kina

Pa mbaruar problemet me Europën dhe daljen nga Marrëveshja e Parisit për klimën, SHBA kanë hapur një tjetër front eventual, kësaj radhe më delikat. Gjatë një konference për sigurinë në Singapor, sekretari amerikan i Mbrojtjes, James Mattis, deklaroi se zhvillimet e fundit në ishujt e detit të Kinës Jugore provokojnë ndryshime të njëanshme të status quosë, të cilat SHBA nuk do t’i pranojë.

Kina dhe Bashkimi Evropian premtojnë unitet në luftën kundër ndryshimeve klimatike, një ditë pasi presidenti Donald Trump njoftoi tërheqjen amerikane nga marrëveshja klimatike Parisit. Kryeministri kinez dhe zyrtarë të lartë evropianë firmosën një deklaratë të përbashkët me mbështetjen e të gjitha shteteve anëtare të BE-së, sipas të cilit BE-ja dhe Kina angazhohen për zbatimin e plotë të Marrëveshjes së Parisit  për Klimën.

Gazeta "New York Times" thotw se brenda dy vitesh janë arrestuar apo vrarë 20 "burime" të informacioneve amerikane nw Kinw. (NYT) i referohet në artikullin e saj shumë burimeve nga qeveria e tanishme amerikane. Sipas këtyre burimeve, prej vitit 2010 deri në 2012 janë arrestuar rreth 20 bashkëpunëtorë të CIA-s në Kinë. Mendohet se 12 prej tyre janë vrarë. Ndërsa një informant është pushkatuar madje para kolegëve të tij, siç duket, si një lloj paralajmërimi për aktivitetet e tij të spiunimit në favor të SHBA.

Projekti gjigand që po tenton Kina përmes Rrugës së Mëndafshit, një nismë e shpallur nga presidenti kinez Ji Xiping që prej vitit 2013 bazohet në një program të madh kreditimi që do të financojë porte, rrugë dhe linja hekurudhore.  

Bashkimi Europian ka refuzuar ofertën e Pekinit zyrtar për atë që quhet si revolucioni global infrastrukturor. Sipas vendeve anëtare oferta miliardëshe e Kinës nuk merr parasysh problemet e mjedisit dhe ato sociale dhe se ajo nuk ka transparencë. Gazeta britanike “The Guardian” citon një diplomat të lartë të BE-së të jetë shprehur se BE-ja e miraton këtë projekt dhe mendon se ai do të ketë sukses vetëm nëse bazohet në transparencë, partneritet.

Në Kinë çeli punimet samiti i nismës, “Një brez një rrugë”, ku marrin pjesë udhëheqës dhe përfaqësues nga 29 vende të botës. Duke theksuar se ekonomia globale ka nevojë për nisma të reja dhe protagonistë të rinj, Presidenti kinez, Xi Jingpin  deklaroi se qeveria kineze do të vërë në dispozicion të kësaj iniciative ambicioze 124 miliardë dollarë. Sipas tij kjo nismë mund të hapë rrugët për prosperitet dhe paqe në mbarë botën.

Rajoni Autonom Ujgur i Xinjiang ndodhet në Kinën veriperëndimore dhe në të banojnë 22 milionë banorë. Në përmasa thuajse sa gjysma e Indisë rajoni është kryqëzim historik dhe ka kufi të përbashkët me Afganistanin, Kazakistanin, Kirgizinë, Mongolinë, Rusinë dhe Taxhikistanin. Aty banojnë edhe 10 milionë ujgurë që përbëjnë gjysmën e 22 milionë myslimanëve të Kinës. Pasuria historike mund të shihet në larminë e veshjeve, te njerëzit, ndërkohë që problemet politike me Kinën janë serioze.

Presidenti amerikan Donald Trump i ka dhënë një intervistë agjencisë “Reuters” në kuadër të 100 ditëve të para të tij në Shtëpinë e Bardhë. Çështja kryesore është Kore e Veriut. Për presidentin amerikan, mundësitë për një konflikt të madh me Phenianin jashtë reale.

Administrata amerikane e Donald Trump është e përgatitur edhe për ndërhyrje ushtarake ndaj Koresë së Veriut, nëse një gjë e tillë është e nevojshme. Këshilltari për Sigurinë Kombëtare i Presidentit, gjenerali H.R. McMaster, deklaroi sot se SHBA shpresojnë që të mos kalohet në përdorimin e forcës, por nëse do të nevojitet SHBA nuk do të hezitojnë.

Kina ka bërë thirrje që tensioni lidhur me Korenë e Veriut të ndalet përpara se situata të arrijë në një fazë të pamenaxhueshme. Agjencia “Reuters” shkruan se shqetësimet për lëvizjet dhe seriozitetin e administratës amerikane janë rritur që nga goditja që u ndërmor në Siri, ku pas një sulmi me armë kimike, SHBA-të qëlluan mbi një bazë ajrore siriane. Po kështu përdorimi në Afganistan i bombës më të madhe jobërthamore nga SHBA i jep zë tjetër angazimit amerikan që është konkret në rastin e Koresë së Veriut me dislokimin e një flote ushtarake pranë këtij vendi.