Lajme

Minutat janë shumë të rëndësishme. Dhe kjo provohet mirë në rastin e dy binjakëve të lindur në San Diego të SHBA-së: një prej fëmijëve lindi në minutën finale para ndërrimit të viteve, kurse i dyti, pak minuta pasi kishte hyrë viti i ri. Në dokumente i ndan një vit, edhe pse erdhën në jetë me pak minuta diferencë. 

http://www.nbcsandiego.com/news/local/San-Diego-Kaiser-Permanent-Zion-Ne...

Një pjesë e hebrejve duket se e konsiderojnë Holokaustin si një shfaqje të errët të shekullit të 20-të, por që është mistifikuar. Më herët, ish-presidenti iranian, Mahmoud Ahmadinejad u bë lajm botëror kur deklaroi se Holokausti ishte ekzagjeruar. Ai madje u akuzua direkt nga Shqipëria se “ishte një Hitler i ri”. Këto ditë, mendimin e tij e ka riprodhuar edhe një rabin hebre, ultraortodoks, me banim në New York.

Disa shkencëtarë në universitetin e Athinës janë përpjekur që të përcaktojnë me saktësi kohore veprimet dhe ngjarjet e poemave homerike: Iliadës dhe Odieseas. Referuar atyre që përshkruhen në poemë, në lojë kanë hyrë edhe astrofizikanët. Të paktën për ngjarjet poemës “Odisea” ku vepron heroi me të njëjtin emër. “Ne besojmë se historia na shpalos disa ngjarje reale. Odisea arriti në Itaka më 25 tetor 1207 p.e.s. Pesë ditë më vonë një eklips diellor u regjistrua në detin Jon. Në këtë ditë Odisea vrau pretendentët.

Zhgënjim! Kështu mund të quhet karikatura e Kevin Kallaugher në “The Economist” për kryemistrin grek, Alexis Tsipras. “Ai nuk ishte ëndrra që grekët besonin”, e titullon Kallaugher. Dhe në të vërtetë: pas njeriut të popullit që premtoi nderin dhe dinjitetin, u shfaq politikani që diti të kapë momentin më mirë nga të gjithë në Greqi. Aq sa tani mbetet ende alternativa më e pranueshme.

Dy persona gjetën vdekjen dhe shtatë të tjerë u plagosën gjatë një atentati në Tel-Aviv, në një pub. Nuk është përcaktuar nëse sulmi ka natyrë terroriste apo kriminale.

Përshkallëzohet edhe më tej tensioni mes Rusisë dhe Perëndimit. Presidenti rus, Vladimir Putin ka firmosur së fundmi një dokument të strategjisë së mbrojtes, në të cilin NATO përcaktohet si kërcënim për Rusinë dhe sigurinë e saj kombëtare. Sipas këtij dokumenti, instalimet e ndryshme të NATO-s në disa vende, cilësohen si kërcënimi kryesor Kremlinin. Dokumenti cilëson po ashtu se instalimet e sistemeve ushtarake nga NATO vjen në kundërshtim me ligjin ndërkombëtar, ccka kërcënon rendin e përgjithshëm në botë.

Shkrimtari i njohur shqiptar,Ismail Kadare nderohet nga shteti francez me Urdhërin e Lartë Kombëtar “Komandant i Legjionit te Nderit”.  Ky urdhër është ndër më të rëndësishmit në vlerësimin që Franca u bën personaliteteve në fusha të ndryshme.  Këtë vit në gjininë e letrave urdhëri  i takoi shkrimtarit shqiptar dhe francezit Michel Tournier.

Ka ndërruar jetë në moshën 42 vjeçare, Ian Murdock, një pioner i sistemit operativ “Linux”. Murdock njihet si themelues në vitin 1993, i “Debian Linux”, një nga versionet e para dhe më të suksessshme të sistemeve të hapura operative. “Kjo është një humbje tragjike për familjen, për komunitetin e “Docker” dhe për botën e madhe të burimeve të hapura”, tha Ben Goulb, CEO i “Docker”, kompania softuerike ku punonte së fundmi Murdock. Kompania nuk e ka bërë të njohur shkakun e vdekjes. 

Sulme  të ngjashme me ato të Parisit ishin planifikuar të kryeheshin nga një grup terrorist të përëbërë nga 7 irakianë në Mynih natën e ndërrimit të viteve.  Gjithçka e kordinuar nga Shteti Islamik sipas gazetës BILD. Ndonëse policia gjermane deklaroi se i ka emrat e 7 personave, 5 prej të cilëve me prejardhje arabe nuk ka ende asnjë të arrestuar. Informacionet autoritetetve gjermane ia përcollën shërbimet sekrete të një vendi europian.

Pas bilancit të fundvitit me gazetarët kryeministri iu drejtua shqiptarëve me një urim të përmbledhur në një album kartolinash me 242 faqe që pasqyrojnë punën e qeverisë në dy vjet për të rilindur Shqipërinë. Një libër sipas tij për t’u shfletuar nga të gjithë shqiptarët, edhe ata që janë të zhgënjyer, për të parë ndryshimin mes të djeshmes dhe të sotmes.