Arkiv-Lajme të përditësuara

Pikpyetjet që janë ngritur në publik për Paketën e re Fiskale të qeverisë e kanë ngritur Kryeministrin Edi Rama nga zyra kryeministrore për të dalë vetë në terren që tu sqarojë qytetarëve taskat e reja. Siç e kemi parë gjatë fushatës elektorale kur shkonte dyqan më dyqan për të folur me biznesmenët e vegjël ai sot vizitoi sot disa biznese të vogla në zonën e Don Boskos.

Kryetari i Bashkisë së Vlorës, Shpëtim Gjika do të gjykohet në Tiranë. Vendimi është marrë nga Gjykata e Lartë pas kërkesës së prokurorisë së qytetit të Vlorës, e cila në kushtet e presionit dhe frikës së ndonjë trazire për vet ndjeshmërinë e çështjes dhe faktit se bëhet fjalë për kreun e bashkisë së qytetit, i kërkoi gjykatës së lartë ta transferojë çështjen në Gjykatën e Tiranës.

Presidenti Bujar Nishani reagoi pas lajmit të shtyrjes së dhënies së statusit kandidat për Shqipërinë. Në mesazhin e tij thuhet se udhëtimi evropian vazhdon, por duhet më shumë përgjegjësi.

MESAZHI

Këshilli Evropian nuk i ka dhënë Shqipërisë statusin e vendit kandidat në Bashkimin Evropian, pavarësisht rekomandimit të Komisionit Evropian dhe Rezolutës mbështetëse të Parlamentit Evropian.

Fondi Monetar Ndërkombëtar ka sqaruar për herë të parë publikisht se pse nuk u tregua i ngurtë me Shqipërinë, por pranoi një marrëveshje, ku i lejoi Qeverisë të rriste borxhin.

Lëvizja Socialiste për Integrim ka mbledhur sot në mesditë kryesinë e partisë, ndërsa në mbledhje kanë marrë pjesë edhe Ministrat si dhe deputetët e rinj që zëvendësuan këta të fundit. Integrimi dhe projektbuxheti për vitin 2014 ishin temat kryesore rreth të cilave, kreu i LSI ilir Meta përqëndroi diskutimet. Duke folur në mbledhje e kryesisë, Meta akuzoi ish-aleatin e tij Sali Berisha për inkoherencë të plotë në lidhje me qëndrimet e tij për statusin kandidat.

Ministri i Punëve të Brendshme Saimir Tahiri i akordoi Medaljen “Për Trimëri” efektivit të Gardës së Republikës, Petrit Doka, i cili zbuloi eksplozivin në makinën e prefektit të Vlorës, Besnik Dervishi, pak ditë më parë. Sipas njoftimit të ministrisë “medalja motivohet për cilësi të veçanta, kurajo e guxim në realizimin e detyrave, misioneve dhe zgjidhjen e situatave të jashtëzakonshme. Rreshteri i Gardës së Republikës Petrit Doka është ngritur me një gradë në detyrë para kohe, si dhe iu dha një rrogë shpërblim”.

Ish-kryeministi Sali Berisha ka akuzuar Fondin Monetar Ndërkombëtar se nuk ka verifikuar të dhënat dhe i besoi mashtrimeve të Ramës. Duke folur në takimin e tretë të Partisë Demokratike me biznesin fason për paketën fiskale dhe buxhetin 2014, Berisha tha se FMN duhet të ulet me opozitën për të faktuar të dhënat.

Athina zyrtare ka përkrahur në takimin e ministrave të Jashtëm në Bruksel, dhënien e menjëhershme të statusit kandidat për anëtarësim Shqipërisë.

Kështu bëhet me dije në një njoftim të ministrisë së Jashtme greke, sipas të cilës, ministri i Jashtëm Evangelos Venizelos ka udhëzuar ambasadorin e Greqisë në Tiranë që t’ia komunikojë këtë qëndrim qeverisë shqiptare, raporton Ora News.

Gjithashtu, pala greke ka vendosur që vendimi për dhënien e statusit Shqipërisë të diskutohet në qershor 2014, para përfundimit të presidencës greke.

Ministri i Financave deklaroi në Kuvend se buxheti i shtetit për vitin e ardhshëm do të shënojë rritjen më të madhe të të ardhurave në historinë e financave të shtetit.

"Ne nga përmirësimi administrativ shohim rritje të të ardhurave në këtë paketë, prej 40 miliardë lekësh, aq sa është mesatarja e rritjes të të ardhurave nga tatimet dhe dogana në 10 vitet e fundit", tha ministri i Financave Shkëlqim Cani.

Gjykata e Arbitrazhit në Hamburg do të vendosë për të gjitha çështjet e debatueshme mes Greqisë dhe Turqisë, përfshirë kufirin detar dhe hapësirën ajrore.

Mediet greke zbulojnë se, kryeministri Antonis Samaras ka përgatitur në bashkëpunim me ministrin e Jashtëm, Evangelos Venizelos rrugën që do të ndiqet për zgjidhjen e çështjes së kufirit në Mesdhe.

Vendimin për çështjet e pazgjidhura mes Greqisë dhe Turqisë do ta japë Gjykata e Detit në Hamburg, Gjermani. Kjo gjykatë do të marrë vendim edhe për kufirin detar mes Greqisë dhe Egjiptit.