Arkiv-Lajme të përditësuara

Një 70-vjeçar është gjetur i mbytur mëngjesin e së enjtes nga disa banorë të fshatit Labinot buzë lumit Shkumbin. 

Burime të policisë bëjnë të ditur se 70-vjeçari Zan Cani, me banim në Labinot Fushë kishte dalë pasditen e djeshme për të gjuajtur peshk buzë lumit, shumë pranë banesës së tij. 

Pasi nuk është kthyer në banesë, familjarët e 70-vjeçarit kanë denoncuar zhdukjen e tij. Vetëm mëngjesin e sotëm disa banorë të zonës hasën një trup të pajetë në lumë dhe njoftuan policinë, e cila e transportoi për në morg kufomën e 70 vjeçarit. 

Problemi i dosjeve që presin për t’u shqyrtuar vijon të mbetet i pazgjidhur. Mbi 11 mijë çështje penale dhe civilë janë stivuar në Gjykatën e Lartë dhe pavarësisht se kalendari shënon muajin e dytë të 2015, Gjykata e Lartë ka ende nën proces çështje që i përkasin vitit 2013. 

Megjithë votën unanime takimi u shoqërua me debate të ashpra mes Rusisë dhe Shteteve të Bashkuara. 

Ambasadorja amerikane në OKB, Samantha Power tha se Uashingtoni mirëpret këtë marrëveshje, por akuzoi Rusinë për shkelje të saj dhe se pret prej Moskës që të vërtetojë zotimet e bëra për paqe.

“Ndal armatosjes së separatistëve! Ndal dërgimit të qindra armëve të rënda dhe ushtarëve përtej kufirit! Mjaft pretenduat se nuk po bëni atë që në fakt jeni duke e bërë”, deklaroi Power. 

Ura e Beçishtit e ndërtuar në kohën e Ali Pashës, që lidh qytetin e Tepelenës me të paktën 7 fshatra të krahinës kërcënohet sërish prej shembjes. 

Njëra prej këmbëve të vjetra të urës është çarë edhe më  shumë prej erozionit të Vjosës pas reshjeve të fundit. Ekspertët lokalë mendojnë se një ndërhyrje restauruese është emergjente pasi përveç monumentit kërcënohet edhe  jeta e kalimtarëve që e përshkojnë atë çdo ditë.

Presidentja Atifete Jahjaga u shpreh se, këto homazhe janë në nder të "ideatorit të pavarësisë", ndërsa shtoi se sot Kosova ka perspektivë të qartë evropiane. 

Ndërsa kryeministri Isa Mustafa e cilësoi Rugovën si njeriun që hodhi themelet e pavarësisë. "Ne vlerësojmë kontributin e tij që ky shtet të jetë demokratik dhe që ne të mburremi me të", tha Mustafa. 

Nga informacionet e fundit mësohet se vajza është goditur nga treni në ecje e sipër, teksa shkonte në shkollë. 

Persona që janë ndodhur aty pranë kanë lajmëruar ambulancën dhe vajza është dërguar në spitalin e qytetit, ku ndodhet në gjendje të rëndë. 

Mësohet se ngjarja ka ndodhur pranë stacionit hekurudhor të Lushnjes, në lagjen “18 Tetori”. / Top Channel 
 

Vetë fermerët thanë se agjencitë e sigurimeve nuk pranojnë të sigurojnë fermerët e zonave që rrezikohen nga përmbytjet, por kryeparlamentari tha se kjo çështje duhet trajtuar më tej. 

Meta deklaroi gjithashtu se ndihma për rimëkëmbjen e ekonomive bujqësore ka nisur me pezullimin e kësteve të kredive për dy vjet. 

“Njëkohësisht dua të theksoj rëndësinë e një politike të sigurimeve për investimet në bujqësi dhe prodhimet bujqësore. Kjo është e domosdoshmë po të keni parasysh edhe thënien: bujqësia është një pashallëk”, deklaroi Meta. 

Sipas burimeve policore zyrtare, ngjarja ndodhi rreth orës 23 e 19 minuta, në lagjen “15 Shtatori” të qytetit të Tepelenës. 

Në garazhin ngjitur me banesën në katin e parë, automjetit të shtetasit A.S dyshohet se i është hedhur nga jashtë një sasi lënde plasëse. 

Si pasojë e shpërthimit të lëndës në fjalë është dëmtuar pjesërisht automjeti i zyrtarit. Për fat të mirë nga shpërthimi nuk ka pasur të lënduar. / Top Channel 

Në deklaratën e tij, kreu i shtetit hedh akuza të forta kur thotë se Visar Zhiti është viktimë e shpifjeve të shëmbëlltyrave të sigurimit, që sipas tij, sot ndikojnë në vendimarrje.

Një vjedhje ka ndodhur në disa prej kamionëve të imbarkuar në tragetin “AF Francesca” të linjës Bari-Durrës. 

Kur trageti po ankorohej në port, drejtuesit e kamionëve kanë konstatuar hapjen dhe vjedhjen e kryer në kabinat e tyre, e mënjehërë kanë vënë në dijeni personelin e tragetit. Me të marrë dijeni, policia ka kryer veprimet e para proceduriale dhe po punon për zbardhjen e ngjarjes dhe kapjen e autorëve.