zbulimi

Disa arkeologë në Jordani kanë zbuluar mbetje të djegura të bukës(në formë piteje) të pjekur nga gjuetarë të zonës rreth 14 400 vjet më parë. Sipas kërkuesve në fjalë nga universiteti i Kopenhagen, ai i Londrës dhe i Kembrixhit, bëhet fjalë për evidencën më të vjetër të gjetur ndonjëherë për bukën që shkon shumë më parë sesa shfaqja e bujqësisë rreth 10 000 vjetë më parë.

Një koleksion pllakatash ballte 3,200 vjeçare të fsheuhura në qypa balte ndihmuan arkeologët për të zbuluar  vendndodhjen e një qyteti të humbur të Mesopotamisë së lashtë, i cili ndodhet në rajonin e Kurdistanit të Irakut. Zbulimi u bë ekipi i  Universitetit të Tübingen në Gjermani, të cilët kishin identifikuar pllakat e gjetura në 2017, në rajonin e Bassetki.

National Geographic njofton zbulimin në Peru të sitit më të madh në botë ku janë kryer sakrifica të fëmijëve. 140 trupa fëmijësh dhe 200 lama janë gjetur në vend që mendohet se janë vrarë rreth 550 vjet më parë.

Një studim i fundit nga historiani i mjekësisë, Herwig Czech hedh dritë mbi përfshirjen e Hans Asperger në programin nazist të eutanazisë. Asperger është një pediatër që i ka dhënë emrin një forme të autizmit dhe nuk është i panjohur në mjekësi. 
Czech ka shfrytëzuar dokumente të pashqyrtuara më parë të kohës naziste që provojnë se Asperger ka qenë pjesë aktive e programit të eutanazisë në Austri.

Shkencëtarët kanë zbuluar së fundmi një mineral të panjohur më parë në Tokë. Ai është quajtur perovskit silikat kalçiumi(calcium silicate perovskite) dhe sipas Graham Perason, një prej autorëve të studimit të publikuar në “Nature”, minerali është i katërti në planet për nga sasia.

Biblical Archaeology Society njofton se në Jeruzalem mund të jetë gjetur vula e profetit Isaia. Isaia jetoi në shekullin e 8 p.e.s dhe Bibla ka një libër të shkruar për të në Testamentin e Vjetër.

Shkrimi është identifikuar në një material qeramike të dëmtuar me mbishkrime hebraike ku mendohet se shkruhej: “I përket Isaias, profetit”.

Po konsiderohet si një ngjarje e madhe për arkeologjinë e majave. Zbulimi i një Megalopoli antik, në xhunglat e Guatemalës, zgjeron edhe më shumë njohuritë rreth një qytetërimi që bashkë me atë të aztekëve apo të fiseve të tjera të Amerikës Latine dhe Qendrore, përbëjnë atë që quhet arkeologjia e shekullit të 21-të. Përmes teknikave të gjurmimit me lazer – LiDAR/Gjurmimi dhe Matja me Dritë - është identifkuar një qendër e stërmadhe banimi me 60 000 shtëpi, pallate, rrugë etj., që sugjerojnë se qyetërimet parakolumbiane kanë qenë shumë më të sofistikuara nga sa mendohej deri më tani.

Kërkuesit në universitetin e Tuluzës në Francë kanë hedhur dritë mbi përbërjen e brendshme të një xhuxhi të bardhë, një yll i vdekur që ka përfunduar jetën aktive dhe përbëhet nga një barthamë karboni dhe oksigjeni rrethuar nga një shtresë e hollë heliumi. Sipas kërkuesve në fjalë, ndryshimet e konstatuara në ndriçimin e xhuxhëve të bardhë sugjerojnë për një tjetër përqindje oksigjeni te kjo kategori yjesh, çka është e rëndësishme për të kuptuar ciklin jetësor të yjeve por edhe ekspansionin e universit.

Një tjetër provë për jetën organike jashtë planetit tonë, vjen nga dy meteoritë të rënë në Tokë më shumë se 20 vjet më pare, të quajtur Zag dhe Monahans.

I pari në vitin 1998 në Teksas dhe tjetri pak më vonë në Marok. Analizat e kryera mbi këto dy objekte të hapësirës sjellin në dritë prova dhe fakte të jetës organike dhe ujit jashtë planetit.  Një studim i publikuar më 10 janar të këtij viti në revistën “Science Advances” tregojnë për ekzistencën e përbëresve kimikë kompleksë si hidrokarbonate dhe aminoacide.

Mund të kenë kaluar 21 vjet nga dita kur Tupac Shakur ra i vdekur nga plumbat në Las Vegas, pas ndeshjes së boksit mes Mike Tyson dhe Bruce Shelton, por teoritë e konspiracionit janë ringjallur ... Aq sa komopania A & avancoi me krijimin e një një dokumentari me titull "Kush e vrau Tupac?", në të cilin flet vëllai i tij, Mopreme Shakur.