Ekonomi

Me Ilir Metën mund të mersh vesh. Këtë e ka treguar përvoja që buron nga një strategji e LSI-së për të bërë lojë të dyfishtë mes qeverisë dhe grupeve të interesit. Përmes një letre, dërguar kreut të Kuvendit, Ilir Meta, kryetarit të Komisionit të Ligjeve, Fatmir Xhafaj dhe krerëve të grupeve parlamentare të PS, PD, LSI dhe PDIU, Urdhëri i Farmacistëve të Shqipërisë kërkoi reflektim nga rritja e pagesës për sigurimet në nivel maksimal.

Policia shqiptare kreu pesë arrestime të profilit të lartë mbrëmjen e të shtunës në lidhje me një skemë kontrabande karburanti që mund t’i ketë kushtuar buxhetit të shtetit miliona euro taksa të humbura si dhe konsumatorëve shqiptarë, dëme të pallogaritshme në automjetet e tyre.
Sipas policisë, pesë doganierë, përfshirë një ish-zëvendësdrejtoreshë të përgjithshme dhe ish drejtorin e departamentit që mbikëqyr mallrat që i nënshtrohen akcizës në administratën doganore.

Disa informacione, ende jozyrtare, bëjnë me dije se qeveria po hedh sytë nga një model tjetër për administrin e financave dhe të ardhurave. Fjala është për modelin gjeorgjian, që integron Doganat me Tatimet. Ky model, i shpjeguar këtu:https://www.imf.org/external/np/seminars/eng/2011/revenue/pdf/rusuda.pdf, konsiston në reduktim taksash, konkretisht nga 22 në 6 dhe në integrim të Kodit Doganor dhe atë Fiskal.

Diskutimi për projektbuxhetin 2016 është një ngjarje me rëndësi, pasi për një vit aty përcakohen politika që prekin gjithkënd. Aq më shumë merr rëndësi kjo, në kontekstin e një viti të vështirë si ky 2015, ku edhe qytetarët, por edhe qeveria hasën në jo pak probleme. Qeveria u detyrua të rishikonte disa herë planin e të ardhurave dhe në muajin shtator-tetor ndryshoi radikalisht qasjen, nga represion ndaj informalitetit në luftë ndaj tij me mjete më të zgjuara siç është një politikë e re fiskale e zerimit të taksës për biznesin e vogël.

Cherie Blair, bashkëshortja e ish-kryeministrit britanik që shërbeu si konsulente për zgjidhjen me mirëkuptim të mosmarrëveshjeve me koncecsionarin e skanimit në dogana, Rapiscan duket se qëndron pas përplasjes mes qeverisë dhe kompanisë kanadeze të naftës Bankers Petrolium. Gazeta Dita shkruan se në prill 2014 qeveria shqiptare ndërmori hapin e parë për të anuluar kontratën me Bankers, një nga kontratat më të rëndësishme në fushën e hidrokarbureve në vend.

Buxheti i detajuar i shpenzimeve kapitale për kryeministrinë ka të parashikuar 102 milionë lekë (rreth 720 mijë euro) për SNRAP. Nga një kërkim i thjeshtë në google rezulton se SNRAP është draft Strategjia Ndërsektoriale për Reformën në Administratën Publike (SNRAP) 2015-2020, ku në bazë është depolitizimi i administratës, zbatimi i legjislacionit dhe zbatimi i konkurseve meritokratike.

Drejtuesi i Qendrës për Sipërmarrje në TelAviv të Izraelit, Dan Balter, i jep një intervistë Tv Scan. Balter flet për përvojën e tij në biznes, duke veçuar nga suksesi i Izraelit në sipërmarrje disa cilësi: si popullsi emigrante, njerëzit aty ndërmarrin rrezikun. Duke qenë se Izraeli u krijua nga asgjëja, sipërmarrësit u detyruan të mendonin ndryshe nga mënyra tradicionale dhe duke qenë një shoqëri me edukim ushtarak, kultivohet edhe përgjegjshmëria. Një këshillë që ka vlerë nga Blater për të rinjtë: “Ndalni së menduari dhe veporoni. Lëvizja do të sjellë edhe kapitalet”.

Është thënë dhe përsëritur se një nga problemet kryesore të bujqësisë shqiptare është baza e paqëndrueshme ligjore për tokën, pronësinë e saj dhe mandej fragmentarizimi. Gjithsesi, iniciativa e lirë ka sjellë një zhvillim relativ të bujqësisë në Shqipëri në këto vite kur vëmendja e shtetit ndaj këtij sektori ka qenë thuajse minimale. Në kushtet kur industri si ndërtimi nuk ka për të sjellë më atë vrull zhvillues si disa vite më parë, vëmendja ndaj bujqësisë fiton tjetër rëndësi, sidomos kur në plan global ushqimi po kthehet në problem serioz.

Bankers Petrolium sugjeron një formulë “alla Beketi”  për të zgjidhur mosmarraveshjet me shtetin shqiptar. Konflikti ka lindur në mesin e këtij viti, pasi Albpetrol nuk i ka njohur Bankers Petroleum 220 milionë dollarë shpenzime.

Në bazë të raportit të Albpetrol, Tatimet inicuan një pagesë prej 57 milionë dollarësh, që bankers u detyrohej tatimeve, shumë që ka arritur në 75 milionë dollar së bashku me gjobat dhe kamatat. Tatimet kanë bllokuar llogaritë e Bankers, që në datën 25 nëntor, cka vuri në vështirësi kompaninë në mbarëvajtjen e prodhimit.

Në vitet 2011-2013, opozita e atëhershme e drejtuar prej Edi Ramës bëri të vetën kauzën e konçesioneve, duke u përbetuar me të madhe se do të rishikonte çdo konçesion të dhënë dhe se nuk do të njihte asnjë prej tyre që ishte dhënë në kundërshtim me interesat e shqiptarëve. Por nëse një pjesë e të gjithëve ne do të kishte qenë pak më e vëmendshme dhe më e përgjegjshme, do të mjaftonte kjo deklaratë që vota ndaj tij të mendohej mirë.