz përfaqësojnë zyrtarisht Britaninë e Madhe.  Rast tipik ilustrues është ish-kryeministri Tony Blair, një udhëtar i madh i kohës sonë, i cili prej kohësh ushtron aktivitet lobimi për interesa private.