Të dielën lajm është Presidenti: kalon me makina dhe eskortë në pedonalen e Liqenit Artificial
Disa media raportojnë për një fakt në dukje i parëndësishëm por që flet shumë. “Presidenti është parë duke kaluar me eskortën e tij në rrugën pedonale të Liqenit Artificial në kryeqytet. Në këtë rrugë nuk lejohen automjetet, por Presidenti ka bërë përjashtim. Rruga në fjalë ku ecin vetëm kalimtarët apo edhe biçikletat, ka pasur edhe makina. Fotot janë shpërndarë në rrjetet sociale këtë të diel. Gjithçka ka ndodhur me sa duket për shkak të kalimit të Presidentit nga Pallati i Brigadave tek varrezat britanike. Ndërkohë që ambasadorët dhe të ftuarit e tjerë ecnin me këmbë, Nishani ecte me eskortën e tij të zhurmshme mes qytetarëve”, shkruan “Dita”. Një sjellje që lë shije të hidhur, ndonëse përgjigjet justifikuese të personit që është sot President me siguri nuk mungojnë, Jo siguria, jo protokolli etj.. Pa folur këtu për ndonjë përgjënjeshtrim si në rastin e heqjes së bustit të Skënderbeut gjatë vizitës së Erdogan, për të cilin Presidenti u shpreh pak a shumë se: ai bust ishte në kuzhinë, apo në sallën e ngrënies.
Comments
U bete per turp Respublica.
U bete per turp Respublica. Nje koment (aspak fyes) nuk mundeni te publikoni.
Cili koment, sepse mundet
Cili koment, sepse mundet edhe te jete fshire pa dashje? Mund ta ridergoni nese deshironi!
Add new comment