bota

Kryeministri francez, Michel Barnier, është dorëzuar para presionit të opozitës, duke u tërhequr nga shkurtimet e planifikuara në buxhetin e vitit të ardhshëm për rimbursimin e barnave.

Gjermania do t'i japë Ukrainës ndihma të reja ushtarake me vlerë 650 milionë euro. Shifra u bë e ditur nga kancelari gjerman Olaf Scholz, i cili ndodhet në Kiev për një vizitë të paparalajmëruar.

Scholz deklaroi se Gjermania do të mbetet mbështetja më e fortë e Ukrainës në Evropë, ndërsa shtoi se ndihma do të dorëzohet gjatë dhjetorit.

Kjo është vetëm vizita e tij e dytë që nga shpërthimi i luftës, pas vizitës së parë në qershor 2022.

Kryeministri izraelit, Benjamin Netanyahu, ka shkarkuar ministrin e Mbrojtjes, Yoav Gallant. Netanyahu e motivoi vendimin me një "krizë besimi" që "u thellua gradualisht".

Vendin e tij në krye të Ministrisë së Mbrojtjes e zë ministri i Jashtëm, Israel Katz.

Masa vjen pasi Izraeli po përgatitet për një sulm të drejtpërdrejtë iranian dhe pasi IDF nën komandën e Gallant ekzekutoi një sulm të suksesshëm ndaj Republikës Islamike që synonte objektet e saj të prodhimit të raketave.

Në vitin 2016 kur Donald Trump u zgjodh president i ShBA mund të kujtohen dy përkufizime që kanq rëndësi: i pari ai i George Soros që u shpreh se “Trump si mbreti i vetëpromovimit nuk po e beson as vetë suksesin që po ka”. Ky pohim jep të kuptojë ndër të tjera se sistemi politik amerikan nuk është i imunizuar nga të papriturat, pra se ai është me përkufizim i pakontrollueshëm.

Mjafton kalimi i një pike kritike dhe mandej nuk ka rregulla që të menaxhojnë ortekun. 

Rreth 70 raketa janë lëshuar mëngjesin e sotëm nga Libani drejt Izraelit. Raketat e lëshuara brenda vetëm tre minutave kanë aktivizuar sirenat e alarmit në Galilenë e Sipërme dhe atë perëndimore.

Lajmin e konfirmoi ushtria izraelite në një njoftim. Disa prej raketave janë neutralizuar nga Izraeli, ndërsa të tjera kanë rënë në tokë, duke shkaktuar zjarre.

Mijëra njerëz kanë dalë në rrugët e Berlinit për të protestuar kundër dërgesave të armëve në Ukrainë dhe Izrael, ndërsa shprehin shqetësimin për një përshkallëzim të mundshëm bërthamor, sipas mediave lokale dhe videove të postuara në mediat sociale.

Tubimi, i organizuar nga grupe të ndryshme pro paqes dhe të krahut të majtë, u mbajt më 3 tetor, që përkon me Ditën e Unitetit Gjerman, që shënon bashkimin e Gjermanisë Perëndimore dhe Gjermanisë Lindore komuniste në vitin 1990.

Kina dhe Rusia do të forcojnë bashkëpunimin për të formuar rendin shumëpolare. Wang Yi, anëtar i Byrosë Politike të Komitetit Qendror të Partisë Komuniste të Kinës dhe ministër i Jashtëm kinez, në një shkrim për “The People’s Daily”, me rastin e 75-vjetorit të marrëdhënieve Kinë-Rusi, shprehet se kjo është zgjedhje strategjike e të dyja vendeve.

Irani ka gati një përgjigje akoma më të fortë nëse Izraeli hakmerret për sulmin e tij raketor.

“Nëse ai (Izraeli) dëshiron të reagojë, ne do të kemi një përgjigje më të fortë, kjo është ajo për të cilën është angazhuar Republika Islamike”, tha sot presidenti iranian, Masoud Pezeshkian.

“Ne nuk po kërkojmë luftë, është Izraeli ai që na detyron të reagojmë”, tha ai.

Laboratori evropian i fizikës së grimcave CERN do të përjashtojë qindra shkencëtarë që janë të lidhur me institucionet ruse nga fillimi i dhjetorit të këtij viti, raporton revista Nature.

Nga 1 dhjetori, shkencëtarëve që kanë lidhje me Rusinë do t’u hiqet aksesi në faqen e CERN-it dhe duhet të dorëzojnë çdo leje qëndrimi franceze ose zvicerane që kanë.

NATO nuk do të bëhet palë në konfliktin ukrainas nëse shtetet e saj anëtare autorizojnë Kievin të godasë territorin rus me armë të prodhimit perëndimor, thotë Sekretari i Përgjithshëm i NATO-s, Jens Stoltenberg, në një intervistë për Foreign Policy.

“Nuk është e saktë ajo që thotë presidenti Putin për përfshirjen tonë në konflikt”, pohoi Stoltenberg.

Ai shtoi gjithashtu se NATO nuk e konsideron Iranin dhe Korenë e Veriut palë në konflikt mbi ndihmën e supozuar ushtarake për Moskën.