Lajme

Ndërkohë që Europa po adopton legjislacion të ngjashëm me “Patriot Act” në SHBA, si pasojë e akteve terroriste, në planin e jashtëm, gjërat kanë kahje të kundërt. Komisioni Europian njofton përmes një deklarate për shtyp se është arritur një marrëveshje me SHBA-të për krijimin e një kuadri transatlantic për shkëmbimin e të dhënave personale. “Mburoja BE-SHBA e Privatësisë”, siç quhet buron si nevojë e një vendimi të Gjykatës Europiane të të Drejtave, të datës 6 tetor 2015, sipas të cilit Kuadri ekzistues nk është më i sigurtë.

Seksioni greqisht i CNN International ka publikuar pjesën e dytë të intervistës me kryepeshkopin e Kishës Autoqafale Shqiptare, Anastas Janullatos. I pyetur për prishjen e Kishës së Shën Athanasit në Dhërmi, kreu i Kishës Ortodokse e quajti një episod të pakëndshëm ndërhyrjen e shtetit, ndërsa foli për prona të shtetëzuara gjatë kohës së komunizimit që kishës nuk i janë kthyer ende nga shteti shqiptar. "Është një detaj jo dhe aq i këndshëm. Qeveria nuk ka kthyer ende pronat e kishës të shtetëzuara nga shteti komunist",- theksoi Janullatos.

Një tjetër denoncim me natyrë “ideologjike” bëhet sot nga ish-kryeministri i vendit Sali Berisha. Ky i fundit shkruan në profilin e vet në “Facebook”  se kryeministri aktual, Edi Rama, pritet të emërojë në krye të Fondit të Bashkimit Europian për Ballkanin Perëndimor, Gjergji Murra, djalin e Prokop Murrës,ish-ministër i Mbrojtjes në vitet ’80 dhe ish-anëtar i Byrosë Politike. “Te dashur miq, neser ne Parlament votohet marreveshja per Fondin e BE per Ballkanin Perendimor (FBP).

Përveç vendimit për shkrirjen e Urgjencës së Tiranës, Lëvizja Socialiste për Integrim ka dalë kundër PS-së edhe për projektligjin e ri të kamerave të sigurisë. Ky projektligj është propozuar nga Ministria e Brendshme dhe kërkon vendosjen e kamerave në mjedise biznesi dhe banimi me synim rritjen e mundësive të monitorimit dhe parandalimit të akteve të ndryshme me rrezikshmëri.

Sot doli në media Arben Ahmetaj me një sihariq: Qeveria shqiptare ka arritur marrëveshjen për liberalizimin e fluturimeve ndërkombëtare me koncesionarin e Aeroportit “Nënë Tereza”.  “Ministria e Transporteve dhe ajo e Zhvillimit Ekonomik kanë firmosur pjesën e tyre të marrëveshjes për liberalizimin. Dua të ndaj me ju, faktin që dokumenti gjendet për procedurë në bordin e koncesionarit, për të ardhur në qeveri e më pas në Parlament, sepse është mbyllur me sukses negociata, është realizuar heqja e ekskluzivitetit me rreze 100 km, duke përjashtuar Vlorën.

Problemet me Operatorin e Shpërndarjes së Energjisë kanë krijuar probleme financiare për biznesin. Si pasojë e lidhjeve të detyruara në linjat e vendosura në burimin e furnizimit. “Shumë biznese po detyrohen ta paguajnë energjinë 27% më shtrenjtë se tarifa zyrtare, si rrjedhojë e një konflikti me Operatorin e Shpërndarjes së Energjisë Elektrike (OSHEE) për burimin e furnizimit (tension i mesëm apo i ulët).

Një ditë pas ceremonisë së instalimit të kamerave të pilotimit në uniformat e policisë Ministria e Brendshme ka shpërndarë video të ndalimeve të disa qytetarëve për shkelje të rregullave të qarkullimit. Përtej debatit mes efektivëve të policisë me qytetarët e ndaluar, njëri prej të cilëve edhe avokati i njohur Genci Gjokutaj, pyetja është se a ka të drejtë policia te bëjë publike procedurën e ndjekur, duke cënuar hapur privatësinë e individëve, pasi mbulimi i fytyrës së qytetarit nuk është elementi i vetëm identifikues?

Në Shqipëri kemi dëgjuar raste të shumta nepotizmi. Vetëm para disa ditësh një raport i Kontrollit të Lartë të Shtetit vinte në dukje emërimet krejt në shkelje të ligjit të disa drejtuesve në Drejtorinë e Përgjithshme të Tatimeve, bazuar kryesisht mbi vendimmarrjen personale të drejtoreshës Briseida Shehaj. Asgjë e jashtëzakonshme. Të majtët që kanë ardhur në pushtet në Greqi, po kalojnë caqet e të ashtuquajtura standarde të shtetit ligjir e të së drejtës.

Kryeprokurori Adriatik Llala deklaroi sot se vrasjet e ndodhura në qendër të Durrësit dyshohet se janë rrjedhojë e përplasjeve për trafikun e lëndëve narkotike, si edhe për përfitime të padrejta të pronës. Në analizën vjetore të prokurorisë së rrethit ai tha se janë disa grupe kriminale që dyshohet se veprojnë në zonën e Durrësit, të cilët tashmë po tentojnë hapur të sfidojnë autoritetin e shtetit, për të realizuar qëllimet e tyre kriminale.

Në Shtetet e Bashkuara rregjistrohet rasti i pari i transmetimit të virusit Zika përmes marrëdhenieve seksuale dhe jo pickimit të një mushkonje.Personi i infektuar ndodhet në Dallas të Teksasit dhe nuk ka udhëtuar në zonat e prekura nga virusit, por personi me te cilin ka kryer marrëdhenie seksuale është kthyer nga venezuela.Sipas ekspertëve, nëse Zika përhapet nga raportet seksuale atëhere rrezikohet cdo vend, jo vetëm ata ku gjendet mushkonja Aedes Aegipti.