kqz

Oficerë të Prokurorisë do të sekuestrojnë dokumentacionin e Komisionin Qëndror të Zgjedhjeve, lidhur me rastin e deputetit Armando Prenga. Ndaj KQZ-së Prokuroria ka hapur një procedim penal pasi konsideron se Komisioni Qëndror i Zgjedhjeve nuk ka vepruar sipas ligjit në rastin e deputetit socialist, i cili sipas saj duhej kallzuar penalisht pasi në formularin e dekriminalizimit nuk kishte deklaruar një vendim të formës së prerë të marrë brenda territorit të Republikës së Shqipërisë.

Armando Prenga, votën e të cilit Partia Socialiste e përdori edhe pas problemeve me drejtësinë që e shpalli të pafajshem për plagosjen me armë në komisariatin e Kurbinit, do t'i hiqet mandati i deputetit. Në një dokument të publikuar nga prokuroria e Përgjithshme thuhet se deputeti socialist i Kurbinit, ka qenë i dënuar në Itali për vjedhje dhe në Shqipëri me gjobë për falsifikim dokumentash. Paralelisht me kërkesën për heqjen e mandatit të deputetit Prenga, Prokuroria ka njoftuar se ka regjistruar procedim penal për shkelje ligjore nga ana e Komisionit Qendror të Zgjedhjeve.

Kreu i Komisionit Qendror të Zgjedhjeve Denar Biba ka deklaruar thuajse të pamundur realizimin e votimit elektronik për zgjedhjet e qershorit 2017. Gjatë nënshkrimit të një memorandumi me Shoqatën Botërore të Organeve Zgjedhore pikërisht për këtë qëllim Biba tha ndër të tjera:

Debati më i nxehtë politik i momentit është ai për reformën zgjedhore për të cilin opozita ka vendosur si kusht votimin dhe numërimin elektronik. Në një parashtrim lidhur me këtë çështje kryeministri Rama ka sqaruar pse kërkesa e opozitës është praktikisht e pamundur dhe një alibi për humbjen në zgjedhje sipas tij.

Zbatimi I ligjit për dekriminalizimin paraqet vështirësi serioze në përmbushjen e afateve. Të paktën këtë ka deklaruar sot gjatë një tryeze me përfaqësues të shoqërisë civile, kreu I Komisionit Qendror të Zgjedhjeve, Denar Biba.

“Ne do të ndodhemi përpara një problemi shumë të madh objektiv, kohor për të kaluar në sitë afërsisht 7 mijë kandidatë. Dhe nëse kjo do të ndodhë paraprakisht, do dal dhe në batuta të tilla se zor do të kemi konstituim të parlamentit se ne nuk mund të arrijmë të çertifikojmë dot 7 mijë të tillë”, tha ai.

Lëvizja Socialiste për Integrim ka paraqitur sot përmes kreut të Grupit Parlamentar, Petrit Vasili, 7 amendamente për Kodin Zgjedhor. Përveç propozimeve për rritjen e sanksioneve, deri në sanksione penale për fotografimin e votës, apo blerjen e saj, rëndësi kanë tri propozime të tjera. Partia e Ilir Metës ka propozuar lista të hapura për caktimin e kandidatëve për deputetë, duke parashtruar këtë argumentim: 

Kryetari i Bashkisë së Kavajës, që zyrtarisht njihet me emrin Elvis Roshi, nuk do të jetë më në këtë detyrë. Edhe deputeti i LSI-së, Shkëlqim Selami po ashtu nuk do të jetë më deputet. Bashkë me këta është edhe Dashamir Tahiri I PDIU-së. Vendimin për t’i zhveshur këta të zgjedhur të popullit nga mandati përfaqësues e ka marrë Komisioni Qendror i Zgjedhjeve i cili me votë unanime ka vendosur të aktualizojë efektet e ligjit për dekriminalizimin për Roshin dhe Selamin. Për Tahirin, 3 anëtarë të KQZ-së kanë votuar kundër. 

Komisioni Qëndror i Zgjedhjeve u vu këtë të mërkurë përballë fakteve të Prokurorisë për kryebashkiakun e Kavajës, Elvis Rroshi, dhe deputetët Shkëlqim Selami dhe Dashamir Tahiri, të cilët organi i akuzës i ka klasifikuar si subjekte të ligjit të dekriminalizimit, pasi janë ndaluar apo dënuar nga gjykatat e huaja për vepra të ndryshme penale.

Këta të fundit nuk i kanë pasqyruar dënimet në fomularin e dekriminalizimit, çka detyroi Komisionin Qëndror të Zgjedhjeve të kërkojë verifikimin e Prokurorisë.

Duke i referuar nëj publikimi në media, Partia Demokratike ka denoncuar deputetin e LSI-së, Shkëlqim Selami se ka fshehur në formularin e dekriminalizimit, një dënim për trafik qëniesh njerëzore në Itali.

Shkelqim Selami, i cili ki cili ka fshehur të dhënat dhe nuk ka deklaruar një dënim në Itali për trafik qëniesh njerëzore, tregon edhe një herë pse Edi Rama nuk e do dekriminalizimin, e pengon atë, dhe nuk është i gatshëm ta zbatojnë- tha Enkelejd Alibeaj nga selia e PD-së.

Partia Demokratike ka hapur procesin e verifikimit të shpërndarjes së popullsisë pas ndarjes së re territorial, në kudër të mandate për çdo zonë zgjedhore në votimet e ardhshme.

“Shekulli” raporton se PD-ja ka kërkuar zyrtarisht nga Komisioni Qendror i Zgjedhjeve informacion të qartë për lëvizjet demografike, kërkesë e cila u miratua 5:2 nga Komisioni. Informacioni do të duhet të paraqesë lëvizjet nga njëri qark në tjetrin, por edhe ndryshimin e njësive administrative për shkak të reformës territoriale.