Arkiv-Lajme të përditësuara

Hamilton dhe Rosberg e nisën aty ku e lanë në Abu Dhabi, edhe pse ishin krejtësisht të vetmuar në këtë garë, në të cilën rivalët në pistë, ashtu sikurse dhe telespektatorët i kanë parë shumë pak, duke qenë se kamerat nuk i kanë inkuadruar edhe aq shumë gjatë garës prej rreth 1 orë e gjysmë.

Kampioni britanik ruajti thuajse gjatë gjithë garës një distancë prej 2-3 sekondash, duke mos e vënë kurrë në diskutim vendin e parë. Duket se edhe ky kampionat do të jetë tërësisht i tyre, edhe pse është vetëm fillimi...

Vendet e Ballkanit Perëndimor nuk po ecin njëtrajtësisht në rrugën e tyre drejt integrimit të plotë në Bashkimin Europian, por as Bashkimi Europian nuk po ecën në mënyrë homogjene dhe të vendosur karshi integrimit të këtyre vendeve, ndaj për të rritur mirëqënien dhe për të mbështetur zhvillimin nevojitet një bashkëpunim më i fortë i vetë vendeve të rajonit.

Ky ishte mesazhi i përcjellë nga Kryeministri Edi Rama në fjalën që mbajti në Konferencën e Europës Juglindore që zhvillon punimet në Tiranë.

Kryeqyteti ka pritur plot atmosferë festive “Ditën e Verës”. Qytetarët kanë mbushur rrugën në bulevardin kryesor, shëshin “Skënderbej” dhe atë “Nënë Tereza”, ku qeveria dhe bashkia e Tiranës kanë organizuar festimet në dy axhenda të ndara.

Ballafaqimi i dytë mes deputetit Tom Doshi dhe Durim Bamit në Prokurorinë e Krimeve të Rënda ka përfunduar pas më shumë se 8 orë.

Doshi e Bami u paraqitën në prokurori në orën 09:00 të së shtunës dhe dolën prej andej njëri pas tjetrit rreth orës 17:30.

Në dalje, deputeti Tom Doshi nuk komentoi mbi ballafaqimin, ndërkohë që Durim Bami është shoqëruar nën masa të forta sigurie për në qelinë e tij, ku mbahet nën masën e sigurisë arrest me burg me akuzën e “tentativës së vrasjes”.

Sipas burimeve, të cituara nga mediat ndërkombëtare, shtëpitë në kryeqytetin Port Vila janë shkatërruar dhe banorët kanë marrë rrugët në kërkim të ndihmës.

Agjencitë e OKB-së deklarojnë se, pavarësisht bilancit fillestar, disa dhjetëra banorë mund të kenë mbetur të vrarë nga katastrofa, e konsideruar ndër më të rëndat në historinë e Paqësorit.

Cikloni Pam ka sjellë në arqipelag erëra që arrijnë deri në 270 kilometra në orë dhe shira shumë të dendura e të rrëmbyeshme.

Protestat do të zhvillohen jo vetëm në Tiranë, por edhe në rrethe, ndërsa çdo të enjte ajo do të zhvendoset para Parlamentit. Çdo ditë do të jenë të rinjtë e FRPD-së ata që do tubohen para kryesisë së Kuvendit, ndërsa detajet për protestat në rrethe pritet që të mësohen në ditët e ardhshme.

Edhe kreu i demokratëve, Lulzim Basha u shpreh në kohezion me këto vendimi në daljen para mediave.

Në përvjetorin e dytë të zgjedhjes së tij në krye të Kishës Katolike, Papa Françesku, në një intervistë për një televizion meksikan, la të kuptohet se ai mund të japë dorëheqjen si paraardhësi i tij.

“Unë kam ndjesinë se papati im do të jetë i shkurtër, katër ose pesë vjet. Nuk e di, ndoshta edhe dy ose tre vjet”, ka thënë Papa Françesku. Ai e vlerësoi vendimin e Papa Benediktit për t’u dorëhequr nga drejtimi i Kishës Katolike në vitin 2013 si të “guximshëm”.

Bulevardi kryesor, që nga stadiumi “Elbasan Arena” deri tek kryqëzimi “1 Maji”, është tejmbushur me elbasanas dhe vizitorë si asnjëherë tjetër.

Festimet e 14 marsit, sipas traditës, nisin me karnavalet e shkollave 9-vjeçare, ku përveç parakalikimit, nxënësit japin edhe mesazhe sensibilizuese.

Ndërkohë, festimeve nuk u kanë munguar lulet, simboli i festës, si dhe fëmijët, ata që më së shumti i gëzohen kësaj dite.

Gjatë takimit rajonal të Komisioneve të Jashtme Parlamentare të vendeve të Ballkanit Perëndimor, kreu i Kuvendit Ilir Meta, ministri i Jashtëm Ditmir Bushati dhe ministrja e Integrimit Klajda Gjosha theksuan se forcimi i perspektivës europiane do të inkurajojë vendin tonë për përballimin e sfidave të integrimit. 

“Duhet ta shohim të ardhmen me një sy edhe më të mprehtë. Forcimi i perspektivës europiane është kyç për angazhimin e vendeve të rajonit”, deklaroi Meta.

Një grabitje me dhunë nga 4 persona të armatosur ka ndodhur gjatë orëve të para të mëngjesit të së premtes në Fushë Krujë, e pikërisht në banesën e kreut të komunës Bubq, Qemal Daci. 

Mësohet se kanë qenë 4 personat që kanë hyrë me forcë në banesën e tij, ku kanë gjetur vetëm bashkëshorten e kryekomunarit Qemal Daci, të cilën nga sa bëhet e ditur e kanë lidhur dhe torturuar.