refugjatet

Rusia reagon zyrtarisht ndaj deklaratave të komandantit suprem të NATO-s, Breedlove se Rusia po kthen refugjatët sirianë në një armë për shkatërrimin e Europës. Përmes një deklarate për shtyp, përcjellë në shqi edhe nga ambasada ruse në Tiranë, Ministria e Mbrojtjes ruse thotë ndër të tjera se: “...Gjenerali Breedlove duket se i ka harruar ngjarjet e verës së vitit 2015 kur me pëlqimin e tij të heshtur gati një milion refugjatë u nisën papritur nga Turqia (!) drejt vendeve evropiane.

Prej dy ditësh mediat kryesore europiane kanë bërë të vetin një tezë të gjeneralit amerikan të NATO-s, Breedlove sipas të cilit refugjatët sirianë dhe ata afganë që po mësyjnë Europën, janë një armë destabiliziuese e Rusisë dhe Turqisë përkundrejt Europës. Në terren situata po zhvillohet disi më ndryshe: termi Europë dhe destabilizim po zhvendosen në Ballkan, ku po flitet për korridore, lëvizje dhe tensionim.

Shqipëria ka deklaruar gjatë gjithë kohës se ajo do të marrë përgjegjësitë e veta në pritjen e refugjatëve. Por një deklaratë e kryeministrit Edi Rama, para disa ditësh, u duk se e përmbysi këtë gatishmëri. Në një intervistë televizive, ai u shpreh se situata ka ndryshuar dhe se pritja e refugjatëve, ose hapja e kufirit, do të kishte vlerë në kohën kur të gjitha vendet marrin përgjegjësi. Por sot ministri i Jashtëm, Ditmir Bushati ka bërë një hap prapa: “Shqipëria as do t’i hapë dhe as do t’i mbyllë kufijtë për refugjatët.

Kriza e refugjatëve që po përjeton Europa, në realitet po merr zgjidhjen e vet, ciladoqoftë ajo, në Ballkan. Ky përcaktim bëhet në një shkrim të revistës gjermane “Spiegel” e cila në të vërtetë thjesht përshkruan atë që po ndodh pa shtuar gjë për mënyrën sesi duhet dalë nga situata. Fakateve nuk u shpëton dot: Greqia është lënë të kthehet në një vaskë refugjatës si pasojë e lojërave të vendeve europiane që kanë adresuar sfidën e migracionit si një politikë nacionale.

Iniciativa austriake me vendet e Ballkanit Perëndimor ka krijuar një krizë të vërtetë në marrëdhëniet e Vjenës me Greqinë. Sot raportohet se Athina zyrtare i ka refuzuar ministres së Brendshme austriake, Johanna Mikl-Leitner kërkesën për të vizituar vendin me synim sqarimin e pikëpamjes austriake për çështjen e refugjatëve. Ministri grek për Migracionin, Yannis Mouzalas, ka përsëritur kërkesën greke për heqjen e kufijve të lëvizjes, të cilat e kthejnë Greqinë në një xhep që do të mbushet nga imigrantët që vijnë nga Lindja e Mesme dhe Afganistani.  

Nesër zhvillohet në Vjenë një konferencë e përbashkët mes Austrisë dhe vendeve të Ballkanit Perëndimor, përfshirë Bullgarinë, në nivel ministrash të Jashtëm dhe të Brendshëm. Takimi organizohet nga pala austriake dhe në të njoftohet se janë ftuar të marrin pjesë ministra nga Shqipëria, Bosnje - Hercegovina, Kroacia, Kosova, Maqedonia, Mali I Zi, Serbia dhe Sllovenia.

“Museo Atlántico” ndodhet në Spanjë në ishullin Lanzarote dhe ai konsiston në disa skulptura të instaluara nën ujë. Një metaforë për krizën e refugjatëve në Europë përmes skulpturave që paraqesin apo marrin shkas nga njerëz të vërtetë. Ato janë realizuar nga artisti britanik Jason deCaires Taylor. Muzeu hapet në 25 shkurt dhe vizitorët do të detyrohen të zhyten nën ujë.

Qendrat e pritjes së refugjatëve më Greqi dhe Itali do të funksionojnë së shpejti, ka deklaruar komisioneri europian për emigracionin, Dimitris Avramopulos. Në të njëjtën kohë, Brukseli ka theksuar se përballimi i flukseve të refugjatëve kërkon lëvizje të shpejta në nivel europian.

Austria ka vendosur të anullojë përkohësisht rregullat për lëvizjen e lirë në Evropë dhe forcojë kontrollin e njerëzve të cilët kërkojnë të hyjnë në vend. Kjo u njoftua nga kancelari Verner Fejman në një intervistë për gazetën OESTERREICH.

Sipas tij, menjëherë do të fillojnë kontrollet e dokumenteve të identifikimit në kufijtë austriak. “Nëse BE-ja dështon të krijojë siguri për kufijtë e saj të jashtëm, e vë Shengenin në pikëpyetje. Kështu çdo shtet i BE-së do të detyrohet të kontrollojë kufijtë e vet”, ka theksuar ai.

Një milionë refugjatë, ndoshta më shumë se kaq, ka pranuar Gjermania sivjet. Një milionë njerëz, që kërkojnë strehë, mbrojtje, shpresë për një jetë të re. Një milionë njerëz, që mundësisht sa më shpejt kanë nevojë për banesa, por para së gjithash për punë - e përpara kësaj duhet të mësojnë gjermanisht: fëmijët në kopështet e fëmijëve dhe në shkolla, të rriturit në kurse gjuhe. Një përpjekje e madhe e gjermanëve, një përpjekje edhe më e madhe e vetëkuptueshme kjo e refugjatëve.