Blloku Bota

Stefanos Kasselakis, kreu i ri i Syrizas, po pagëzon hyrjen e vet në politikë me tre akte: së pari ai u zgjodh dhe katapultua nga Alexis Tsipras, së dyti kërkoi përjashtimin e disa anëtarëve të drejtimit të partisë dhe së treti po flet në emër të shoqërisë greke, “etjes së saj për të legalizuar martesën brenda të njëjtit seks”.

Politikani serb Nikola Sanduloviç është rrahur sot në një akt që dyshohet se ka të bëjë me qëndrimet e tij për Kosovën. Avokati i tij, Çedomir Stojkoviç dhe familjarët e vet njoftojnë se ai është mbajtur 4 orë nga shërbimet sekrete serbe që e kanë rrahur dhe mandej e kanë çuar në spitalin ushtarak të beogradit. Avokati Stojkoviç e lidhe dhunën e ushtruar me një skenar të përgatitur që ka nisur me hapjen e një fushate mediatike me gjuhë urrejtjeje kundër tij.

Para të gjeneruara përmes aktivitetit kriminal në Itali, që më pas pastrohen në vende të tjera të Europës, për t’u rikthyer sërish në vendin e origjinës si investime në sektorin e pasurive të paluajtshme. Skema e njohur lidhet me Ndrangheta-n, një nga organizatat kriminale më të fuqishme në Europë.  

Ndrangheta, shumë më e strukturuar dhe e pranishme në nivel ndërkombëtar, ka arritur të transformohet dhe të evoluojë me kalimin e kohës, duke shkuar përtej kufijve të organizatës kriminale kalabreze, e cila financohej përmes rrëmbimeve.

Sot në Kosovë ka qenë për një vizitë zyrtare ministri i Jashtëm britanik, David Cameron, i cili ka qenë edhe kryeministër në Britaninë e Madhe. Në një konferencë të përbashkët për shtyp me homologen, Cameron ka nënvizuar mbështetjen britanike për Kosovën, sigurinë dhe sovranitetin e saj, por edhe njohjet ndërkombëtare.

Ushtria serbe i ka kërkuar zyrtarisht Presidentit të Republikës së Serbisë, Aleksander Vuçiç, që të rikthejë shërbimin e detyrueshëm ushtarak. I shfuqizuar në vitin 2010 dhe i zëvendësuar me shërbimin vullnetar, shërbimi i detyurueshëm është kërkuar disa herë në Serbi.

Dy shpërthime në ceremoninë përkujtimore të komandantit iranian Qaseem Soleimani lanë të vdekur 100 persona dhe plagosën dhjetëra të tjerë.

Televizioni shtetëror iranian raportoi për dy shpërthime në harkun kohor të 15 minutave gjatë një ceremonie në varrezat ku Soleimani është varrosur në qytetin juglindor të Kerman, pas vrasjes nga një dron amerikan.

Në dhjetor të vitit 2019, në gazetën “Haaretz”, Gideon Levy do të publikonte një shkrim me titullin: Vrasësi ynë. Shkrimi merret me një lloj kulture të heorizimit të vrasësve të shtetit që sillet e risillet në media në formën e një seriali letrar dhe televiziv të zhanrit aksion ku MOSSAD shkëlqen përherë me efektivitetin e vet.

Kreu i Zyrës së Ndërlidhjes së NATO-s në Beograd, gjenerali Giampiero Romano, ka deklaruar në një prononcim për mediat në Serbi, se afria mes Aleancës djhe Serbisë është më e madhe nga sa duket.

Mendoj se qytetarët e Serbisë nuk janë tërësisht në dijeni sesa shumë ne punojmë dhe arrijmë përmes partneritetit tonë. Serbia dhe NATO janë shumë më afër nga sa duket në pamje të parë

citohet ai.

Pasi u largua nga politika aktive në Britani, Tony Blair ka shërbyer si këshilltar për qeveri dhe organizata ndërkombëtare. Ish-kryeministër i Britanisë për 10 vite radhazi dhe lider i laburistëve për 13 vjet, Blair themeloi Institutin për Ndryshim Global, i cili është paguar nga qeveri të ndryshme të botës.

Por ndërsa shtrin influencën nëpër botë, organizata e Blair nuk u thotë jo as vendeve që janë treguar me gisht për historikun e shkeljes së të drejtave të njeriut.

Zëvendëskryeministri serb, Ivica Daçiç, ka deklaruar gjatë një interviste për agjencinë “Tanjug” se autoritet koordinuese për çështjet e sigurisë në vend, kanë konkluduar se situata është stabël, pavarësisht protestave paszgjedhore. Megjithatë ai ka pranuar se protestat në përgjithësi e dëmtojnë Serbinë dhe sidomos turizmin dhe investimet.