Lajme

Ish-kryeministri, Sali Berisha ka sulmuar ashpër emisionin “Opinion” të Blendi Fevziut. Shkak është bërë emisioni i të enjtes në mbrëmje që fliste për krimet e ndodhur gjatë ditëve të para të vitit 2016.
Berisha shkruan se, “ky është një zhvillim tepër i rëndë” dhe akuzon Fevziun si të dominuar nga krimi. “Krimi në “Opinion”, zhvillim dramatik! Sonte emisioni “Opinion” u shndërrua në njërin prej më të neveritshmëve në historinë e mediave.

Ka disa ditë që Sali Berisha e quan gënjeshtar Saimir Tahirin, në lidhje me numrin e vrasjeve të 2015-ës, të deklaruara nga ky i fundit. Tahiri deklaroi para disa ditësh se numri i vrasjeve në 2015-ën ishte 54, sa gjysma e atyre që ndodhën në 2013-ën. Ndërsa Berisha ka deklaruar që, nga burime brenda policisë, i rezulton se numri i vrasjeve për vitin 2015 ishte 136.

Grupi i ekspertëve të maxhorancës ka përfunduar draftin e reformës në Drejtësi pa ekspertët e opozitës.Drafti do t’i përcillet brenda kësaj jave Komisionit të Posaçëm, i ndryshuar sipas rekomandimeve të Komisionit të Venecias.
Mungesa në tryezë e ekspertëve të opozitës, Enkelejd Alibeaj dhe Gazment Bardhi, nuk e ka penguar grupin tjetër të ekspertëve për të vijuar me ndryshimet në draftin fillestar dhe për të përfshirë çdo rekomandim të bërë nga Komisioni i Venecias.

Përveç krizës së imigracionit që po rëndohet dita – ditës, Bashkimi Europian dhe Europa në tërësi përballen edhe me një problem tjetër jo të vogël. Qëndrimi ose jo i Britanisë së Madhe në Union. Prej kohësh zyrtarë të lartë britanikë kanë shprehur shqetësim dhe kanë kërkuar ndryshime të rregullave sa i përket lëvizjes së forcës së punës, pasi siç shprehen ata hyrja e punëtorëve në Britani sipas rregullave të BE-së cenon interesat e qytetarëve britanikë.

Banka Botërore vlerëson se rimëkëmbja e ekononomisë shqiptare do të jetë e ngadaltë dhe rritja ekonomike nuk pritet të kalojë mbi 3.5 për qind as për tre vitet e ardhshme. Parashikimi pesimist vjen në raportin e fundit mbi Prespektivën e Ekonomisë Globale.
Sipas raportit për këtë vit, vlerësimi për rritjen ekonomike të Shqipërisë është ulur në 3.4 për qind nga 3.5 që ishte parashikuar disa muaj më parë. Por më shumë se korrigjimi i lehtë me ulje për këtë vit, shqetësimi më i madh mbetet parashikimi për rritje mediokre thuajse në të gjithë horizontin afatmesëm.

Në një valë me Partinë Demokratike dhe LSI-në, Presidenti Nishani kërkon mbledhjen e një tryeze politike për reformën më drejtësi. Ai qortoi maxhorancën, e cila sipas tij nuk ka kërkuar mendimin e institucionit që ai drejton për reformën në drejtësi, ndërsa bëri thirrje për angazhim maksimal të klasës politike në hartimin e një drafti të përbashkët.
Sipas kreut të shtetit, është me rëndësi që të arrihet së pari gjuha e përbashkët e klasës politike shqiptare dhe më pas jetësimi i reformës nga ekspertët në bazë të dakortësimit të politikës.

Një kompani kineze deklaron se ka realizuar dronin e parë të aftë të mbajë një njeri brenda. Droni ngrihet në lartësi maksimale 3 500 m dhe fluturon normalisht në lartësi 300-500 m me shpejtësi deri në 100 km/orë. Emri i prototipit është Ehang 184 dhe është realizuar nga kompania kineze Ehang Inc. Ajo e ekspozoi prototipin në Las Vegas duke bërë të ditur se shpreson të shesë modelin për një shumë prej 200 mijë-300 mijë dollarë copa. Ai vihet në lëvizje me energji elektrike që karikohet në dy orë dhe mund të fluturojë për 23 minuta.

Dhe disa kabllo që dalin befasisht...

PS: Foto e rrugës në Çekin janë publikuar nga Nisma Thurje 

Ministria e Mbrojtjes e Vietnamit po heton origjinën e treo sferave metalike që ranë nga qielli në veri të vendit. Më i madhi nga objektet peshonte 45 kg dhe u gjet në prvincën e Tuyen Quang. Një objekt tjetër peshonte 25 kg dhe siç raporton një media vendase, banorët janë shprehur se kanë dëgjuar një zhurmë të ngjashme me atë që pason rrufenë pak përpara se objektet të gjendeshin. Një hetim i deritanishëm i ka përcaktuar objektet si kompresorë ajri të ndonjë avioni apo rakete. Vietnamezët mendojnë se ato janë të prodhimit rus dhe nuk paraqesin rrezikshmëri.

30 vjet pas anija kozmike “Challenger” shpërtheu në ajër, “National Geographic” vjen me një dokumentar ekskluziv. Në një orë shfaqen intervista, pamje nga qendra e kontrollit, nga anija brenda dhe një pjesë ku mësuesja nga Neë Hampshire, Christa McAuliffe, astronautja e parë civile në SHBA, e cila flet nga brenda anijes. Tragjedia e “Challenger” është ndër më të rëndat në historinë e programeve hapësinore dhe solli në humbjen e jetës së 7 astronautëve që ishin në mision. "Space.com" ka marrë 3 minuta nga video nga dokumentari që do të shfaqet më 25 janar: