Arkiv-Lajme

Një prej përfaqësuesve të sindikatës së minatorëve, Tafë Koleci, pretendon se tri ditë më parë i ka mbërritur një sms, që thotë: “Përshëndetje zoti Koleci! Jam Fatos Kaleshi, juristi i ACR-së, dhe po të shkruaj në emër të Gigës [Giga Bedineishvilli është administratori i kompanisë. Shënim i redakisë]. Mund të takohemi në aeroportin Nënë Tereza sot në orën 13.00? Do jemi vetëm ne të tre. Dëshirojmë të vish vetëm. Të lutem, na e konfirmo!”

Edi Rama ka rifilluar të pijë cigare. Është parë në do lokale të Tiranës me ca puro të holla e të shkurtëra, të cilët ka zënë t’i pijë si njëherë e një kohë cigaret Marlboro. Kjo është konsekuenca e parë e fortë e humbjes së Tiranës, pas së cilës i është dorëzuar një reflektimi të gjatë, që askush nuk e di se sa do të zgjasë akoma.

Në fundjavë ka pasur dy të plagosur me thika në kryeqytet. I pari, 45 vjeçar, është plagosur nga një 35 vjeçar. Janë zënë për një vajzë të re, dhe në prani të kësaj vajze, të cilën kanë pretenduarqë të dy se e kanë pasur të dashur. I plagosuri tjetër me thikë është 21 vjeç. Agresori 17. Motivet nuk bëhen të njohura.