Turqia

Turqia ka celebruar dje 568 vjetorin e pushtimit të Konstandinopojës, sot Stambolli. Presidenti i vendit, Recep Tayyip Erdogan  ka përcjell një mesazh në tuiter përmes të cilit ka cilësuar se pushtimi i Konstandinopojës është një nga:

fitoret më të lavdishme të historisë sonë

Ai ka referuar Profetin Muhamed që parashikoi marrjen e Konstandinopojës dhe që cilësonte komandantin që do ta korrte atë arritje si ndër më të mirët.

Si vend anëtar i NATO-s, Turqia ka paraqitur një kërkesë për të marrë pjesë në projektin ushtarak të BE-së të udhëhequr nga holandezët, pavarësisht marrëdhënieve të tensionuara me Greqinë dhe Qipron. Ndërsa kërkesa turke po shqyrtohet, diplomatët e BE janë të ndarë për pjesëmarrjen e mundshme të Ankarasë.

Turqia u ka dhënë shtetësinë 150 mijë qytetarëve sirianë që ndodhen si refugjatë lufte në vend. Shifra ka dalë gjatë diskutimit të një raporti zyrtar që trajton gjendjen e sirianëve në Turqi dhe ajo është marrë në diskutim me sens kritik nga opozita kryesore turke, Partia Popullore Republikane.

Turqia dhe Egjipti kanë rënë dakord që të nisin bisedimet për normalizimin e marrëdhënieve diplomatike që kanë pësuar thyerje gjatë tetë viteve të fundit. Media të ndryshme raportojnë se zyrtarë nga të dy vendet do të takohen sot dhe nesër në Kajro dhe siç thuhet delegacioni turk drejtohet nga zv.ministri i Jashtëm Sedat Onal.

Këto bisedime hulumtuese do të përqendrohen në hapat e nevojshëm që mund të çojnë drejt normalizimit të marrëdhnënieve mes të dyja vendeve në planin dypalësh dhe atë rajonal

Zëvendës Presidenti i Turqisë, Fuat Oktay ka interpretuar njohjen e Genocidit Armen prej SHBA me dy arsye kryesore.

Sipas tij, SHBA po përpiqet të rikthehet në skenën ndërkombëtare dhe së dyti për këtë deklaratë presidenti Joe Biden ka edhe arsye të brendshme.

Unë besoj se ai është duke u përpjekur për të përdorur një fenomen të till si një instrument rikthimi në një pjesë të botës. dhe unë besoj fuqimisht se këto dy arsye janë tërësisht të gabuara për të dhe politikën e jashtme të SHBA

Turqia ka reaguar zyrtarisht për aktin e njohjes së genocidit armen nga SHBA. Ministri i Jashtëm Mevlut Cavusoglu ka shkruar në tuiter se:

Fjalët nuk mund ta ndryshojnë historinë. Ne nuk do të marrim leksione për historinë nga askush

Po kështu, Ministria e Jashtme ka thirrur ambasadorin amerikan në Ankara, David Stterfiled për të shprehur pakënaqësinë e vet për aktin e presidentit Biden, që sipas palës turke:

ka shkaktuar një plagë në marrëdhëniet mes të dyja vendeve që është e vështirë të riparohet

Një kompani kanadeze do të çojë në arbitrazh shtetin turk për anulimin e një projekti, me argumentin se dëmton mjedisin. Alamos Gold është një kompani miliarda dollarëshe në Kanada, të cilës vitin e kaluar Turqia i anuloi lejen e një miniere në veriperëndim të vendit. Kompania tani kërkon 1 miliard dollarë dëmshpërblim.

Eurostat ka raportuar së fundmi edhe destinacionin kryesor të mbetjeve të gjeneruara në BE. Turqia është vendi ku mbetjet urbane të BE-së eksportohen më së shumti me 13.7 milionë tonë në vit, një shifër 3 herë më e lartë sesa në vitin 2004.

Destinacioni i dytë është India me 2.9 milionë tonë mbetje, pë të vazhduar me Mbretërinë e Bashkuar dhe Zvicrën me 1.6 milionë tonë, Norvegjinë 1.5 milionë tonë, Indonezia dhe Pakistani me nga 1.4 milionë tonë.

Ministri i Jashtëm grek, Nikos Dendias, thotë se përmirësimi gradual i marrëdhënieve me Turqinë nuk do të jetë një çështje e lehtë. Në një intervistë për “Kathimerini”, e para pas konferencës së tensionuar për shtyp me homologun e tij turk, Mevlut Cavusoglu, në Ankara të enjten e kaluar, Dendias thekson se "është e pamundur të fshihen nën rrogoz çështjet për të cilat dy vendet kanë qasje të ndryshme”.