Politikë

Ish ministri i Financave i Shqipërisë, Arben Malaj, thotë se pa demokratizuar partinë nuk mund të ketë një qeverisje demokratike. Në një intervistë për Zërin e Amerikës, Zoti Malaj iu referua debatit të rindezur brenda Partisë Socialiste në prag të zgjedhjeve për kryesinë e saj, duke kritikuar qëndrimin që po mban shumica e deputetëve të Partisë Socialiste ndaj pretendimeve të Ben Blushit.

Një tjetër denoncim me natyrë “ideologjike” bëhet sot nga ish-kryeministri i vendit Sali Berisha. Ky i fundit shkruan në profilin e vet në “Facebook”  se kryeministri aktual, Edi Rama, pritet të emërojë në krye të Fondit të Bashkimit Europian për Ballkanin Perëndimor, Gjergji Murra, djalin e Prokop Murrës,ish-ministër i Mbrojtjes në vitet ’80 dhe ish-anëtar i Byrosë Politike. “Te dashur miq, neser ne Parlament votohet marreveshja per Fondin e BE per Ballkanin Perendimor (FBP).

Përveç vendimit për shkrirjen e Urgjencës së Tiranës, Lëvizja Socialiste për Integrim ka dalë kundër PS-së edhe për projektligjin e ri të kamerave të sigurisë. Ky projektligj është propozuar nga Ministria e Brendshme dhe kërkon vendosjen e kamerave në mjedise biznesi dhe banimi me synim rritjen e mundësive të monitorimit dhe parandalimit të akteve të ndryshme me rrezikshmëri.

Francesco Becchetti ka nisur lojërat juridike me Shqipërinë me qeverinë e së cilës ka konflikt të hapur për aktivitetin e tij sipërmarrës. “Reporter.al” shkruan se binzesmeni me origjinë italiane ka paditur Shqipërinë në Gjykatën e Strasburgut pasi sipas tij, deklarimet publike të kryeministrit të vendit, Edi Rama, përmes të cilave ai akuzon Becchettin, shkelin parimin kushtetues të prezumimit të pafajësisë.

Deputeti socialist i qarkut Vlorë, Koço Kokëdhima, i ka dhënë një intervistë televizionit lokal “Janina” në Greqi, përmes të cilës ka përcjellë disa qëndrime të Tiranës zyrtare në raportet me fqinjin e Jugut. Kokëdhima flet së pari për ekzistencën e Ligjit të Luftës, i cili është abroguar nga kryeministri në vitin 1987, por nuk është ratifikuar nga Parlamenti. Kokëdhima thotë se ekzistenca e këtij ligji pengon shumë shtetas shqiptarë që të kërkojnë të drejtat e tyre përmes teknikave ligjore në Greqi. Një interpretim arbitrar ky gjithsesi.

Kritike e hershme e Edi Ramës, deputetja e Shkodrës Mimoza Hafizi ka thyer oportunizmin që karakterizon grupin socialist, duke dalë hapur në mbështetje të platformës së deputetit Ben Blushi për garë në zgjedhjen e kryetarit të Partisë.

“I bashkohem kolegut tim Ben Blushi në kërkesën për respektimin dhe zbatimin e statutit të Partisë Socialiste e normave themelore të qënies bashkë në këtë grupim të madh politik. I kam ofruar mbështjetje në rrugëtimin dhe platformën për Kongresin e ardhshëm të Partisë.

Edi Rama është i ndërgjegjshëm se statuti i PS e lypte që ai të votohej për mandatin e kryetarit, por modeli laburist që sipas tij po ndjek Partia Socialiste e konfirmon atë si kryetar të partisë, për shkak se është fitues i dy palë zgjedhjeve. Për t’i dhënë përgjigje kritikave të Ben Blushit zgjodhi një studio televizive, pasi të tilla debateve në parti nuk ua ka ngenë. Atë përgjigje që nuk e dha në mbledhjen e grupit parlamentar e përcolli përmes ekranit të njohur A1 Report.

Prokurori i Përgjithshëm, Adriatik Llalla, ka qenë i ftuar mbrëmë në “Top-Story”. Llalla, i vendosur së fundmi në qendër të vëmendjes, ka dhënë përgjigje për shumë çështje të aktualitetit politik. Ai ka shpjeguar angazhimin e Prokurorisë për hetimin e disa ngjarjeve: 21 janarin, arrestimin e Spiro Kserës, ish-ministër i Çështjeve Sociale, apo edhe përgjimin Meta-Ismailaj. Llalla ka deklaruar se Ilir Meta është përgjuar që në vitin 2008, pra në kohën kur në detyrë ishte Ina Rama.

Kreu i KLSh-së, Bujar Leskaj, ka raportuar sot para Komisionit të Ekonomisë në Parlament. Ai ka folur edhe për kallëzimet e bëra për zyrtarë të lartë, që siç tha ai, me reformën në drejtësi, do të përsëriten. Ksera e mori mandatin, tani në hise të prangave dhe të drejtësisë po orbiton Gjiknuri. Nuk i dihet, sytë nga Bujari janë...

Servet Pëllumbi ka folur për gazetën “Shqip” rreth debateve të fundit që kanë përfshirë Partinë Socialiste për zhvillimin ose jot ë zgjedhjeve për kryetar në kongresin e pritshëm të Marsit. Ai lë të nënkuptohet se Blushi dhe emra të tjerë që mund të kandidojnë janë faktor dëmtues për partinë.

“Nuk besoj të ketë supriza pasi ato në rastin konkret veçse e dëmtojnë Partinë Socialiste dhe mendoj që në PS ka forca që mënjanojnë këta faktorë dëmtues. Unë e shikoj në shtratin e forcimit të mëtejshëm Partinë Socialiste”