Politikë

Reforma në drejtësi do të bëhet nga ekspertët. Politika thjesht do ta votojë. Të paktën kështu thotë kryeministri i Shqipërisë, i cili në bilancin e punës së qeverisë, ka deklaruar se për reformën në drejtësi, nuk ka për të patur negociata. “Reforma në Drejtësi është ndërtuar mbi një parim; Do ta bëjnë ekspertët, do ta votojë Kuvendi. Nuk do ta bëjë politika dhe nuk do të jetë një reformë negociatash politike. Do ta bëjnë ekspertët.

Bilanci i qeverisjes që bëri sot kryeministri Edi Rama, është kundërshtuar thuajse tërësisht nga kryetari i opozitës. Përveç çështjeve që kanë të bëjnë me situatën makroekonomike, investimet etj., Basha ka bërë edhe këto vërejtje që lidhen direkt me qytetarët. “Rrahu gjoksin se rriti pensionet me 1.4%, ndërkohë që nuk ka përmbushur as detyrimin e tij ligjor që është indeksimi me normën e inflacionit i cili sipas të dhënave zyrtare ishte 1,6 përqind. Ndërkohë, pagat kanë mbetur të ngrira dhe paga minimale nuk ka ndryshuar prej 2 vitesh, duke ulur fuqinë blerëse të konsumatorëve.

Kryeministri shqiptar ka komentuar sot në konferencën për shtyp edhe çështjen e kriminalizimit të politikës dhe raportin e Departamentit Amerikan të Shtetit. Si në çdo rast, kur punët nuk janë mirë, Edi Rama është përtypur me “argumente” që thjesht janë statistikë fjalësh në një konferencë për shtyp. “Persona të cilët janë dënuar dhe kanë kryer dënimin, në kushtet e Kushtetutës e ligjit në Shqipëri e në të gjitha vendet e Europës, janë persona të cilët kanë të drejtë të zgjedhin dhe zgjidhen. Gjykime larg apo afër por që nuk janë në dëshmi penale, adresohen me ligj.

Tashmë disa nga amabasadorët e akredituar në Tiranë, mund t’i marrësh seriozisht po aq sa politikanët shqiptarë. Teksa kanë shurdhuar publikun shqiptar me kërkesat e vazhdueshme për demokraci, të drejta të njeriut, për reforma strukturore, reforma etj., kur vjen puna tek interesat reale që përfaqësojnë, shohim një tjetër pamje. Para disa ditësh pamë ambasadorin britanik që mbrojti firmën britanike “Croën Agents”, se opozita na paskësh akzuar pa fakte kompaninë që të paktën dështimin me sukses, e pranoi vetë.

Kandidimi i Donald Trump për garën presidenciale në SHBA, ka krijuar debate dhe pështjellime të mëdha. Përveç karrierës së njohur të manjatit amerikan, suksesit të tij në biznes dhe në media, janë disa deklarata dhe sjellja e tij ajo që po krijon “paradoksin” e kuotimit të tij përpara kandidatëve të tjerë republikanë. Të paktën deri më tani. Shumëkush pyet: pse vallë Trump po udhëheq në sondazhe, ndonëse ka bërë deklarata si “emigrantët që vijnë nga Meksika janë përdhunues dhe trafikantë”, apo edhe se “McCain nuk është hero i luftës sespe u kap”?

Guy Lawson, gazetari investigativ i “New York Times” flet për gazetën “Panorama”, duke u dhënë përgjigjie disa pikëpyetjeve që gjenden në librin e tij ’Armët dhe Çunat’.
Njëra prej tyre është edhe vdekja e Kosta Trebickës, e cila edhe sot mbetet ende një mister. Ishte aksident apo jo…apo kush ishte i interesuar për heshtjen e tij?
Sipas Gazetarit, Trebicka ka shumë mundësi të jetë vrarë.

Nga 25 vite më parë ka ndryshuar vetëm fjala. Shqiptarëve nuk u thuhet më "piso" apo "indietro" por "zuruck", që do të thotë mbrapa kthehu ne gjermanisht. Riatdhesimi i 70 azikërkuesve shqiptarë mesditën e së mërkurës shënon rikthimin e Shqipërisë në vitet '90 kur shqiptarët deportoheshin si të padëshiruar nga vendet e Bashkimit Europian. Pas paralajmërimeve shëtitëse të ambasadorit Hofman që nuk la pikë doganore pa vizituar, Gjermania ndez motorrët e avionëve që do të kthejnë në Shqipëri emigrantët e paligjshëm.

Ka një ndryshim mes deklaratës në konferencën për shtyp të zv/ministres së Brendshme  Elona Gjebra mbi raportin e Departamentit Amerikan të Shtetit për trafikun e qënjeve njerëzore dhe njoftimit të shpërndarë për  mediat pas konferencës.

Që më herët u duk si një operacion që përmblidhte shumë kompetenca në dorë në një njeriu. Sektori i turizmit iu hoq ministrisë së Eglantina Gjermenit dhe iu dha asaj të Arben Ahmetajt, përpara se të miratohej ligji i ri për turizmin. Siç rezultoi nga votim dhe debatet e djeshme në kuvend, super-ministri synonte që të gjithë lejet dhe klasifikimet e strukturave turistike të kalonin nga dora e tij.

Në një intervistë për GSH, duke pohuar se nuk po mban ndonjë qëndrim politik por po shpreh qëndrimet e veta për mjedisin dhe qytetin e Tiranës, zëvendësministri i Transportit dhe Infrastrukturës, Ylli Manjani, nuk i ka kursyer kritikat për kryeministrin Edi Rama. Shqetësimi i tij kryesor ishte që të mos lejohet asnjë ndërtim në kuadër të projektit “Hyrja e Liqenit”. “Nuk duhet lejuar prekja e asnjë fijeje bari në parkun e Liqenit. Është i vetmi që ka Tirana dhe duhet ruajtur me shumë kujdes dhe jo të lejohet ndërtimi aty.