Politikë

Seanca e sotme plenare degjeneroi në braktisje të opozitës, e cila ka vendosur marrëdhënie të kushtëzuara me parlamentin, pas vendimit të Byrosë së Kuvendit për të mos çuar në Gjykatën Kushtetuese papajtushmërinë e mandatit të deputetëve Rakip Suli e Valentina Leskaj. Ish-kryeministri Berisha kërkoi shkrirjen e parlamentit, ndërsa deputeti Eduard Halimi, aludoi se depuetët në fjalë janë të paprekshmit për të cilët flet ambasadori Lu.

Publicisti Kastriot Myftaraj, i njohur për qëndrimet e tij anti-islamike, bën thirrje në një shkrim të fundit të tij, publikuar në profilin e vet në Facebook, për një gijotinë në sheshin “Skënderbej”. Arsye sipas tij është pranimi i muxhahedinëve, rreziku që ata paraqesin për stabilitetin dhe fakti se elita politike shqiptare po luan me fatet e vendit. “Një shekull më parë, disa mijëra boshnjakë të strehuar në Shqipërinë e Mesme si refugjatë lufte, u bënë bërthama e kryengritjes islamike të Haxhi Qamilit.

Para disa ditësh ministri i Jashtëm i Shqipërisë, Ditmir Bushati, zhvilloi një vizitë në Greqi, të cilën disa media u përpoqën ta trajtonin si shteruese në pikëpamje të diskutimit të çështjeve mes të dyja vendeve. Bushati, që është shkolluar në Greqi, i hapi rrugën një njoftimi zyrtar shumë të thatë, për të lënë mediat që të informonin me “burime” suksesin e vizitës. Zbardhja e konferencës për shtyp mes tij dhe homologut grek, Kotzias, nga Ministria e Jashtme e Greqisë, hodhi dritë mbi faktin se në takime ishte folur për të gjitha çështjet.

Komisioni i posaçëm për reformën në Drejtësi ka hartuar një draft të pëlqyer si nga maxhoranca dhe nga opozita për të vendosur Byronë Kombëtare të Hetimit në varësi të Prokurorisë. Në mbledhjen me dyer të mbyllura, është arritur marrëveshja, për Njësinë Antikorrupsion që do të luajë rolin e FBI-së. Në këtë mënyrë Partia Socialiste tërhiqet nga drafti i ardhur nga Qeveria, sipas të cilit Byroja Kombëtare e Hetimit do të ishte në varësi të Ministrisë së Brendshme.

Komisioni për Politikat e Jashtme në Parlamentin Evropian miratoi rezolutën për Shqipërinë. Në këtë dokument thuhet se, reformat kyçe politike dhe administrative janë në proces, por nuk kanë arritur ende në pikën për hapjen e negociata për anëtarësimin në Bashkimin Evropian.
Raporti i hartuar nga Knut Fleckenstein thekson se, për hapjen e negociatave duhet së pari intensifikimi i përpjekjeve për këto reformat si zbatimi i ligjit, reforma në drejtësi, lufta kundër korrupsionit dhe krimit të organizuar, reformimi i administratës publike dhe të drejtat themelore.

Berlusconi është i majtë dhe i preferuar nga disa anëtarë të FRESSH-it, që pranojnë të flasin për kamerën e emisionit “Stop”. Por edhe sikur kjo të jetë një padije e gjeneratës së re, nuk mund të mos të respektosh veten dhe të habitesh(akoma) kur të rinjë që ende nuk kanë mbushur 22-23 vjeç kanë idhuj brend radhëve të partisë. Kryevepra është përgjigja ndaj pyetjes: “Pandeli Majko dhe Ilir Meta dolën nga FRESSH dhe u bënë kryeministra. Po ju?” Përgjigja: “Ku i dihet!”. E vërtetë, ku i dihet në këtë vend!

Athina konsideron se "ligji i luftës" është pa fuqi dhe se mes dy vendeve nuk ka gjendje lufte. Pyetjes së një gazetari në konferencën e dy ministrave të jashtëm të hënën në Athinë, kreu i diplomacisë greke i përgjigj duke sjellë në vëmendje vendime apo traktate që rrëzojnë çdo pretendim për gjendje lufte mes dy vendeve. "Greqia nuk është në luftë me Shqipërinë. Këtë e vërteton edhe deklarata e Këshillit të Ministrave në vitin 1987, e vërteton edhe traktati i miqësisë i vitit 1996.

Në debatin për Shqipërinë, Parlamentit Evropian iu propozua një amendamend nga ekstremi i djathtë francez për ndërprerjen e negociatave të  anëtarësimit të Shqipërisë me Bashkimin Evropian. Raportuesi Knut Fleckenstein nuk e pranoi këtë  amendament që ishte edhe më kritiku nga 163 amendamentet dhe që kishte të bënte me  ankesat e veçanta për të drejtat e minoriteteve raporton "Abc News". "Mesazhi kryesor i draft-rezolutës është aprovimi i shpejtë i reformës në drejtësi. Shumica e amendamenteve kanë ardhur nga raportuesit në hije dhe unë i falenderoj për këtë.

Partia Demokratike duket se nuk ka më asnjë opsion të jashtëzakonshëm për zgjedhjet. Në ndryshim nga kundërshtarët e vet në qeveri që ecin me plane A.B,C, gjithë një bashkësi hipotezash që bazohen tek “famëkeqja” “Nëse”, PD-ja i sheh zgjedhjet si të mundshme vetëm në vitin e tyre normal, 2017. Të paktën kjo rezulton nga deklarimet e kreut të saj, Lulzim Basha, i cili gjatë një takimi me shqiptarët e organizatës “Vatra” në SHBA, ka folur për garancitë që do të kërkojë opozita.

Ministria e Mbrojtjes njofton sot se në Tiranë ka zhvilluar një vizitë kreu i Forcave Tokësore amerikane për Europën, gjenerallejtënant Ben Hodges. Ai ka takuar zv.ministrin e Mbrojtjes, Petro Koçi dhe shefin e Shtabit të Përgjithshëm, gjeneral, Jeronim Bazo, me të cilin dha edhe një konferencë të përbashkët për shtyp.