Blloku Bota

Raportuesja për Kosovën në Parlamentin Evropian, Viola Von Cramon, ka bërë thirrje që masat e marra pas krizës së verës së shkuar të hiqen.

Masat duhet të hiqen sepse kemi dëm kolateral dhe kryetarët e komunave të cilët dëshirojnë të aplikojnë për fonde të Bashkimit Evropian janë duke vuajtur për arsye të këtyre masave. Unë jam kundër dhe do të jem kundër dhe shpresoj që të largojmë këto masa sa më shpejt që të është e mundur. Jo të gjithë janë të lumtur me performancën, me të drejtë mendoj se duke krahasuar me shtetet tjera nuk është fer fare

Ministri grek i Mbrojtjes, Nikos Dendias ka shpjeguar përmes një interviste për gazetën “Kathimerini” arsyet e ndryshimeve massive në lidershipin e ushtrisë greke. Sipas tij përvoja me luftën në Ukrainë, Kaukaz dhe Gaza, dikton një rishikim “të dogmave sunduese në ushtrinë greke”.

Po kështu Dendias ka vënë theksin në dy aspekte me rëndësi jo të vogël që hapin rrugën për transformime serioze në shtetin fqinj:

Gazeta gjermane Bild raporton sot se një përplasje e armatosur mes NATO-s dhe Rusisë është e mundshme në muajt e ardhshëm. Bild i referohet një dokumenti sekret të Forcave të Armatosura Gjermane, sipas të cilave Rusia do të pushtojë shtetet baltike të NATO-s që në korrik.

Pasi mbretëroi për 52 vjet, Mbretëresha daneze, Margarethe II, ka abdikuar na froni. Lajmi u bë publik disa ditë më parë, ndërkohë që kurora i ka kaluar të birit 55-vjeçar, Prince Frederikut.

Ka qenë kryeministrja Mette Frederiksen që ka bërë shpalljen e kalimit të kurorës dhe njoftimin e Frederiku dhe Mary janë që nga sot Mbreti dhe Mbretëresha e Danimarkës.

Margarethe II është monarku i parë danez në 900 vjet që abdikon, ndonëse vendimi i saj është mirëpritur nga opinioni publik.

Presidentja e Kosovës Vjosa Osmani ka njoftuar në Tuiter se ka dekretuar hapjen e Misionit Special në Selinë e Shenjtë, “pas dy viteve intensive të përbashkëta me drejtuesit e Selisë së Shenjtë”.

Ky është një gur i rëndësishëm kilomentrik për Kosovën dhe një kapitull i ri në marrëdhëniet Kosovë-Vatikan të cilin ne jemi të gatshëm ta thellojmë

shkruan Osmani.

William Lai fitoi zgjedhjet presidenciale në Tajvan, por partia e tij e demokratëve progresistë humbi shumicën absolute në Parlamentin e ishullit. Lai, 64 vjeç, një separatist, vjen nga një familje e thjeshtë dhe është rritur në Taipei. Ai është djali i një minatori që humbi jetën në vitet ’60, pas shembjes së galerisë ku punonte.

Shtetet e Bashkuara kryen sulme ndaj rebelëve Houthi në Jemen për të dytën ditë radhazi. Sulmi e përfshin më tej administratën Biden në luftë në Lindjen e Mesme, gjë që ka ndarë më dysh opinionin në Uashington.

SHBA, së bashku me katër vende të tjera, goditën gati 30 pozicione të Houthi pasi grupi militant i mbështetur nga Irani përshkallëzoi sulmet e tij ndaj anijeve tregtare në Detin e Kuq.

Një ikonë ku shfaqet Stalini ka hapur një debat të ri në Gjeorgji. Ikona e paraqet ish-liderin komunist ndërsa bekohet nga Shën Matrona e Moskës, një vizionare dhe shëruese ruse e shekullit XX.

Por Kisha Ortodokse Gjeorgjiane ka rezerva për vërtetësinë e asaj që paraqet ikona e vendosur në një katedrale të Tbilisit.

Patriarkana e Gjeorgjisë thotë se nuk ka shumë prova që mbështesin faktin se Stalini dhe shenjtroja janë takuar ndonjëherë dhe për këtë arsye u ka kërkuar dhuruesve të bëjnë ndryshime në të.

Mediat italiane raportojnë ndarjen nga jeta të Ovidio Marras, një bari i thjeshtë 93-vjeçar në Sardenja, i kthyer në simbolin e rezistencës ndaj gjigantëve italianë të ndërtimit dhe financës. Ai ia doli të mbante larg tokës së tij në bregdet grupe të mëdha të ndërtimit si Caltagirone, Mercegaglia, Toti, Benetton e Montepaschi.

Këshilli Qeveritar Kombëtar i SIgurisë në Greqi ka vendosur ndryshime në drejtimin ushtarak të vendit.

Gjeneral lejtnant Dimitrios Houpis, ish-komandant i Komandës së Luftës Speciale, merr rolin e Shefit të Shtabit të Përgjithshëm të Mbrojtjes Kombëtare Helenike. Gjeneral Lejtnant Georgios Kostidis cakohet Shef i Shtabit të Përgjithshëm, ndërkohë ish-nënadmirali i Marinës Helene, Dimitrios Kataras merr pozicionin e Shegit të Shtabit të Përgjithshëm të Marinës.