Politikë

Ardhja në Tiranë e Komisionerit Johanes Hahn duket se nuk solli asnjë ndryshim në qëndrimet që palët po mbajnë për çështjen e reformës në drejtësi. Zyrtari europian kërkoi që opozita të mos vendosë kushte dhe të mos e ndërlikojë procesin e reformës në drejtësi me çështje të gjykatave. “Mendoj se kam qenë i qartë sa i përket reformës në drejtësi. Duhet të fokusohemi tek ajo reformë dhe jo t’i ndërlikojmë gjërat. Fokusi duhet të jetë vetëm reforma në drejtësi”, tha Hahn, duke bërë apel për dialog dhe rinisje të punës”.

Presidenti Nishani i është ankuar komisionerit Hahn për Ligjin e ri të Pronave, duke kërkuar vëmendje nga Komisionin Europian për këtë nismë të qeverisë. Në njoftimin e presidencës pas takimit te Nishanit me Hahn thuhet se “Kreu i Shtetit u ndal edhe tek çështja e pronës, si një e drejtë themelore, e cila është e lidhur pazgjidhshmërisht me fusha të rëndësishme të zhvillimit të vendit.

Ai që mund të ulë sërish palët në tryezë për reformën në drejtësi është vetëm abasadori amerikan Donald Lu, i cili për momentin nuk ndodhet në Shqipëri. Me një mision pajtimi ka ardhur në Tiranë edhe Komisioneri i Zgjerimit Johanes Hahn, të cilit i ishte premtuar votimi i reformës në drejtësi para se të mbërrinte në kryeqytetin shqiptar. Por kushtet e opozitës kanë hedhur në erë konsensusin e brishtë dhe pikëpyetjet mbi një afrim të mundshëm janë të shumta. Kjo pasi opozita ka mbyllur çdo kanal komunikimi me palën tjetër dhe për këtë çështje ka konsultim vetëm me partnerët ndërkombëtarë.

I ftuar në “Tonight Ilva Tare”, kreu i Partisë Demokratike, Lulzim Basha ka siguruar se PD do ta votojë reformën në drejtësi vetëm nëse është në përputhje me rekomandimet e Venecias dhe nëse pala kundërshtare nuk sillet si terroriste, duke nënkuptuar zbatimin e vendimeve kushtetuese për mandatet e Rakip Sulit dhe Valentina Leskajt. “Do jenë dy beteja, njëra për Tiranë që do kërkojmë një aleancë të gjerë qytetare dhe politike. Fenomeni i parkut dhe kullave nuk është fenomen i izoluar nga ato që po ndodh në Shqipëri. Do të ketë një aksion kombëtar, do të kulmojë në Tiranë.

Publikimi i fotos së sotme ku shfaqet deputeti i PD-së, Gent Strazimiri, me një objekt në brez, i ngjashëm me pistoletë, ka shtyrë Policinë e Shtetit drejt një kallëzimi penal. Lajmi nuk është ende zyrtar por ai raportohet thuajse nga të gjitha mediat që citojnë burime nga policia. Procedimin penal të Strazimirit e kërkoi edhe nënkryetari i Grupit Parlamentar të PS-së, Taulant Balla, i cili dje pasdite kërkoi pikërisht marrjen e masave.

Botuesi i gazetës “shqiptarja.com” dhe pronar i “Tv Report”, Carlo Bollino, shkruan sot për protestën që po zhvillohet te Parku i Liqenit Artificial. Bollino vlerëson se reagimi i tanishëm i shoqërisë civile, për të cilën përdor thonjëzat, është atipik dhe i pazakontë po të shohësh historikun e Shqipërisë. “Mobilizimi politik kundër ndërtimit të këndit të lodrave në parkun e liqenit artificial fsheh një hipokrizi që në fund të fundit të lodh.

Një mbledhje e PS në Vlorë që zgjati mbi 6 orë u karakterizua nga debate të forta mes deputetëve të zonës, në qendër të të cilave ishin praktikat izoluese të Koco Kokëdhimës. "Pavarësisht debateve të brendshme, partia duhet të unifikohet dhe të përqendrohet në punën e saj sepse shumë shpejt ne do të jemi, pas një viti, në një përballje me Sali Berishën”-ka thënë deputetja Valentina Leskaj, e cila për këtë deklaratë ka marrë një përgjigje nga deputeti i Gjirokastrës, Vladimir Kosta. “Nuk jam dakord me atë çfarë tha më parë zonja Leskaj se ne kemi përballë Sali Berishën.

Partia Demokratike doli sot në një konferencë për t’i bërë thirrje të përsëritur prokurorisë, të veprojë për denoncimet e njëpasnjëshme që janë bërë për ndërtimin e këndit të lojrave te Parku i Liqenit dhe denoncimet për dhunë ndaj protestuesvve. Deputeti Gerti Bogdani renditi disa nga arsyet pse Partia Demokratike i është drejtuar Prokurorisë.

“Nuk ka bërë ASNJE konsultim publik ashtu si e parashikon ligji.

Nuk ka një projekt përfundimtar por një projekt që ndryshon sipas rastit, kundër çdo parimi ligjor.

Nuk ka leje mjedisore e as studim mjedisor.

Partia për Drejtësi Integrim dhe Unitet ka deklaruar zyrtarisht sot se qëndrimi në koalicionin qeverisës është e kushtëzuar nga marrëveshja e bërë në zgjedhje. Gjatë punimeve të Konventës, kreu i saj, Shpëtim Idrizi, deklaroi se moszbatimi i marrëveshjes i jep të drejtë PDIU-së që të shikojë alternativa të tjera. “Nëse ne nuk na duan, ne nuk kemi dilema, përpara kauzave tona nuk vendosim asgjë. Ne para Shqipërisë nuk vëmë partinë”, tha Idrizi duke adoptuar një formulë të pavërtetë, sa kohë që marrëveshja nënkupton një çikë ndihmë për partinë dhe jo Shqipërinë.