serbia

​Nënkryetari i Partisë Socialiste të Serbisë, - të cilën e udhëheq Ivica Daçiç,  - historiani Predrag Markoviç, ka deklaruar se Kosova nuk ka kapacitet për ta mbrojtur, siç ka thënë ai, trashëgiminë kulturore serbe. Ai ka vlerësuar se Vatikani, i cili s’e ka njohur pavarësinë e Kosovës, mund të luajë rol të madh në lidhur me kërkesën e Kosovës për të hyrë në UNESCO. "Kosova nuk ka kurrfarë kapaciteti për mbrojtjen e trashëgimisë serbe, atje nuk ka kustosë, nuk ka restaurues” ka thënë Markoviç për televizionin "Palma plus", transmeton Koha.net.

Gazeta serbe Kurir shkruan se Shqipëria mund të përjashtohet, pasi ka dyshime se ka fiksuar ndeshjen me Armeninë. Disa media shqiptare i bënë jehonë lajmit të dalë po nga mediat e Beogradit, se katër lojtarë armenë kanë marrë nga 500 mijë euro për të shitur ndeshjen. Gazeta shkruan se UEFA ka nisur hetimet dhe i bazohet një zyrtari të lartë të UEFA-s, (gjithashtu serbit) Dushan Maraviç. Nëse provohet se ndeshja është shitur, gazeta shkruan se Shqipëria do përjashtohet nga Europiani. Në këtë rast, Serbia shkon në play-off dhe Danimarka shkon direkt në Europian.

Me iniciativën e këngëtarit Flori Mumajesi, gjendja emocionale e mijëra të pranishmëve në Sheshin "Nënë Tereza" është shndërruar në një skeç gjigant nacionalizmi primitiv, me mllef dhe urrejtje ndaj Serbisë, mesa duket një reagim ndaj një pilule të hidhur që as kualifikimi në Euro 2016 nuk e ka shuar dot. Turma ka nisur të lëshojë thirrje të rënda nën drejtimin e Mumajesit, me fokus “motrat e serbëve”. Në vijim të ngjarjeve “jashtë skenarit” gjatë festimeve të sotme, turma ka fishkëllyer kreun e FSHF-së Armand Duka dhe ka kërkuar lirimin e kryetifozit Ballist Morina.

Çedomir Jovanoviç, që është dhe kryetari i Partisë Liberale Demokratike të Serbisë, ka thënë se pa zgjidhjen e çështjes së Kosovës, nuk do të ketë integrim në BE, njoftoi sot “InfoKosova”. Ai në një intervistë për “Tanjug”, kësaj radhe, përveç Kosovës, ka përmendur edhe çështja e Bosnje e Hercegovinës. Jovanoviç, kohë më parë ftoi elitën politike në Serbi që “sa më shpejtë ta njohin Kosovën, pasi ky është kushti kryesor për anëtarësimin e Serbisë në BE”. Ai ka thënë se “Serbia duhet të ndalojë refuzimin e anëtarësimit të Kosovës në OKB”.

Krejt makina e policisë dhe sigurisë kombëtare u përqendrua më 8 Tetor, në Elbasan, në, poshtë, përreth, nën dhe mbi stadiumin ku do të vraponin 22 topshkelmues (ose futbollistë), mbas një topi (ball) të vetëm e të rrumbullakët plastmasi. Shqipëria u rrëfye kombëtarisht e frikësuar nga ndonjë incident nacionalist, “spontan apo

Nuk është pritur mirë nga Serbia fjalimi i kryeministrit Edi Rama ne Asamblenë e Përgjithshme të OKB-se, ku bëri thirrje për njohjen e pavarësisë së Kosovës. Kryeministri Rama theksoi gjatë fjalimit ne OKB se njohja e pavarësisë se Kosovës do te kontribuonte ne forcimin e paqes, stabilitetit dhe bashkëpunimit ne rajon. Ndërkohë Beogradi reagoi përmes ambasadorit në Kombet e Bashkuara, Milan Milanoviç, që e cilësoi qëndrimin e Rames abuziv.

Presidenti i Republikës, Bujar Nishani, shprehet kritik për sjelljen diplomatik të Shqipërisë në raport me Serbinë. Në një intervistë për gazetën “Express” në Kosovë, Nishani përcjell rezervat e vet për aspekte të politikës së jashtme, për të cilën në fakt nuk kanë munguar përplasjet me qeverinë.

Afrimi i ndeshjes Shqipëri-Serbi ka vënë në gatishmëri shtetin shqiptar. Ka ditë që tani lexohen lajme për angazhim forcash masive, kontrolle nga toka e ajri, angazhim të Shërbimit Informativ e deri në ndalim të tifozëve ultras në disa pjesë të stadiumit. “Panorama Sport” shkruan se çmimi i biletës ka arritur deri në 1000 euro dhe padyshim që përgjegjëse për këtë është Federata Shqiptare e Futbollit. Sikur të mos mjaftonin këto, shqetësimi po rritet edhe për dhunën që po vjen nga policia. Ka disa ditë që ka ankesa nga tifozeria për dhunën e policisë në stadiume e askush nuk do të dijë më.

Ndoshta është herët për ta thënë, por duket tashmë se diçka thelbësore po ndodh në marrëdhëniet mes Perëndimit dhe Serbisë. Disa shenja të karakterit politik dëshmojnë se jo vetëm Serbia ka dalë nga izolimi i dikurshëm, por ajo po shihet si faktor i besueshëm në rajonin e Ballkanit. Siç mund të imagjinohet lehtë, trajtimi diplomatik i çështjes së Kosovës, është një prej arsyeve që Beogradi zyrtar po sheh tani dyer të hapura.

​Kryenegociatorja e Kosovës në dialogun teknik me Serbinë, Edita Tahiri, ka thënë se me nënshkrimin e marrëveshjes për energjinë, Serbia e ka njohur pavarësinë e Kosovës. Kjo pasi, sipas saj, në këtë marrëveshje për herë të parë në ndonjë marrëveshje të nënshkruar nga këto dy vende, përmendet termi “Republika e Kosovës”. Këtë deklaratë ministrja për Dialog e ka dhënë në një intervistë për gazetën “Zëri”, e me këtë rast i ka vlerësuar lart marrëveshjet e arritura të martën në Bruksel, duke thënë se katër marrëveshjet janë në pajtim me Kushtetutën dhe ligjet e Kosovës.