Lajme

Marina amerikane ka publikuar videon e "sulmit" iranian në afërsi të kursit të disa anijeve ushtarake amerikane, mes të cilave edhe aeroplanmbajtëses "Harry Truman". Incidenti ndodhi muajin e kaluar në ngushticën e Hormuzit. Pamjet janë marrë nga një helikopter.

http://www.businessinsider.com/navy-video-of-iran-firing-rockets-near-us...

Në datën 23 dhjetor 2015 qeveria shqiptare ka marrë vendimin “Për miratimin e planit kombëtar të veprimit për integrimin e romëve dhe egjiptianëve, 2016-2020”. Plani është disi i shtjelluar dhe parashikon mbështetje financiare për të gjitha ndërhyrjet që parashikohen për integrimin e këtyre komuniteteve, me synim integrimin dhe angazhimin e kësaj pjese të popullsisë shqiptare, rritjen e standardit arsimor dhe të shërbimeve ndaj saj. Plani Kombëtar e hap përmbajtjen me një statistikë të hamendësuar për numrin e përgjithshëm të romëve dhe egjiptianëve në Shqipëri.

Përmbytjet e ditëve të fundit nuk mund t’i shpëtonin debatit politik për përgjegjësinë e dy qeverive lidhur me situatat e krijuara nga reshjet. Balta bie mbi të dyja qeveritë që pavarësisht se mundohen t’u fshihen përgjegjësive dalin zbuluar me mëkatet që kanë mbi shpinë.

Ky është i dyti vit që qeverisë aktuale i ikën situata nga duart për shkak të një dige që sipas raportimeve nga terreni u ça nga dhelprat, ndërsa në Librazhd shkarfosja e rrugës nxorri nga dheu një tjetër zullum që rrinte nën tokë bashkë me të pathënat e qeverisë së djeshme.

Disa vende në veri të Europës deklarojnë se që nga viti 2013 e këtej, një numër i madh i pasaprotave të lëshuara prej tyre, janë vjedhur apo kanë humbur. Konkretisht, deklarohet zyrtarisht se në Gjermani mungojnë 477 mijëe pasaporta, në Danimarkë 195 mijë, në Suedi 177 mijë dhe në Finlandë 44 mijë.  

Gjahtarët në Idaho të SHBA-së kanë vrarë një luan mali – puma –që ka disa deformime monstruoze. Pasi sulmoi një qen në Preston, Puma u zbulua se kishte dhëmbë të dalë edhe në pjesën e sipërme të kokës, e megjithatë jetonte. Shpjegimet janë dy: ose ky është rudiment i një binjaku që ka ngordhur që në fetus dhe shpjegimi i dytë është tumori "teratoma". Ky lloj tumori çon në rritje të dhëmbëve dhe flokëve. 

http://edition.cnn.com/2016/01/09/us/idaho-deformed-mountain-lion/index....

Vetëvendosje ka publikuar një video të konfrontimit në Morinë mes policisë kosovare dhe disa protestuesve nga Tirana që udhëtonin drejt Prishtinës, ku do të mbahej protesta e VV-së. Protesta u zhvillua në Prishtinë dhe VV pretendon se kanë marrë pjesë 100 mijë njerëz.

Sot u njoftua për një takim gati dy orë mes kryeministrit Edi Rama dhe aleatit të tij në qeveri, kryetarit të Kuvendit, Ilir Meta. Po kështu njoftohet edhe rikthimi i ekspertëve të PD-së në tryezë bashkë me lajmin se “mazhoranca ka tërhequr draftin e vet fillestar” të amendimeve për reformën në drejtësi.  Sorrollatja në fjalë nuk ka ndonjë rëndësi kushedi se çfarë përpos faktit se ajo që duhet të ishte bërë që në fillim, po ndodh vetëm tani. Kryeministri mendoi të hidhte për miratim një reformë ekskluzivisht ekspertësh me mendimin e shpallur prej tij, se politika nuk duhet të fusë duart.

Ministri i ri i Drejtësisë, Ylli Manjani, mendon se një rrugë për zgjiedhjen e mbivendosjes së titujve të pronësisë në Shqipërië është krijimi i një harte dixhitale të pronave. Në një prononcim për “shqiptarja.com”, Manjani shpjegon se po “punohet për një hartë unike kombëtare dixhitale”, e cila evidenton mbivendosjet, të cilat sipas ministrit kur konstatohen do të zgjidhen “nga grupet që do të shkojnë në terren të bëjnë matje”. Nisma është shumë pozitive, pasi ndihmon shumë në një situatë kaosi.

Tri ditë pas Korea e Veriut njoftoi shpërthimin e një bombe me hidrogjen, është shpërndarë një tjetër video. Aty shfaqet kreu i shtetit Kim Jong Un duke parë një raketë që del nga uji shoqëruar me komente me tone luftarake. Në video thuhet se lëshimi i raketës dhe pamjet janë të muajit dhjetor 2015 dhe mendohet se testi është kryer afër Sipo, në Detin e Japonisë që lag Korenë e Veriut. Mediat koreanojugore thonë se video është një përpunim pamjesh nga disa teste, por jo një lëshim i suksesshëm nga një nëndetëse.