teatri

Presidenti i Republikës, Ilir Meta ka deklaruar sot nga Kavaja se akti i mundshëm i prishjes së Teatrit Kombëtar është provokim për paqen sociale në vend.

Kjo në foto është letra me të cilën Bashkia e Tiranës njofton kalimin e Teatrit Kombëtar në varësi të saj. Dokumenti në fjalë njofton se bazuar në vendimin e qeverisë, ndërtesa nuk është më pronë e Ministrisë së Kulturës.

 Forca të shumta të Policisë Bashkiake mbërritën pasdite te Teatri Kombëtar, ku u pritën nga aktivistët për Mbrojtjen e Teatrit. Pas një debati me këta të fundit, ata kanë vendosur në derën e Teatrit dokumentin e mësipërm. 

Aktivistët thonë se me këtë lëvizje, Bashkia po vepron në mënyrë të shpejtë sepse e di që  e ka të humbur çështjen.

Kryeministri Edi Rama është pyetur sot për projektin e Teatrit Kombëtar dhe në këtë kuadër, z. Rama ka deklaruar thatë se ai përfaqëson shumicën dhe si shumicë vendimet e saj nuk mund të përmbysen nga një pakicë. 
Pra pas kaq kohësh përballje për një temë kaq të ndjeshme, kryeminstri, që gëzon aktualisht një klimë politike relativisht të qetë, tregon kartonat në Kuvend. 

Kryebashkiaku i Tiranës Erjon Veliaj ka shpallur se ndërtimi i kullave do të vazhdojë në kryeqytet. Kudo ku planifikon Bashkia ato do të ndërtohen. Gjatë një lidhjeje me syri.net, Veliaj është pyetur për Teatrin dhe ndër të tjera tha: 

Paralelisht me kryebashkiakun e natës, Erion Veliaj ka rikthyer në vëmendje të Bashkisë së Tiranës edhe çështjen e lënë pezull të Teatrit Kombëtar, ku prej muajsh qëndrojnë në protestë artistët që janë kundër shembjes së godinës.

Partia Demokratike njoftoi sot se ka dërguar për ndjekje penale arkitektin danez Bjarke Ingels për përfshirje të paligjshme në projektin korruptiv të grabitjes së tokës publike tek teatri Kombëtar për ndërtimin atje të kullave private.

 Akuzat në padinë që Partia Demokratike ka depozituar në prokurori kundër arkitektit danez janë 3:  “Korrupsioni pasiv në sektorin privat”; “Dhënia e ndihmës për ndërtim të paligjshëm”; dhe “Ushtrimi i ndikimit të paligjshëm ndaj personave që ushtrojnë funksione publike”.

Tirana u godit dje nga disa tërmete, lëkundja kryesore arriti magnitudë 5.8 të shkallës Rihter dhe intensitet 7 ballë. Lëkundjet e forta kanë sjellë dëmtime të rënda në pallate dhe banesa në Tiranë e Durrës. Fakulteti i Gjeologji Minierave pothuajse është shembur.

Por ndonëse flitet për të si “një godinë e rrënuar”, Teatri Kombëtar nuk ka asnjë krisje. Kryeministri Edi Rama duke mbrojtur  me pasion të pazakontë projektin privat Fusha, ka thënë disa here që TK është në prag shembje dhe se “nuk do presim tërmetin” që sipas tij do ti zerë “aktorët brenda”.

Ligji për ndërtimin e një teatri të ri në vend të Teatrit aktual Kombëtar, parashikon një garë dhe një komision që vlerëson ofertat. Edhe ky aspekt u fut aty pas një proteste të gjatë. Mesa duket fare formalisht. Kryeministri Edi Rama ka bërë të qartë sot se Teatri i ri do të jetë projekti i Bjarke Ingels nga studio BIG.

Thotë sot kryetari i Bashkisë së Tiranës, z. Veliaj:

Ambasadori i Bashkimit Europian në Tiranë Luigi Soreca është detyruar të reagojë sot në mbrëmje ne profilin e vet në tuiter për takimin e tij të sotshëm me përfaqësues të Aleancës për Mbrojtjen e Teatrit. Soreca sqaron se deklarimet e tij janë nxjerrë jashtë kontekstit dhe se ai ka theksuar se çdo diskutim duhet të ndjekë rrugën e ligjit.