Ekonomi

Sot kryeministri i vendit, Edi Rama, njoftoi në parlament se është arritur marrëveshja me Gjykatën e Strasburgut për të mos shqyrtuar më asnjë çështje të re nga Shqipëria. “Vonesa e shkaktuar me hyrjen e ligjit të pronave i dha Shqipërisë dhe një faturë shtesë financiare, por tashmë ligji është efektiv dhe gjykata nuk do të shqyrtojë më asnjë çështje të re”, deklaroi Rama. Gjykata e Strasburgut ishte shpresa e vetme e mbetur për qytetarët shqiptarë që të gejnin pak drejtësi për pronat e tyre përballë një shteti bandit.

Pak javë më parë ministri i Financave, Arben Ahmetaj, në prani të kryeministrit të vendit Edi Rama, shpalli fazën e dytë të luftës kundër informalitetit. Sipas Ahmetajt vëmendja do të përqendrohet te biznesi i madh, ndaj të cilit qasja duhet të jetë në bazë të një analize risku. Por për ish-zv.ministrin e Financave, Sherefedin Shehu e kjo është demagogji, pasi analiza e riskut, jo vetëm është përpunuar si metodologji që në kohën e qeverisjes së PD-së, por ajo po konvertohet në një ritual kontrollesh të pafundme. Më poshtë intervista dhënë për ”Tema TV”:

Për të frenuar ankimet  dhe për t’i treguar Gjykatws sw  Strasburgut se ligji i ri zgjidh përfundimisht çështjen problematike të pronës, qeveria shqiptare i kërkoi Presidentit të Gjykatës Europiane, Guido Raimondi, të pezullojë shqyrtimin e dosjeve, duke e marrë vetë përsipër kompensimin dhe kthimin fizik për të gjitha vendimet. Kjo kërkesë është bërë dy ditë më parë nga dy ministrat e qeverisë, Arben Ahmetaj dhe Ylli Manjani. Gjatë bisedës, ata i kërkuan presidentit Raimondi, se pezullimi i vendimeve do të krijojë mundësi optimale për të zbatuar ligjin e ri.

Gazeta “Tema” njofton për një vendim të marrë nga Gjykata Administrative që ndikon direkt në procesin gjyqësor për ndërtimin e një kompleksi pranë zonës së Digës së Liqenit në Tiranë. Sipas kësaj gazete, gjithçka lidhet me ndryshimin e trupës gjykuese pak ditë më parë, çka është kërkuar të prapësohet si procedurë nga Bashkia e Tiranës. “Bashkia e Tiranës dhe IKMT i kërkuan gjykatës përjashtimin e gjyqtarëve të rinj nga gjykimi dhe caktimin e një trupe tjetër"-thekson gazeta.

Qeveria shqiptare duket se ka aktualisht në dorë një studim për gjendjen e rrugëve kryesore në vend dhe nevojat për ndërhyrje në to. Disa elemente të tij janë publikuar sot nga “Top-Channel”, referuar një dokumenti të përgatitur nga “Euro Consultants” për llogari të qeverisë shqiptare dhe që sipas të cilit sugjerohet që disa akse rrugore në Shqupëri të tarifohen për automjetet. “Dokumenti rekomandon 9 akse si më të përshtatshme për t'u bërë me pagesë, përmes një procesi gradual me katër faza.

Opozita ka kërkuar sot në uljen e mëtejshme të çmimit të energjisë nisur nga përmirësimi i treguesve të kompaninve të energjisë. Kjo i është kërkuar drejtuesit të Entit Rregullator të Energjisë, Petrit Ahmeti në Komisionin Parlamentar të Ekonomisë, por që është hedhur poshtë nga titullari në fjalë. “Rekomandohet të kalojë një kohë relativisht e pranueshme që të shohim këtë stabilitet. Në qoftë se do të vendosnim menjëherë, p.sh u përmirësuan arkëtimet dhe ne të influencojmë në çmim, do të krijonim çoroditje tek kompania dhe konsumatori”, tha Petrit Ahmeti.

Kryeministri i Shqipërisë, Edi Rama, prej disa ditësh tashmë,  ka nisur një fushatë të vetën në profilin në Facebook, për punësimin. Me disa video promocionale, kryeministri sjell shembuj të njerezve që kanë gjetur punë përmes Zyrave të Punës, duke sugjeruar se në të gjithë vendin ka 31 mijë vende pune. Bashkë me logon “Punë ka, kërkohen profesionistë”, kjo minifushatë synon të sqarojë dhe të ulë peshën negative të perceptimit se në Shqipëri nuk ka fare punë.

Shqiptarët kontribuojnë fare pak për të siguruar jetën pranë kompanive të sigurimeve. Ndërsa sa i përket makinave sigurisht që ato sigurohen, pasi ky sigurim është i detyrueshëm. Referuar tregut shqiptar afro 67 % të tregut të sigurimeve në Shqipëri e zë sigurimi i detyrueshëm dhe pjesa tjetër që mbetet është sigurimi vullnetar, ku jeta zë një përqindje minimale. Në një treg të zhvilluar si ai i Francës, sigurimi i jetës zë 60 % të tregut.

Ndërhyrjet e Bankës së Shqipërisë, sidomos me uljen e normës së interesit nuk përcjellin optimizëm. Një nga aktorët ekonomikë në treg, Konfindustria, ka përcjellë sot një vlerësim se politikat e BSH-së janë të paracaktuara të dështojnë. "Konfindustria vlereson, se ulja ne nivel historik te 1.25% te normes baze te interesit per monedhen kombetare me vendimin e muajit maj 2016 te Bankes se Shqiperise, nuk pritet te jape ndikim ne shtimin e nivelit te kreditimit dhe si rrjedhim pamundeson rritjen e domosdoshme te investimeve, konsumit dhe rritjen ekonomike.

Fondi Monetar ndërkombëtar paralajmëron se reforma në drejtësi do të jetë kritike për ecurinë e ekonomisë shqiptare. Në raportin e fundit për ekonomitë e rajonit, FMN vlerëson se dy reformat që mund të përshpejtojnë më shumë rritjen ekonomike të shqipërisë janë ajo e gjyqësorit dhe siguria e pronës.