zbulimi

Puna për ndërtimin e një radari në funksion të aeroportit në Kretë ka çuar në një zbulim arkeologjik që cilësohet unik prej shkencëtarëve grekë. Në lartësinë 494 m, në majë të kodrës Papoura, ka dalë në dritë një strukturë rrethore me diametër 48 m që mbulon një sipërfaqe prej 1800 m2, përbërë nga hapësira që komunikojnë me njëra-tjetrën me kalime të ngushta, duke dhënë idenë e një labirinthi.

Një strukturë e panjohur më parë është zbuluar në një "zonë boshe" të kompleksit të piramidave të Gizës. Duke përdorur teknologjinë depërtuese në tokë, një ekip i përbashkët kërkimor nga Universiteti Ndërkombëtar Higashi Nippon, Universiteti Tohoku dhe Instituti Kombëtar i Kërkimeve të Astronomisë dhe Gjeofizikës i Egjiptit gjetën një "anomali" të lashtë të fshehur nën rërën e Varrezave të Fushës Perëndimore të Gizës.

Qytetërimi njerëzor e kishte kuptuar mirë se si funksiononte seksi dhe riprodhimi shumë kohë përpara se të shpikej mikroskopi. Por deri në shekullin XII, pakkush e dinte se çfarë ishin në të vërtetë spermatozoidet, aq më pak të ishin të vetëdijshëm për pamjen e tyre të çuditshme. Dhe kur sperma më në fund u zbulua zyrtarisht, nga Antonie Philips van Leeuwenhoek, babai i mikrobiologjisë, ai u gjet kaq në siklet, saqë do të donte të mos e kishte parë atë që kishte nën lupën e mikroskopit.

Arkeologët që punojnë në shkretëtirën egjiptiane kanë bërë një nga zbulimet më të rëndësishme të 50 viteve të fundit: një nga katër tempujt e humbur të diellit.

Mendohet se gjashtë tempuj dielli u ngritën nga faraonët e dinastisë së pestë për të plotësuar piramidat e tyre.

Piramidat e mëdha u ndërtuan nga faraonët si vende ku të pushonin dhe për t'u siguruar se do të ishin zotër edhe në botën e përtejme.

Tempujt e diellit, megjithatë, e çuan dëshirën e hyjnizimit një hap më tej dhe kishin për qëllim ta bënin faraonin perëndi sa ishte ende gjallë.

Pas zbulimit të një specieje të re të Neandertalit, vjen ajo e fosileve të një specieje të re njerëzore, Homo longi ose 'Njeriu Dragua'. Emërtimi është frymëzuar nga vendi në Kinë, ku u gjetën eshtrat: 'Long Jiang', që do të thotë 'lumi i Dragoit'.

Gërmimet e fundit në Izrael kanë zbuluar një grup hominidësh të panjohur më pare, që i përkasin Epokës së Gurit dhe që mendohet se kanë kontribuuar në evolucionin e species njerëzore, Homo.

Banorët e një siti të quajtur Nesher Ramla, i cili ka qenë i banuar rreth 140 000 deri 120 000 vjet më parë, u bashkohen Neandertalëve dhe Denisovanëve si popullsia e tretë Homo Euroaziatike që u ndërthur me kulturë dhe ndoshta u ndërlidh me Homo sapiensët antike, thonë studiuesit.

Ka marrë fund misteri i vendndodhjes së mbetjeve të ish-kryeministrit të Japonisë militariste, Hideki Tojo, ekzekutuar me varje në vitin 1948 nga amerikanët si kriminel lufte. Profesori japonez i universitetit të Nihon, Hiroaki Takazawa, ka zbuluar në arkivat amerikane, dokumente të deklasifikuara që zbulojnë se çfraë ndodhi me mbetjet e Tojos, i cilësua si arkitekti i sulmit mbi Peral Harbor.

Paleontologët australianë kanë identifikuar një specie të re dinosaurësh, më i madhi i gjetur ndonjë herë në Australi dhe një prej më të mëdhenjve në botë.

Australotitan ose ndryshe titani i jugut,  mendohet të ketë pasur një gjatësi rreth 25-30 metra dhe lartësi 5-6.5 metra, praktikisht sa një fushë basketbolli i gjatë dhe sa një ndërtesë dykatëshe i lartë. Rezultatet e kërkimit u publikuan në revistën shkencore "PeerJ".

Agjencia Japoneze e Hapësirës – JAXA – ka konfirmuar së fundmi zbulimin e dy llojeve të materies organike në një asteroid duke hapur kështu dritaren e konfirmimit të një teze të njohur për origjinën e jetës në Tokë. Shkencëtarët japonezë kanë analizuar materiale të marra nga një asteroid i tipit S, quajtur Itokawa, marrë gjatë një misioni të vitit 2010 dhe mendohet se është një

Arkeologët në Turqi pretendojnë se kanë zbuluar skeleton e atij që e quajnë Fermeri i Parë në Anatolinë Perëndimore. Gërmimet janë kryer në një zonë të quajtur Bahçelievler pranë Bilecik dhe mendohet se daton 8 500 vjet më parë. Skeleti i përket një mashkulli të moshës 14-15 vjeç dhe sipas profesorit Erkan Fidan ai është më i vjetri i gjetur në Anatolinë Perëndimore që i përket periudhës së Neolititi-Gurit të Ri.