Lajme

Një ekzaminim i mbetjeve në një varrezë në bregun lindor të lumit Nil në Sudanin verior hedh dritë mbi realitetin e 13 400 viteve më parë. Varreza Jebel Sahaba, ndër më të vjetrat në botë, e gërmuar në vitet 1960, jep të dhëna mbi luftërat e përgjakshme parahistorike. Nga mbetjet skeletore të 61 burrave, grave dhe fëmijëve, të paktën 41 kishin shenja të paktën dëmtimi, kryesisht nga shigjetat. Disa prej tyre kishin plagë të shëruara, gjë që tregon se i kishin mbijetuar një lufte për të vdekur në një tjetër.

Ashtu siç pritej, presidenti sirian, Bashar al-Assad, u rizgjodh për të udhëhequr vendin për shtatë vjet të tjerë, me 95.1% të votave. Njoftimi u bë nga kreu i Parlamentit të Damaskut.

 Zgjedhjet presidenciale në Siri janë kritikuar ashpër nga Shtetet e Bashkuara, Britania e Madhe dhe Bashkimi Evropian, të cilët i kanë cilësuar një farsë, për shkak të mungesës së kandidatëve të mirëfilltë nga opozita dhe kontrollit të pavarur të procesit.

Partia Demokratike duket se ka marrë sot një goditje të re sa i përket pretendimeve të saj për manipulim masiv elektoral më 25 prill 2021. Gjatë një aktiviteti në Përmet, ambasadori i BE-së në Tiranë, Luigi Soreca ka deklaruar se zgjedhjet përmbushën standardet dhe se Shqipërisë tashme duhet t’i hapet drita jeshile për konferencën ndërqeveritare.

Zgjedhjet presidenciale në Iran duket se nuk do të sjellin surpriza. Këshilli i Gardianëve ka miratuar emrat që kalojnë në fazën e dytë, mes të cilëve nuk ka kandidatë të fortë nga radhët e të moderuarve. Janë shtatë kandidatët në garë për presidencën iraniane, raportojnë mediat. Zgjedhjet do të zhvillohen më 18 qershor.

Mediat amerikane referojnë një raport të shërbimeve inteligjente të SHBA sipas të cilave hidhet dyshimi se CoVid-19 ka shpëtuar nga laboratori i Virologjisë në Vuhan të Kinës. Mediat sjellin në vëmendje faktin se në fillim të nëntorit 2019, tre kërkues në laboratorin në fjalë u sëmurën dhe kërkuan ndihmë mjekësore. Po kështu, i njëjti dokument i miratuar në ditët e fundit të administratës Trump, citon se simptomat e të prekurve përputhen me ato të të sëmurëve nga CoVid-19, por edhe të sëmundjeve sezonale.  

Kevin Spacey rikthehet në ekran. Aktori është pjesë e kastit të filmit të ardhshëm të Franco Neros. Filmi do të jetë shfaqja e parë e aktorit që prej vitit 2017, kur karriera e tij “ngriu” pas akuzave për sjellje të keqe seksuale.

"Jam shumë i lumtur që Kevin pranoi të merrte pjesë në filmin tim", tha Nero për ABC News. "Unë e konsideroj atë një aktor të shkëlqyeshëm dhe mezi pres të filloj filmin," tha ai.

 Spitali “Shefqet Ndroqi” është kthyer tashmë në një gjendje normale, me vetëm 28 pacientë, por gjatë një viti pandemie, më qindra të infektuar luftuan me vdekjen. Drejtori i këtij spitali Perlat Kapisyzi në një rrëfim ekskluziv për MCN tregon momentet e vështira me të cilat u desh të përballej stafi mjekësor përballë një sëmundje të panjohur.

Që nga momenti kur një ministri e huaj si Departamenti amerikan i Shtetit shpalli non grata ish-kryeministrin Sali Berisha, zhurma mediatike për shtjellimin politik të këtij akti nuk po sos.

Përditë, paradite e pasdite, në mediat që janë nevojtore e pushtetit ke shënime, shkrime, reflektime për atë që përfaqëson akti në fjalë. Janë vërsulur të gjithë për të na sqaruar se me çfarë kemi të bëjmë, sesa të gëzuar duhet të jemi për faktin që Berishën e shpallën non grata në SHBA.

Presidenti turk, Recep Tayyip Erdogan ka paralajmëruar ecurinë e negociatave për Qipron, teksa me rastin e përurimit të një tuneli ka bërë të ditur kushtet e Turqisë.

Nëse do të ketë bisedime të reja për Qipron, këto nuk do të jenë më mes dy komuniteteve, por mes dy shteteve

tha Erdogan gjatë një videokonference.  

Shtatë vendet më të pasura të botës kanë rënë dakord së fundmi që të ndërpresin financimin shtetëror të impianteve që punojnë me qymyr si dhe të “dekarbonizojnë” në masë të madhe furnizimin me energji elektrike deri në fund të viteve ’30 të këtij shekulli. Ministrat e G7 kanë riafirmuar angazhimin e tyre për të mbajtur nën kontroll rritjen e temperaturës poshtë 1.5 gradë Celcius deri në vitin 2050. Kuota në fjalë është përcaktuar nga shkencëtarët si pika kritike pas së cilës sipas tyre ndryshimi klimaterik do të bëhet i pakontrollueshëm.