maqedonia

Dihet mirëfilli se trevat lindore shqiptare (Maqedonia Perëndimore e sotme) gjatë Luftës së Dytë Botërore nuk e mbështetën lëvizjen komuniste në përgjithësi, veçmas atë jugosllave, në kuadër të së cilës ishte edhe ajo maqedonase. Burimet arkivore hedhin dritë se deri në vitin 1943 në këto treva pati gjithsej 6 komunistë shqiptarë, edhe atë 2 në Dibër, 1 në Kërçovë, 1 në Tetovë dhe 2 në Kumanovë.

Komisioni Parlamentar për Marrëdhëniet me Jashtë ka thirrur sot në një seancë dëgjimore përfaqësues të Ministrisë së Punëve të Jashtme. Ata janë pyetur nga deputetët për situatën në rajon, në dritën e zhvillimeve të reja dhe të vlerësimeve të shumta për ndërhyrje nga Rusia.

Mungesa e zgjidhjes së krizës dhe paaftësia për të krijuar qeveri, i ka dhënë kohë ish-kryeministri maqedonas, Nikolla Gruevski që të dalë me një propozim të ri faktorizues për të. Gjatë një interviste për televizionin “Kanal 5”, ai ka bërë të ditur se partia e tij, VMRO-DPMNE do të propozojë brenda javës që vjen një dokument të ri për daljen nga kriza.

Pikëpyetjet për të ardhmen e Maqedonisë shtohen për sa kohë kriza e thellë politike nuk po merr zgjidhje, pavarësisht presionit të madh ndërkombëtar kryesisht nga BE dhe SHBA. Skenari më paqësor do të ishin zgjedhjet e parakohshme, variant që nuk parashtrohet në analizat si të mediave apo dhe zyrtarëve dhe ish-zyrtarëve që e njohin mirë rajonin dhe çështjen në fjalë.  Kështu The Economist flet për një impenjim të ndërkombëtarëve dhe skenarave të luftës që artikulojnë mediat serbe, duke theksuar se rëndësia gjeopolitike është kthyer në rajon.

Komuniteti ndërkombëtar duket se nuk po i përgjigjet apelit të Shkupit zyrtar për dënimin si të dëmshme dhe destabilizuese të platformës së përbashkët të partive shqiptare, njohur edhe si Platforma e Tiranës. 

Në një takim mes presidentit maqedonas Ivanov dhe sekretarit të Përgjithshëm të OSBE-së, Lamberto Zanier, përcjellë nga presidenca maqedonase, ky i fundit citohet të jetë shprehur vetëm për pjesën që liderët rajonalë duhet të ndalin retorikën dëmtuese, por pa shkuar më tej në qëndrime për dokumentin e sipërcituar.

Ministri i Jashtëm, grek Nikos Kotzias kërkoi nga disa vende të BE-së të mos tolerojnë mungesën e demokracisë në vende si Shqipëria dhe Maqedonia, të cilat sipas tij kanë probleme të mëdha me funksionimin e demokracisë. Shefi i diplomacisë greke i ngriti këto shqetësime në tryezën e ministrave të Jshtëm të BE-së që u mbajt në Bruksel. "Disa mendojnë se duhet t'i lehtësojmë këto vende dhe t'u bëjmë lëshime apo kompromise që t'u pëlqejmë. Megjithatë, problemi nuk është ky.

Gjermania, një vend që ka angazhim të posaçëm për stabilitetin e Maqedonisë, ka kritikuar vendimin e presidentit të këtij vendi, George Ivanov, për të refuzuar mandatimin e Zoran Zaev.

“Acarimi i gjendjes në ish-Republikën Jugosllave të Maqedonisë është shumë shqetësues. Tendosjet e brendshme politike po cënojnë që ta largojnë edhe më shumë këtë vend nga rruga e anëtarësimit në Bashkimin Evropian", deklaroi ministri i Jashtëm gjerman Sigmar Gabriel gjatë një vizite në Ukrainë, raporton "Deutsche Welle". 

Ministria e Jashtme ruse, në një deklaratë për shtyp i bën thirrje perëndimit për t'i dhënë fund ndërhyrjeve  në punët e brendshme të Maqedonisë. Në mënyrë të veçantë, ministria e jashtme ruse thotë se "kriza politike në Maqedoni është shkaktuar nga ndërhyrjet brutale në punët e brendshme të këtij vendi ".

Një pjesë e politikës dhe opinionit maqedonas po konsolidojnë mendimin se kriza e tanishme është provokuar nga ndërhyrja me sens nacionalist e kryeministrit të Shqipërisë, Edi Rama. NDonëse sot ka shkruar diçka në Facebook edhe presidenti I Kosovës, Hashim Thaçi, kryeministri në detyrë i Maqedonisë, Emil Dimitriev, ka preferuar ta kërkojë problemin e krijuar nga një platform maksimaliste tek Edi Rama.

Në krizën maqedonase ka hedhur një vështrim edhe Serbia. Në Maqedoni ka një parti të pakicës serbe, kryetari i së cilës është  Ivan Stoilkoviç i cili dje i ka dhënë një intervistë gazetës serbe “Informer”. Intervista ka njëfarë interesi pasi ajo duket se shkon në shtratin e përpjekjeve sintetizuese që synojnë amplifikimin e rrezikut shqiptar në Ballkan dhe rolin e nacionalizmit shqiptar si dorë e zgjatur e Perëndimit.