Lajme

Turqia ka paralajmëruar se është e gatshme të ndërmarrë edhe veprime ushtarake në ndihmë të palestinezëve që aktualisht janë përfshirë në një konflikt me izraelitët. Gjatë një fjale në Organizatën e Bashkëpunimit Islamik, ministri i Jashtëm turk, Mevlut Cavusoglu ka deklaruar ndër të tjera se:

Është koha që të tregojmë unitetin dhe vendosmërinë tonë. Umeti pret lidership prej nesh. Turqia është e gatshme të ndërmarrë çdo hap të nevojshëm

Pas afro 4 vite hetimesh, Prokuroria e Elbasanit kërkon pushimin e dosjes për 800 mijë eurot e gjetura në makinën e O.S., një procedim penal i nisur që më 2017, fillimisht nga ish-Prokuoria e  Krimeve të Rënda e më pas nga akuza e Elbasanit. 

25-vjeçari u dënua nga Gjykata e Elbasanit me vendim të formës së prerë, me 240 orë punë të detyrueshme për “Kundërshtim të urdhrit të policisë”.

Partia Demokratike duket se e ka ndarë mendjen. Ajo ka krijuar një betejë dhe do ta çojë deri në fund: zgjedhjet janë manipuluar, apo blerë dhe misioni i saj është ta zbërthejë skemën. Si çdo betejë epike dhe parimore, kërkohet mbështetje ndërkombëtare. Dhe atë PD-ja e ka gjetur te Zëri i Amerikës.

Kriza politiko-ekonomike në Liban ka njohur një tjetër shfaqje në një sektor jetik si furnizimi me energji elektrike. Kompania turke, Karpowership ka ndërprerë furnizimin me energji pas 18 muajsh vonesë në pagesë nga qeveria ndërkohë që mbulon ¼-ën e sektorit. Sipas kompanisë qeveria libaneze i detyrohet 100 milionë dollarë, ndërkohë që nga ana tjetër ndaj saj ka akuza për korrupsion.

Karpowership ofron 370 megavatë energji nga 2 200 që është prodhimi total në Liban.

Kryeministri i Maqedonisë së Veriut, Zoran Zaev, thekson se anëtarësimi i vendit në NATO e ka shndërruar marrëdhënien me Greqinë në një aleancë. Në një intervistë dhënë për gazetën greke “Kathimerini”, Zaev ka vlerësuar rolin e Athinës në patrullimin e qiejve të Maqedonisë, ndërkohë që e ka cilësuar Marrëveshjen e Prespës si një hap që ka hequr pengesat e një bllokade 30 vjeçare.

Unë rri në Shqipëri! Kjo është motoja e fushatës turisitike për këtë vit, promovuar në vetë të parë nga ministri i Turizmit, Blendi Klosi. Në një video-promocion të shpërndarë prej tij përsëriten të njëjtat gjëra, i njëjti paketim për “perlën e Mesdheut” që vazhdon të lërë pa frymë e që nuk rresht së zbuluari diçka të re.

Autoriteti antitrust në Itali ka gjobitur me 102.8 milion € në Google për shkelje të konkurrencës.

Autoriteti i Konkurrencës dhe Tregut (AGCM), gjoba erdhi për shkak se Google nuk pranoi t’i lejonte kompanisë Enel X Italia të zhvillonte një version të aplikacionit të saj JuicePass të pajtueshëm me Android Auto. Aplikacioni u lejon përdoruesve të gjejnë dhe rezervojnë një vend në një stacion rimbushjeje për automjetet elektrike.

Departamenti Amerikan i Shtetit ka publikuar dje raportin mbi lirinë e religjionit për vitin 2020. Për Shqipërinë në pah del problemi i pronës së komuniteteve fetare, të cilave nga njëra anë u legalizohen objekte kulti dhe nga ana tjetër mbahen peng në procese gjyqësore që nuk kanë të sosur.