rama

Në llogaritë e votës së 25 qershorit ka hyrë së fundmi edhe loja me ndërkombëtarët, ku si Rama, ashtu dhe Basha e Meta kanë tribluar në fushat e tyre të referencës, dikush me intervista, dikush me foto apo dikush me garanci për Europën. Top Channel, një televizion afër kryeministrit intervistoi presidentit turk Erdogan, 5 ditë para zgjedhjeve. Mesazhi i shefit të Ankarasë ishte pro mikut të tij Edi Rama dhe zgjerimit të projekteve turke në Shqipëri, përmes një partneriteti që garanton dyshja në fjalë.

Shikojeni këtë material video që shpërndahet nga kryeministri. Një këngë labe në sfond, disa fjali ku spikat fjala atdhe, emigrant dhe pushtet, pleksur në diçka më shumë se 1 minutë për të njoftuar çfarë? Intervistën e z. Rama sot me Ylli Rakipin në emisionin “Të Paekspozuarit”.

Ilir Meta i është lëshuar një loje politike që i ngjan kumarit ku me një dorë vendos nëse rrënohesh ose fiton shumë. Në këtë lojë ku po artikulon i vetëm tashmë potencialin për destabilizim, ai jo pa qëllim po investon edhe profilin e Presidentit të Shqipërisë, ndonëse është ende i zgjedhur dhe jo i betuar. Paralajmërimi i tij i djeshëm për armatosje të popullsisë, nuk mund të lexohet në asnjë sens normal, përveç se si mesazh kërcënimi për kryeministrin.

Fushata elektorale, protagonizmi dhe përfaqësimi i subjekteve në të është sa një shans që të jepet nga partia, pushteti, opozita, aq edhe një garë personale. Një garë që kërkon energji, angazhim, vitalitet, përshtatje, por edhe aftësi retorike, bindjeje, aftësi për t'u shprehur praktikisht për gjërat etj.. Të gjithë elementë që konstituojnë aspektin demagogjik, por edhe vendosin premisën e re për detyrimet e së nesërmes.

Lufta mes Edi Ramës dhe LSI - së po ashpërsohet dhe dy palët janë tashmë në një ring elektoral që do të kulmojë në 25 qershor e mbrapa, ku mesa duket nuk do të mungojnë tensionet, ndoshta dhe përplasjet fizike. Ilir Meta dhe partia e tij kanë marrë disa goditje të forta me Ramën që është dukshëm më i qetë sesa presidenti i zgjedhur. Më i sofistikuar në strategjinë e tij Rama ka bërë një goditje të fortë nga një miting elektoral në Sarandë, duke lexuar publikisht një letër që praktikisht është piramida e klanit Balili në administratën lokale të Bashkisë së Delvinës. 

A mund të merret seriozisht Lulzim Basha? Ja pyetja që bëhej shpesh deri më dje. Por atë e mori seriozisht kryeministri I Shqipërisë, i cili më 18 maj i kërkoi takim kokë më kokë, për të firmosur një marrëveshje në të mirë të vendit. Pasoi mandej bashkëqeverisja, ndarja e drejtorive ndërkohë që kryeministri u thotë demokratëve “tani jemi bashkë”. E tha edhe sot në takimin në njësinë nr.5.

Fatos Lubonja shkruan sot në një analizë të vetën që publikohet nga gazeta “Panorama” se kjo është fushata më grotesket e 25 viteve të fundit. Sipas tij kulmi arrin me faktin se parti që kanë qeverisur këtë vend për një çerek shekulli sillen në fushatë si opozitare me atë që kanë gatuar po vetë. Marrëveshja Rama – Basha është sipas analistit në fjalë shkaku I krijimit të kësaj anomalie që në çdo rast sipas tij provon se këta që janë në politikë nuk dinë të bëjnë edhe aq mirë llogari.

Shqipëria dhe Maqedonia po konsumojnë javët e para pas krizave politike që angazhuan edhe faktorin ndërkombëtar për tejkalimin e mosmarrveshjeve politike. Në thelb të dyja krizat promovuan një lloj qasje të Brukselit zyrtar pro krahëve të caktuar politik dhe udhëheqësve që u atashuan si partizanë të një axhende properëndimore dhe paralajmërimeve për të mos rrëshqitur në influencën ruse. Është e njëjta prirje që shfaqi si kryeministri i Shqipërisë Edi Rama, ashtu dhe lideri socialdemokrat i Maqedonisë Zoran Zaev.

Ditët kalojnë dhe disa gjëra të reja po mësohen rreth marrëveshjes së 18 majit. Një analizë që I ka shpëtuar opinionit është fakti sesi është e mundur që Edi Rama jo vetëm bindi PS-në për lëshimin e pushtetit, por mori madje mbështetjen prej saj dhe po del në fushatë hapur me idenë e bashkëqeverisjes.

LSI-ja është një faktor dhe kjo në dritën e dështimeve spektakolare të katër viteve përmbush mirë pritmëritë e një alibie. Alibitë funksionojnë kur kalojnë nga gjysmë të vërtetat. LSI-ja ishte një pushtim I vërtetë për administratën dhe Rama këtë po thotë.

Fushata elektorale ka degraduar në atë që në fakt përfaqësoi në 4 vjet Koalicioni për Shqipërinë Europiane mes Partisë Socialiste dhe Lëvizjes Socialiste për Integrim. Një raport interesash dhe banditizmi që u shit deri para pak javësh si busulla europiane e shqiptarëve. Fytyrën e vërtetë të një qeverie me dy kokë që u mbajt në këmbë për të zhvatur deri në fund secili pjesën e vet po e zbulojnë vetë protagonistët. Sot ishte rradha e Luan Ramës të fliste për “llumin” e  qeverisjes në një debat që ka si metaforë shushunjën.

Deklarata e Luan Ramës: