Arkiv-Lajme të përditësuara

Zëvendëspresidenti i Egjiptit, Mahmoud Mekki, sfidoi dhjetëra mijëra egjiptianët e grumbulluar në protesta kundër ndryshimeve kushtetuese që do të forconin rolin e presidentit, duke theksuar se referendumi për këto ndryshime do të mbahet siç është planifikuar në datën 15 dhjetor. 

Megjithatë, Mekki pranoi se ndryshime në draftin përfundimtar mund të ndodhin ende, duke e lënë “derën të hapur për dialog”. 

Greqia zë vendin e parë për korrupsion midis 27 shteteve anëtare të BE-së, kjo sipas raportit të organizatës “Transparency International” që është publikuar paraditen e së mërkurës. 

Megjithëse vendet e Bashkimit Europian dhe në veçanti ato të Eurozonës ndodhen në një nivel të mirë të transparencës, dmth në një të tretën e parë të listes me shtetet më pak të korruptuara, Greqia përbën një përjashtim duke qenë vendi i vetëm i BE-së që ndodhet në gjysmën e dytë të listës bashkë me shtetet më të korruptuara të botës.

Stefan Fule, komisioneri europian për zgjerimin, ka deklaruar dje nga Parisi se Shqipërisë i është vendosur një kusht shtesë për statusin e vendit kandidat, që janë zgjedhjet parlamentare të vitit 2013, nëse do të zhvillohen të lira dhe të ndershme.

PS ka deklaruar ditën e djeshme se do të abstenojë në votimin për kryeprokurorin e ri, Adriatik Llalla, të dekretuar dy ditë më parë nga ana e Presidentit të Republikës, por ndryshe nga grupi i tij parlamentar, deputeti i PS, Tom Doshi ka deklaruar se do të japë votën pro për Adriatik Llallën në krye të Prokurorisë së Përgjithshme.

Partia Demokratike reagoi me anë të deputetit Gerti Bogdani pas deklaratave të PS se dekreti për kryeprokurorin është antikushtetues.

Deputeti Bogdani tha se Rama foli njësoj si Topi. Ai theksoi se tani kryetari i PS e ka zëdhënës kreun e FRD.

“Qytetarët shqiptarë patën mundësi të konstatojnë se kryetari i Partisë Socialiste, Edi Rama, nuk flet me ta vetëm nga oborri apo podiumet e selisë rozë, por edhe se ai e ka shtuar numrin e zëdhënësve.

Deputeti socialist, Pandeli Majko flet për Ilva Taren në emisionin “Tonight”

100 vjet më parë aty ku Ismail Qemali formoi qeverinë e parë sot u ul Kryeministri Berisha si mendoni, sipas jush cila qeveri ka qenë më e suksesshme?

Mijëra protestues u përleshën ashpër me policinë në Maribor të Sllovenisë, qytetin e dytë më të madh në vend, në një tjetër demonstratë kundër shkurtimeve të buxhetit në shtetin financiarisht të trazuar. Policia tha më shumë se 20 njerëz u arrestuan dhe të paktën një polic u plagos, pasi nga turma prej rreth 6 mijë protestuesish u hodhën bomba molotov dhe gurë. 

Numri i të papunëve në Spanjë shënoi sërish rritje për të katërtin muaj rresht. Nëntori la rreth 1.5 për qind të papunë më shumë, thënë më ndryshe 74.296 njerëz nuk do të marrin një rrogë në muajin e fundit të vitit. Ministria e Punës në Madrid bën të ditur se janë aktualisht 4.9 milionë të papunë në Spanjë. 

Më shumë se 200 grupe të të drejtave të femrave i bënë një apel Bashkimit Europian që të kriminalizojë pagesat për seksin në të gjithë territorin e 27 vendeve anëtare. 

Drejtueset e kësaj fushate synojnë që të bëjnë ilegale pagesat për  marrëdhënie në kontinent dhe mbështesin një ligj të debatueshëm, që do t’i paraqitet për diskutim Parlamentit Europian gjatë së mërkurës.