bota

Shkencëtari që zbuloi ebolën katër dekada më parë paralajmëron njerëzimin se mund të përballet me shumë viruse të reja dhe potencialisht fatale që dalin nga pyjet tropikale afrikane. Kësaj i shtohet rasti i një gruaje që shfaqi simptoma të etheve hemorragjike në një qytet të largët në Republikën Demokratike të Kongos.

Mbi 200 punonjës të Google janë angazhuar në krijimin e një sindikate, një hap ky historik për një kompani të madhe teknologjike. Unioni i Punëtorëve të Alphabet, kjo e fundit kompania mëmë e Google, ka mbështetjen e Punëtorëve të Komunikimit të Amerikës.

Nëngrupe më të vogla punëtorësh të Google - punëtorët e kafeterisë në Bay Area dhe kontraktorët në Pittsburgh - janë bashkuar më parë, kjo shënon përpjekjen e parë për të krijuar një sindikatë për mbarë kompaninë.

Komisioni Europian njoftoi sot se do t’i akordojë Bosnje-Hercegovinës një fond prej 3.5 milionë euro në formën e ndihmës humanitare për emrigrantët, të cilët po jetojnë në kushte të vështira pas zjarrit që ra në kampin e tyre. Brukseli bëri të ditur se fondi do t’u vijë në ndihmë emigrantëve që po përballen me fatkeqësinë humanitare.

Paratë do të shkojnë për veshje, batanije, ushqim dhe mbështetje psikologjike. Kampi Lipa, në kantonin Una Sana, u dogj në 23 dhjetor dhe për pasojë u mbyll. Ai ka shërbyer si qendër e përkohshme për emigrantët gjatë muajve të pandemisë.

Bashkimi Evropian dhe Kina kanë arritur sot një marrëveshje investimi që do t'u japë kompanive Evropiane më shumë akses në tregjet kineze dhe do të ndihmojë në korrigjimin e atyre që Evropa i sheh si lidhje ekonomike të paekuilibruara. Marrëveshja ka qenë në diskutim për shtatë vjet dhe ka të ngjarë të marrë të paktën një vit për të hyrë në fuqi. Ajo shihet si një marrëdhënie e re me Kinën, të cilën BE e sheh njëkohësisht si partner, por edhe si rival sistemik.

Një infermier në Kaliforni doli pozitiv për COVID-19 një javë pasi iu injektua vaksina e Pfizer Inc.

Matthew W., 45 vjeç, u vaksinua më 18 dhjetor. Ai ka rrëfyer në profilin e tij se përveçse pak dhimbjeje në krah për shkak të injeksionit, nuk ka pasur efekte anësore.

Gjashtë ditë më vonë në prag të Krishtlindjes, ai u sëmur pasi punoi në një turn në njësinë COVID-19. Simptomat e para ishin: ethe, dhimbje muskulore dhe lodhje.

Testi në spital e nxori pozitiv për COVID-19 një ditë pas Krishtlindjes.

Ndërsa Brexit është bërë zyrtarisht realitet, shkencëtarët kanë zbuluar prova të ndarjes origjinale të Britanisë nga Evropa kontinentale. Pothuajse gjysmë milioni vjet më parë, sipas të dhënave të reja, papritmas u krijua kaskadë në brezin e ngushtë të tokës që bashkonte Anglinë dhe Francën.

Studiuesit tregojnë se, si rezultat, kjo kreshtë - një digë natyrore që ndau Detin e Veriut nga Kanali Anglez – u kthye në çarje katastrofike qindra mijëra vjet më vonë në një proces me dy faza, duke e ndarë përfundimisht Britaninë. Rezultati si studimit raportohet në “Nature Communications”.

Qëkur anëtarëve të Kongresit u është ofruar vaksina, në SHBA është hapur debati nëse nëse politikanët e meritojnë injeksionin para zgjedhësve të tyre, veçanërisht mjekëve dhe infermierëve që janë në vijën e parë të frontit.

Vaksina u vu në dipozicion të Kongresit rreth një javë para Krishtlindjes, pasi Këshilli i Sigurimit Kombëtar njoftoi që Kongresit do t'i jepen doza të vaksinës për të mbrojtur "vazhdimësinë e operacioneve qeveritare".

Svilengradi është një qytet i vogël bullgar me rreth 18 000 banorë, në kufi me Turqinë. Është i njohur në mënyrë të veçantë për dy elementë: kazinotë dhe zakonet. Dhe si shumë qytete të tjerë të vegjël në Evropën Qendrore dhe Lindore, për shkak të emigrimit, Svilengradi i ka humbur shumë prej qytetarëve të tij përgjatë dekadave të fundit. Megjithatë, këtë pranverë, ndodhi diçka krejt e papritur: pati një bum të popullsisë. "Ata janë kthyer prej gjithandej, kryesisht nga Evropa Perëndimore", thotë Anastas Karchev, kryebashkiaku i Svilengradit, në një bisedë telefonike në nëntor.

Pompei vazhdon të mahnisë botën me ato që dalin nga rrënojat e tij. Në gërmimet e reja që kanë rinisur për mirëmbajtjen dhe restaurimin e zonës Regio V ka dalë në sipërfaqe një termopol i ruajtur në mënyrë të përkryer. Mbi të është imazhi i një nimfe dhe kafshëve me ngjyra të ndritshme dhe të gjalla, saqë duken pothuajse tre-dimensionale.

Për momentin, nuk ka asnjë provë që varianti i virusit i ri i Sars-CoV-2 mund të kompromentojë efikasitetin e vaksinave dhe besueshmërinë e diagnostikimit përmes testeve. Sidoqoftë, kontrolli në vende të ndryshme duhet të jetë shumë i rreptë.