Ekonomi

Tashmë janë shumë të paktë ata që besojnë se viti 2015 ishte vit i suksesshëm për financat e vendit, por edhe për qeverisjen. Vetëm në verë, qeveria u detyrua të shikonte me ulje planin e të ardhurave, të cilin e shoqëronte me argumentet se përse plani i mëparshëm nuk ishte realizuar. Kështu edhe në shtator. E po të besojmë ish-kryeministrin Sali Berisha, Ministria e Financave ka ndërmend të rishikojë sërish me ulje planin e të ardhurave. Kësaj radhe çarja ka ardhur nga Doganat.

Shqipëria paraqitet sërish si vendi më pak i konkurrues në rajon. Sa i përket taksave më të larta dhe pagesës së tyre, Shqipëria lë pas në rajon vetëm Serbinë. Banka Botërore në raportin e  indeksit të pagesës së taksave për vitin 2016 e rendit Shqipërinë në vendin e 142-të në mesin e 189 ekonomive të ekzaminuara me një humbje pre 11 vendesh në krahasim me një vit më parë.

Një tjetër padi në arbitrazh për qeverinë shqiptare. Këtë herë është kompania e naftës Bankers Petroleum që ka dorëzuar një padi në Arbitrazhin Ndërkombetar pas urdhrit te Drejtorisë së Tatimeve për të bllokuar llogariteë bankare të kompanisë në Shqipëri me qëllim marrjen e 75 milionë dollarëve, të cilat tatimet pretendojnë se duhet të paguhen nga kompania.

Qeveria e Edi Ramës doli së fundmi me vendimin e heqjes së taksave për biznesin e vogël me xhiro vjetore deri në 5 milionë lekë. Një vendim që në planin politik zhbën atë që u ndërmor në dy vjet, duke krijuar një stress të jashtëzakonshëm në ekonomi. Kryeministri u kujdes që ta paraqiste nismën sa sociale, aq edhe në funksion të “të bëri shtet”. Prosni kuponat dhe taksa nuk keni- ishte pak asp shumë përmbajtja e sihariqit. Mirëpo a është vërtet kështu? A ka lehtësim real për biznesin e vogël?

Top-Channel raporton sot se vendimi i qeverisë për të hequr taksat ndaj biznesit të vogël ka vënë në pikëpyetje marrëveshjen mes qeverisë dhe Fondit Monetar Ndërkombëtar. Së pari është fakti se kryeministri e bëri publik vendimin dy ditë pasi u arrit marrëveshja për këstin e radhës. Së dyti janë pasojat dhe premisat që krijon një vendim i këtillë: “Por, pse heqja e taksave për bizneset e vogla, e cila në total ka një efekt të papërfillshëm me vetëm 1.3 miliardë lekë, ka krijuar kaq nervozizëm për FMN? Arsyet janë dy.

Për vitin 2016 vlerësohet që konsumi i karburanteve të rritet me 3,4% më shumë se këtë vit. Monitor thotë se për efekt të të ardhurave në buxhet qeveria parashikon të taksojë vetëm naftën e importit duke mos llogaritur taksimin e naftës vendase edhe ne rast se prodhimi do të vijojë normalisht si këtë vit.

Humbjet në tregun e aparateve celulare për vitin 2014 u përllogaritën së paku në 7.5 milionë euro.  Monitor thotë se për këtë periudhë janë zhdoganuar rreth 140 mijë aparate celulare dhe po gjatë këtij viti, janë aktivizuar rreth 1 milion numra në sistemin e telefonisë së lëvizshme tek të katër operatorët së bashku.

Në një raport të Ministrisë së Financave  që shoqëron projektbuxhetin e vitit 2016 thuhet se, nëse çmimi mesatar i një aparati vërtitet sot tek rreth 15 mijë lekë për njësi, shuma e TVSh-së së munguar për copë përllogaritet në 3 mijë lekë.

Në një takim me tregtarët e vegjël të Durrësit para një muaji, Lulzim Basha deklaroi: “Biznesi i vogël do të paguajë jo më shumë se 0.5  % të xhiros. E ke xhiron 20 milionë lekë të vjetra, do të paguash 100 mijë lekë të vjetra në vit. E ke 120 milionë, se deri në 120 milionë do ta çojmë biznesin e vogël ne, 120 milionë lekë xhiro në vit, do të paguash 600 mijë lekë të vjetra në vit.

Vitin që vjen nuk do ketë ndryshime të mëdha të sistemit të taksave dhe në veçanti ato që rëndojnë drejtëpërdrejtë mbi xhepat e qytetarëve. Kështu akciza e cigares dhe duhanit nuk rritet në vitin 2016.