presidenti

Kërkesa e Presidentit të Republikës, Bujar Nishani, drejtuar Gjykatës Kushtetuese, për interpretimin e nenit 98, pika 1 të Kushtetutës për dekretimin e dy ministrave, duket se ka brenda natyrë spekuluese dhe bazohet në sofizëm.

Ministri i Drejtësisë, Ylli Manjani, një ndër juristët e mirë që ka mazhoranca dhe Parlamenti, mendon se President i Republikës është në afatin e tij kushtetues lidhur me dekretimin e dy ministrave të rinj, Ahmetaj dhe Ikonomi. Duke folur në emisionin “45 minuta” në “Report Tv”, Manjani u shpreh se: “Nuk ka një mosdekretim. Ka një ushtrim të kompetencave kushtetuese nga ana e Presidentit. Ashtu siç ka dhe një ushtrim të përgjegjësive kushtetuese nga ana e Kryeministrit, i cili ka për detyrë substanciale marrjen me detyrat e qeverisjes dhe të përbërjes së qeverisë.

Presidenti i Republikës, Bujar Nishani, i deklaruar publikisht si antikomunist dhe antienverist, i ka akorduar prof.dr. Alfred Uçit, titullin “Kalorës i urdhrit të Skënderbeut". Ky është një titull që jepet për kontribute të veçanta për shoqërinë shqiptare. Uçi ka një karrierë të gjatë akademike dhe studimore që janë konkretizuar në disa punime të botuara që herët. Ai ka qenë edhe drejtues në disa institucione si drejtor i Institutit të Kulturës Popullore në vitet 1979-1987, kryetar i Komitetit të Kulturës dhe Arteve në vitet 1987-1990.  

Presidenti i Republikës ka deklaruar se do të çojë në Gjyaktën Kushtetuese ligjin e ri të pronave. Kjo iniciativë e kreut të shtetit vjen dy ditë pasi Kuvendi rrëzoi dekretin e tij për rishqyrtim të ligjit. Shumica nuk i ndryshoi asnjë nen ligjit në fjalë që është debatuar shumë që nga propozimi i tij.

Presidenti i Republikës, Bujar Nishani, ka kthyer për rishqyrtim ligjin e ri të pronave. Arsyetimi për këtë vendim është se ligji i ri bie ndesh me përcaktimet e Konventës së të Drejtave të Njeriut si dhe për faktin se skema e parashikuar për dosjet e patrajtuara është jo kushtetese. Ligji do të duhet të rikalojë në procedurat parlamentare, por kthimi nga Presidenti u bën jehonë edhe kërkesave të pronarëve që e kanë cilësuar ligjin krejt të padrejtë dhe që e ndërlikon më shumë çështjen e pronës në vend ta zgjidhë siç pretendon qeveria.

Pas dekorimit të turpshëm që Ministri e Mbrojtjes u bëri disa ish-zyrtarëve të lartë të Sigurimit të Shtetit dhe hetuesisë së kohës së Diktaturës, vjen reagimi nga Presidenca. Natyrisht i ndërmjetësuar nga disa ditë propagandë nga opozita e cila në 25 vite tranzicion ka qenë 13 vjet në pushtet. Çfarë ka bërë presidenti Bujar Nishani? Ka vizituar mjediset e ish-burgut të Spaçit, ku thuhet se qenka prekur; ka mbajtur një fjalë dhe...ka shprehur edhe njëherë pasionin e vet të dekorimeve.

Donald Trump në fillim i çudiste të gjithë, kurse tani, po i shqetëson. Kryesimi në sondazhet e fundit kanë ngritur tensionet dhe preokupimin brenda republikanëve që dokumentohet nga mediat amerikane përmes një Memoje të adresuar nga Drejtori Ekzekutiv Senatorial Kombëtar i Partisë Republikane, Ward Baker. Ky i fundit e krahason kandidatin Trump, i cili mund të nominohet, nisur nga të dhënat e publikut, me  Wendell Willkie në vitin 1940. “Dhe të dy kanë shumë të përbashkëta”, shkruan Baker, duke cilësuar se “të dya ishin fytyra të ndryshme që vinin nga jashtë.

Sali Berisha shkruan sot se kryeministri i vendit, Edi Rama, është përpjekur të korruptojë me një dosje pronësie, presidentin Bujar Nishani. Lajmësi i kësaj oferte ka qenë sipas Berishës, Engjëll Agaçe, sekretar i Përgjithshëm i Kryeministrisë. Dështimi i kësaj përpjekjeje, që qenka denoncuar nga Nishani në organet përkatëse, është bërë shkak sipas Berishës që Edi Rama të bojkotojë pritjen e Presidentit me rastin e festës kombëtare.

Disa media raportojnë për një fakt në dukje i parëndësishëm por që flet shumë. “Presidenti është parë duke kaluar me eskortën e tij në rrugën pedonale të Liqenit Artificial në kryeqytet. Në këtë rrugë nuk lejohen automjetet, por Presidenti ka bërë përjashtim. Rruga në fjalë ku ecin vetëm kalimtarët apo edhe biçikletat, ka pasur edhe makina. Fotot janë shpërndarë në rrjetet sociale këtë të diel. Gjithçka ka ndodhur me sa duket për shkak të kalimit të Presidentit nga Pallati i Brigadave tek varrezat britanike.

Kreu i organit të Akuzës, Adriatik Llalla, ka dërguar në Preisdencë për dekretim, emrin e 9 kandidatëve për prokuror. Janë oficerë të Policisë Gjyqësore, të cilët kanë kaluar testimin e që pas shpalljes së vendeve vakante në prokuroritë e rretheve Dibër, Sarandë, Mat, Pukë, Tropojë, Kurbin, Gjirokastër, Kukës dhe Krujë, pretendojnë emërimin. Testimi dhe rezultatet e tij ishin kriteri i shpalljes së numrit të vendeve për emërim, pasi siç raportohet, ka nevojë për më shumë prokuroirë.