rama

Kryeministri Rama ka prezantuar objektivat e 100 ditëve të para të qeverisë, duke renditur me pika 10 prioritetet për të cilat ka  kërkkuar edhe mendim nga qytetarët. Ajo që bie në sy është qasja për të vazhduar gjyqet publike për zyrtarët me biografi jo të mirë dhe ndërmarrja e aksioneve kolektive për ndotjen e mjedisit, ujin, kanabisin, informalitetin, pastrimin, sigurinë ushqimore etj.

Dalja e djeshme në Zërin e Amerikës e zyrtarit amerikan Brian Hoyt Yee u ka rikujtuar palëve në Tiranë marrëveshjen e18 majit. Atë marrëveshje ku duket tashmë se amerikanët dhe Yee vetë janë investuar dhe duan që ajo të vazhdojë. Yee ishte I qartë kur tha se:

Në kohën kur shumica  nuk ka hedhur asnjë hap për të formatuar qeverinë dhe kur ministrat e Partisë Demokratike vijojnë të jenë në kabinetin Rama, Shtetet e Bashkuara inkurajojnë vazhdimin e bashkëpunimit mes qeverisë dhe opozitës duke mos përjashtuar ospionin e përfshirjes së opozitës në qeveri.  Zv/ndihmës sekretari amerikan Hojt Yee tha për Zërin e Amerikës se i takon kryeministrit të vendosë nëse do të kërkojë ministra nga opozita.

Duke folur nga Librazhdi, Edi Rama tha se çdo punonjës i administratës duhet që ti përgjigjet qytetarëve me mirësjellje dhe t’i mbarojë punë. “Do jetë një mekanizëm me një ushtri të tërë të qeverisë për ta ndjekur një problem deri në fund. Personit do ti jepet përgjigje edhe kur nuk ka të drejtë. Në të njëjtën kohë do të merren masa për të gjithë shkaktarët e kësaj torture. Shkeljet i bëjnë ata që paguhen nga taksat tona dhe rrinë në zyrat e shtetit në pritje për të grabitur njerëz. Ne do ta bëjmë administratën që të thonë “mirëmëngjes”, “mirëseerdhe”, “ju lutem”, “faleminderit”.

Lista e Edi Ramës në Facebook, njohur qysh ditën e dytë me disa emra si Lista e Zezë, Lista e Turpit, Lista e Hakmarrjes etj., ka shërbyer si mundësi që Sali Berisha – ish kryeministër i vendit të provojë letërsinë fiction në rrjetet sociale. Berisha ofron shpjegimin e vet për listën që është:

Lulzim Bashës po i bie çatia e shtëpisë e megjithatë vazhdon të bëjë sikur nuk ka ndodhur gjë, duke bërë opozitarin e thekur përpara një audience që është duke parë se si e trajtoi dhe e trajton personazhi në fjalë demokracinë dhe besimin e njerëzve. Në rolin e një opozitari që ka dalë i zhdëpur nga një testim mbarëpopullor siç ishte vota e 25 qershorit, Lulzim Basha po u flet shqiptarëve për moral dhe qëndresë përballë një shumice të kapur nga krimi dhe droga.  

Katër vjet ikën me një bilanc të madh dështimesh të qeverisë PS-LSI, e megjithatë mungesa e alternativës la në pushtet formacionin që drejton Edi Rama. Tashmë që populli i dha atë që dëshironte, timonin i vetëm, kryeministri po shpalos platformën e një përgjegjësie të përbashkët që sipas tij është një raport i ndërsjelltë mes shërbimeve që ofron shteti dhe kulturës shtetdashëse të qytetarëve.

Socialistët erdhën në pushtet në vitin 2013 për shumë faktorë që lidheshin me qeverinë e Sali Berishës, por edhe me disa koniunktura ndërkombëtare. Pak përpara se të zhvilloheshin zgjedhjet parlamentare, në nëntor të vitit 2013, në Tiranë erdhi ish-sekretarja amerikane Clinton, e cila i rezervoi një mundësi takimi Ramës në hollin e një hoteli. Ky ishte një mesazh jo pa rëndësi.

Kryeministri Edi Rama gjatë fjalës së mbajtur në Kongresin Botëror të Naftës ka ftuar investitorët të shohim me shumë përparësi e seriozitet vendin tonë, duke e cilësuar atë fronin e ri të naftës. “Më lini t’u them se ne jemi të ulur në një prej fushatave të naftës më të mëdha në Evropë me 220 milionë fuçi nate të vërtetuara në rezerva nafte, 6.5 milionë fuçi në vit prodhim, kemi rritje të prodhimit të naftës dhe të kapacitetit të rafinimit. Jemi në skenarët e ristrukturimit të kompaninë shtetërore.

Edi Rama ka folur për herë të parë rreth planeve të tij për mandatin e ri katërvjeçar. Sa i takon ekonomisë ai e bëri të qartë se nuk do të ketë asnjë lehtësism taksash dhe se fokusi i punës do të jenë disa akse rrugore dhe programi i rilindjes rurale, për të cilin kryeministri nuk dha detaje nëse lidhet me rimëkëmbjen e bujqësisë apo të infrastrukturës.