Blloku Bota

E djathta në Gjermani kërkon dëmshpërblim nga Ukraina për shkatërrimin e tubacioneve të gazsjellësit Nord Stream. Deputetja e Bundestagut, Alice Weidel, nga Partia Alternativa për Gjermaninë (AfD), këmbëngul që Kievi duhet të paguajë kompensim për dëmin e bërë.

Sulmi ndaj gazsjellësit Nord Stream ka sipas Rusisë më shumë sesa dorën e Ukrainës. Ndërsa Gjermania ka shpallur në kërkim një ukrainas si autorin e dyshuar të shpërthimit nënujor të tubacionit, Kremlini mendon se kaq nuk mjafton. Në një koment për të përditshmen Izvestia, ministri i Jashtëm rus, Sergei Lavrov, flet për një komplot shumë më të madh.

E vetmja protestë e suksesshme në Shqipëri pas vitit 2013, ishte ajo kundër armëve kimike. Iste dhe mbetet një protestë të cilën askush nuk e di kush e organizoi saktësisht, si u amplifikua ashtu dhe mandej rezultati. Sot Serbia ka identikisht të njëjtin problem. Miniera e Jadarit ku britanikja Rio Tinto ka marrë koncesionin e litiumit ka provokuar një reagim që sa vjen e adopton retorikë antikoloniale. E tillë është ndjesia që ka prodhuar lajmi i mirë i miliardave që do të investohen.

Presidenti bjellorus, Aleksander Lukashenko, ka paralajmëruar largimin e tij nga skena. Në një intervistë për kanalin televiziv, Rossiya-1, Lukashenko ka sqaruar se me ndryshimet kushtetuese janë kushtet e largimit.

Nuk duam ndryshime si revolucion. Jam një mbështetës i ndryshimeve evolucionare. Mendoni: 30 vjet janë shumë, me pak njerëz duke punuar për 30 vjet. Dhe njerëzit janë mësuar me të dhe askënd tjetër. Kjo është e gabuar. Po përgatis popullin për këtë, nuk dua dështime apo zhgënjime

Befas sektori universitar në Britaninë e Madhe deklaron se po hyn në krizë. Nuk ka patur lajme mbi këtë temë në mediat kryesore në anglisht: temat kryesisht janë përqendruar mbi agjendat gjinore në universitete që në Britani arritën deri aty sa të hulumtonin se edhe baleti klasik ishte denigures për njerëzit me ngjyrë dhe femrat apo homoseksualët.

Pjesë të caktuara të Atikës në Athinë rrezikojnë shkretimin. Zjarret e vazhdueshme në 30 vjet kanë cenuar procesin e rigjenerimit natyral. 

Këto janë zona që u rigjeneruan natyralisht  në 15 vitet e fundit, që do të thotë se ishin në pikën ky pylli mund të mbijetojë dhe të rigjenerohet. Në zona të tjera është kryer ripyllëzimi, proces I vështirë dhe me kosto. Tani, pas 20 orësh çdo gjë u shkatërrua

Suedia do t’ua lehtësojë kthimin në vendet e tyre emigrantëve që nuk kanë arritur të integrohen në shoqërinë suedeze. Një propozim i dorëzuar nga Ministrinë e Emigracionit parashikon që refugjatëve dhe migrantëve që kthehen t’u jepet një pagesë një herë prej 10 000 kronash suedeze (rreth 960 dollarë) për të rritur dhe 5 000 për fëmijë, plus kostot e udhëtimit, nëse ata pranojnë të largohen nga vendi.

I Dërguari i BE-së për dialogun Serbi-Kosovë, Miroslav Lajçak, ka shkruar në një postim në rrjetin “X” se deklarimet se Unioni është kundër hapjes së urës së Ibrit, janë çorientuese.

BE-ja ka theksuar vazhdimisht se çështja e urës së Mitrovicës duhet të diskutohet në dialogun e lehtësuar nga BE-ja. Hamendësimet se BE-ja është kundër hapjes së urës apo se ka ndryshuar qëndrim kanë çorientuese

citohet ai.

Ukraina ka deklaruar se kontrollon aktualisht 1152 km2 të territorit rus, ndërkohë që nga rajoni i Kurskut janë evakuuar 180 mijë persona. Siç është bërë tashmë e ditur, objektivi i inkursionit ukrainas në territorin rus lidhet me një aspekt taktik të tërheqjes së trupave ruse nga zona e Donbasit brenda territorit ukrainas, rritje e presionit mbi palën ruse në kufi, diskreditmi tashmë i realizuar i komandës dhe shërbimeve ruse të zbulimit që as kuptuan, as panë dhe as planifikuan mbrojtje efektive, për të ardhur në një negociim më efektiv për paqen apo armëpushimin.

Presidentja e Universitetit Columbia, Minouche Shafik, ka dhënë dorëheqjen pas disa muajsh kritika për mënyrën si u menaxhuan protestat e kampusit për luftën në Gaza.

Dorëheqja e saj e papritur, kur mbeten vetëm pak javë nga nisja e vitit të ri akademik, pason dorëheqjen e dy presidentëve të tjerë të Ivy League vitin e kaluar.