Blloku Bota

Zëvendës Kryeministri I Serbisë, Aleksandër Vulin, deklaron se në cilësinë e ministrit të Brendshëm dhe shefit të shërbimit sekret, ai ka përpiluar dhe mbikëqyrur lista të njerëzve të padëshiruar për Serbinë.

E kam bërë këtë në përputhje me ligjin dhe ndërgjegjen time. Do të doja të isha më rigoroz në përpjekjet e mia për shkak se shoh sesa shumë plehra janë lënë padrejtësisht jashtë. Aleksander Vuçiç nuk është pyetur për këtë listë dhe as duhej të pyetej

citohet ai.

Ministri i Mbrojtjes së Letonisë mendon se që nga viti 2028, në vend duhet të bëhet i detyrueshëm edhe mobilizimi ushtarak i femrave.

Drejt një mbojtjeje kombëtare përfshirëse, unë mbështes rekrutimin e detyrueshëm femrave në shërbimin e mbrojtjes kombëtare. 2028 do të ishte optimale si kohë për ta nisur

citohet Andris Spruds të jetë shprehur në rrjetin “X”.

Entet rregullatore të Francës dhe Hollandës kanë njoftuar gjobitjen me 290 milionë euro të kompanisë “Uber” për shkak të shkeljes së privatësisë së drejtuesve. Sipas rregullatorëve, "Uber" nuk arrit të mbronte siç duhet “informacionin sensitiv” dhe dërgoi të dhënat në servera në SHBA. Të dhënat përfshijnë hollësi të llogarive, liçenca taksish, të dhëna vendndodhjeje, foto, hollësi pagesah, dokumente identiteti dhe në disa raste edhe të dhëna kriminalistike dhe mjekësore të shoferëve.

Shërbimi rus i zbulimit të jashtëm, SVR, deklaron se SHBA po përgatit një revolucion në Gjeorgji për të parandaluar fitoren e zgjedhjeve nga Ëndrra Gjoergjiane – Gjeorgjia Demokratike në muajin tetor.

Në maidanin e Tbilisit ata planifikojnë të publikojnë “evidenca të fallsifikimeve” në zgjedhje, do të njoftojnë mosnjohjen e zgjedhjeve dhe do të kërkojnë ndryshimin e pushtetit. Agjencitë ligjzbatuese do të provokohen të shtypin me forcë protestën

citon agjencia “TASS”, shërbimin rus.

Trump ka nisur të alarmojë botën sërish. Ose më saktë një pjesë të elitës së saj perëndimore. Ndonëse u provua njëherë si president i SHBA, ndonëse u gjykua për 6 janarin, Donald Trump cilësohet si njeriu që kërcënon demokracinë siç e njohim. Në një shkrim të gjatë, revista gjermane “Spiegel” e vendos Trump në një rrafsh dukurie politike me Marie Le Pen, presidentin argjentinas Javier Milei, kryeministrin Indian, Narendra Modi apo kreun e AFD, të gjithë nën okelion kryesore: foton e Adolf Hitlerit.

Ish-ambasadori serb në SHBA, Ivan Vujaçiç, ka komentuar vizitën rajonale të shefit të CIA-s, Willim Burns si të lidhur me frenimin e çdo aksioni destabilizues. Sipas tij, efektiviteti i vizitës do parë te tërheqja e Milorad Dodik nga deklarimet për ndarjen e Bosnje-Hercegovinës, ndërkohë që praninë e tij në Beograd, Vujaçiç e ka lidhur me qartësimin mbi pasojat e çdo aksioni që destabilizon Bosnjen dhe Kosovën, çka qartësohet më së miri me mesazhi që sipas tij i është dorëzuar Kurtit: çdo veprim i njëanshëm do të ndikojë negativisht mbi qëndrimin e SHBA dhe BE-së ndaj Kosovës.

Autoritetet franceze kanë vënë në arrest drejtorin ekzekutiv të rrjeti “Telegram” Pavel Durov. Ai është ndaluar në aeroportin Le Bourget në Paris nën një urdhër që lidhet me rrjetin që ai drejton.

Durov po udhëtonte nga Azerbajxhani me avionin e tij privat dhe në zbritje është ndaluar nga hetues të Zyrës Kombëtarë Kundër Mashtrimit që janë pjesë e Doganave franceze.

Rusia ktheu 115 ushtarakë të kapur nga Ukraina në drejtim të Kurskut, bëri të ditur Ministria ruse e Mbrojtjes.

"Më 24 gusht, si rezultat i procesit të negociatave, 115 ushtarakë të kapur në rajonin e Kurskut u kthyen nga territori i kontrolluar nga regjimi i Kievit. 115 ushtarakë ukrainas u dorëzuan në këmbim," tha ministria.

Për arritjen e marrëveshjes së shkëmbimit të ushtarakëve kanë ndërmjetësuar Emiratet e Bashkuara Arabe.

Ambasadori gjerman në Kosovë, Jorn Rohde, ka përsëritur qëndrimin e shtetit gjerman për hapjen e Urës mbi lumin Ibër në Mitrovicë. Rohde ka thënë se situata aktuale e sigurisë nuk është në favor të hapjes së kësaj ure, ani pse ka një marrëveshje të arritur kohë më parë për këtë. Ai po ashtu ka thënë se ka rrezik për tensione, nëse ura hapet.

Partia në pushtet në Gjeorgji mund të nxjerrë jashtë ligjit të paktën gjashtë parti nëse fiton zgjedhjet e radhës. Kryeministri Irakli Kobakhidze njoftoi se qeveria do të ndalojë disa parti kundërshtare pas zgjedhjeve të tetorit.

Lëvizja vjen pak ditë pasi partia në pushtet "Ëndrra Gjeorgjiane" kërcënoi se do të shpërndante grupimin më të madh të opozitës në Parlament, "Lëvizjen e Bashkuar Kombëtare" (UNM) e cila u themelua nga ish-presidenti gjeorgjian Mikheil Saakashvili.