Arkiv-Lajme

Aktorët e njohur Hilary Swank dhe Jan Claude Van Damme janë vënë në fokus kritikash këto ditë për faktin që kanë shkuar, tok me të tjerë, të festojnë 35 vjetorin e lindjes së presidentit çeçen Ramzan Kadyrov, i cili njihet nga të gjithë si një satrap e despot. Hilary Swank kërkoi ndjesë, dhe u përpoq ta përligjte këtë gjë me padijen e vet, por në këtë rast edhe padija është e rëndë (ka plot njerëz që thonë, se “nuk u falet të mos e dinin; në këtë botë jetojnë”).

Presidenti i Republikës, Bamir Topi, e ka kthyer mbrapsht për rishqyrtim ligjin e sapomiratuar në parlament “mbi menaxhimin e integruar të mbetjeve”, ose thënë shkurt, ligjin mbi importimin e plehrave. Ai ka ushtruar një të drejtën e tij kushtetuese, dhe ka shprehur me këtë akt një bindje të vetën, por në të njëjtën kohë është bërë interpret i një shqetësimi të shtrirë në shoqëri. Por maxhoranca duket e pickuar keq nga ky veprim i Presidentit.

Në 6-mujorin e parë të këtij viti, sipas Drejtorisë së Përgjithshme të Doganave të Shqipërisë, u importuan rreth 171 mijë ton karburante ose rreth 50 mijë ton (23%) më pak se në 6-mujorin e vitit të kaluar. Shumë studime ekonomike tregojnë se ka një korelacion të fortë pozitiv mes rritjes ekonomike dhe konsumit të karburanteve kudo në botë. Një korelacion i tillë konstatohet edhe për Shqipërinë në periudhën 2006-2010. Sipas FMN-së, rritja mesatare vjetore e Produktit të Brendshëm Bruto në Shqipëri ka qenë 5.7% gjatë kësaj periudhe.

Kryeministri Berisha, në shpërthimin e para disa ditëve në parlament, duke dashur të gjejë një paralele “që u rrin fiks opozitarëve antishqiptarë”, fillimisht u ndal tek Enver Hoxha, e pastaj tek Toptanët. Vini re: tek Toptanët, jo tek Esad Toptani. Ai tregoi një anektodë mbi një takim me një të huaj (rrëfen shpesh anektoda të tilla lidhur me takime me të huaj që s’kanë emër, e kështu askush s’mund t’i konfirmojë apo përgënjeshtrojë), ku ai paska mbetur ligsht kur i huaji (jo i Camus-së) është shfaqur i skandalizuar që në vendin e shqipeve vetëm Berisha e dashka vendin e shqipeve.

Pranvera arabe? Është një legjendë, nuk ka asnjë kuptim të flasësh për një pranverë arabe. Kush e thotë këtë ‘blasfemi’? Ndonjë arabo-fob? Jo, e thotë Boualem Sansal, një shkrimtar algjerian, që nuk njihet në Shqipëri (nuk është përkthyer ndonjë libër i tij). Shkruan në gjuhën frënge, është 61 vjeç, dhe nuk është larguar kurrë nga Algjeria, sidoqë ky vend i ka dhënë më shumë probleme se sa karar. Nuk i ka patur punët mirë asnjëherë me të parin e vendit, Bouteflika-n, e për këtë shihet vëngër e i nxihet jeta nga regjimi (atë dhe gruan i kanë larguar nga puna).

Kryetari i PS Edi Rama, ka zgjedhur edhe një herë tjetër për të komunikuar me publikun, faqen e tij në Twitter. Shefi i selisë rozë në një tweet të orëve të vona të së premtes ka reaguar ndaj deklaratës së kryeparlamentares Topalli e cila i tha Radios Europa e Lirë se opozita është një celulë anti-europiane. “Nëse Presidenti dhe unë jemi nje celulë anti-europiane atëherë Jozefina është Marilyn Monroe kurse Saliu John Lennon”, shkruante Rama në Twitter.

Alastair Campbell, zëdhënësi i ish-kryeministrit Tony Blair, kur Britaninë e qeverisnin laburistët, i njohur edhe si eminenca gri e tij, ka qenë sot në Tiranë. Përmbi pesë orë spin doctor-i britanik i huajtur edhe nga qeveria Thaçi për përmirësimin e imazhit të Kosovës ka folur në një prej sallave të hotel Rognerit për menaxhimin e krizave dhe PR-in (public relations). Megjithatë, përtej teknikaliteteve, pjesët interesante gjatë seminarit të z.

Një vajzë 17 vjeçare e identifikuar nga policia me inicialet M.SH. ka varur veten. Ngjarja ka ndodhur në qytetin e Korçës. Shkaku mendohet të ketë qenë, sipas Panoramës, një zënkë me prindërit. Më saktë, këta të fundit e kanë penguar atë të shkojë në një party me bashkëmoshatarët e vet.

Sapo u mbyll votëbesimi mbi kryeministrin Berlusconi në parlamentin italian. Rezultati: Berlusconi e dhodhi lumin dhe këtë herë. Kish në sallë 617 parlamentarë, e kështu atij i mjaftonin 309 vota. Ai mori më tepër, 316. Kundër tij votuan 301 deputetë. Opozita tentoi ta linte Berlusconi-n pa quorum në aulë, por asaj iu prishën planet nga pesë deputetë radikalë, dhe nga dy deputetë të tjerë jo të maxhorancës, të cilët u paraqitën në votim. Opozita u detyrua të shkonte në sallë, dhe rezultati është ky që është. Berlusconi mbahet në fije te perit.

Maxhoranca duket se terrorizuar prej Presidentit Topi. Dhe kuptohet, jo prej Presidentit, por prej Bamirit. Madje, jo prej Bamirit sot, por prej Bamirit mot (‘mot’ në kuptimin literal të termit). Nuk lënë rast pa e përmendur e pa e sulmuar. E filloi Berisha në momentet, kur Aleanca Kuq e Zi u ngrit për të denoncuar ligjin mbi Censusin, duke përcjellë idenë se ai është i bindur, që kjo Aleancë frymëzohet e drejtohet nga Topi. Sulmi i tij ishte me breshëri, për disa ditë. Pas tij dolën me radhë njerëzit e tij, mes të cilëve është shquar Topalli.