Krizë mes Austrisë dhe Greqisë për çështjen e refugjatëve. Athina refuzon kërkesën për vizitë të ministres së Brendshme austriake

Iniciativa austriake me vendet e Ballkanit Perëndimor ka krijuar një krizë të vërtetë në marrëdhëniet e Vjenës me Greqinë. Sot raportohet se Athina zyrtare i ka refuzuar ministres së Brendshme austriake, Johanna Mikl-Leitner kërkesën për të vizituar vendin me synim sqarimin e pikëpamjes austriake për çështjen e refugjatëve. Ministri grek për Migracionin, Yannis Mouzalas, ka përsëritur kërkesën greke për heqjen e kufijve të lëvizjes, të cilat e kthejnë Greqinë në një xhep që do të mbushet nga imigrantët që vijnë nga Lindja e Mesme dhe Afganistani.