Arkiv-Lajme

Një sajt informativ kosovar, Indeksonline, ndër të zhdukurit në kasaphanën e ishullit Outya në Norvegji, liston edhe një shqiptare. Sipas këtij burimi, personi që rezulton i humbur, është shqiptare nga Kosova dhe quhet Lejla Selaci. Indeksonline shkruan se lexuesit kanë njoftuar se në mesin e të zhdukurve në këtë ishull, mendohet të jetë edhe një shqiptare.

Dje, në orët e pasdites, u shpërnda lajmi se ish gjetur e vdekur në shtëpinë e saj Amy Winehouse, 27 vjeç, këngëtare me jetë boll të trazuar dhe shumë e suksesshme (ka shumë njerëz që jetën e trazuar të sajën e lidhin me suksesin). Koncertin e fundit, të trazuar dhe atë, e dha në Beograd, në prani të 20 mijë vetëve, ku e pritën me fishkëllima e të shara, pasi ish e dehur, këngët mezi i belbëzonte, nuk arrinte dot të ndiqte muzikantët e vet, dhe braktisi skenën nja dy herë.

Embargoja kosovare për mallrat serbe është ndërmarrë si një përgjigje me të njëjtën monedhë ndaj embargos serbe për mallrat kosovare, e për këtë arsye, vihet re një mirëkuptim i heshtur i diplomacisë ndërkombëtare. Ndërsa vetë kosovarët e kanë përshëndetur në mënyrë korale. Korit i janë bashkuar çuditërisht dhe sipërmarrësit që kanë mundur të fitojnë prej tregëtisë me Serbinë. Me sa duket, motivimet patriotike të njerëzve në Kosovë janë ende më të forta se qasja pragmatike dhe egoiste.