Politikë

Kreu i Bashkisë së Kamzës, demokrati Xhelal Mziu, ka kërcënuar në një takim me banorë të zonës, në prani të kandidatëve të PD-së, se nëse nuk heqin flamujt e PS-së dhe LSI-së do t'u prishë shtëpinë. Të paktën kështu thuhet në videon e shpërndarë nga "shqiptarja.com". Deklaratë e habitshme dhe befasuese. Pas këtij postimi ka reaguar kreu i Bashkisë së Kamzës Xhelal Mziu i cili thotë se fjala e tij është nxjerrë jashtë kontekstit dhe është interpretuar sipas oreksit politik dhe elektoral të qeverisë.

Njësoj si në Maqedoni dhe në Kosovë situata pazszgjedhore dikton negociimin e koalicioneve jo të natyrshme për të krijuar qeverinë e re. Kandidati kryesor që po aktualizohet si emër për kryeministër është Ramush Haradinaj, përfaqësues i një koalicioni parazgjedhor mes PDK-së së Hashim Thaçit, AAK-së së vet dhe Nisma të Fatmir Limajt.

Si do të krijojë qeverinë Haradinaj me një Vetëvendosje që ka dhënë goditje të fortë në zgjedhje?

Duket se qeveria shqiptare është ndarë në principata që luftojnë me njëra – tjetrën me të gjithë arsenalin e mundshëm. Pas disa akteve të dhunës ndaj përfaqësuesve të LSI-së në Fushë Krujë dhe në Pukë, nënkryetari i saj, Luan Rama, kërkoi shkarkimin e drejtorit të Përgjithshëm të Policsë Haki Çako dhe disa drejtuesish të komisariateve.

Lexoni se çfarë ka thënë sot kryeministri Edi Rama në Vorë:

"Ne u japim legalizimet dhe nuk e regjistrojnë dot pronën në Hipotekë, sepse hipotekën e ka dikush tjetër. Ne do ua bëjmë titull pronësie, 40 mijë legalizimet që nuk i regjistroni në hipoteka, brenda vitit. Votoni PS-në dhe do marrë fund historia e regjistrimit të pronës. Çdo pronë do regjistrohet dhe çdo titull pronësie do i dorëzohet pronarit".

Partia ka nevojë profesori përgjigjet. Servet Pëllumbi, djali i të cilit kandidon me PS-në ka dhënë një dorë në menaxhimin e problemit Ilir Meta. Në një prononcim për gazetën "Panorama", Pëllumbi ka paralajmëruar Metën me publikimin e " fakteve të padëshirueshme" nëse Meta vijon të deklarojë se ai ka qenë në përballje si askush me Berishën. Duket se presidenti i zgjedhur ka prishur ca nerva derisa ka shkundur edhe moralistin e PS-së që po u thotë shqiptarëve se për Metën ka dosje të cilat ai i njeh. Cila është vlera e këtij morali, e këtij racionalizimi sekretesh dhe shantazhi?

Ilir Meta ka marrë përsipër të bëjë jo vetëm detyrën e presidentit dhe kryetarin e LSI-së për zgjedhje, por edhe atë të Drejtorit të  Policisë. Nga Lezha ku vizitoi mbështetësin e LSI-së në fshatin Raboshtë të dhunuar mbrëmë Meta theksoi se nese policia nuk i lidh zagaret qe dhunojne ne fushate atehere populli armatoset.

Një ditë më parë në Berat, kryeministri Edi Rama bëri thirrje nga Kuçova që punonjësit e Policisë së Shtetit të përkushtohen për mbledhje votash për PS pas orarit të punës. Një deklaratë që u kritikua edhe nga përfaqësues socialistë si Pandeli Majko. Ministri i Brendshëm, Demiraj, doli me një qëndrim të posaçëm, përmes të cilit qartësoi se policia nuk mund të përfshihej në aktivitet elektoral. 

Llogaria llogari, politika të vejë e të vijë. Ilir Meta po shfaqet në habitatin e vet dhe është i gatshëm të bëj pazarin që i shkon për shtat edhe me postin e presidentit, madje duke i serviur publikisht skemat që ka në mendje. Një deklaratë anormale për një vend normal, por mesa duket normale për një vend anormal si Shqipëria, ku shqiptarëve u ofrohen të tilla opsione, si ky që deklaron Ilir Meta.

Ish-kryeministri Sali Berisha ka denoncuar sekretarin e Përgjithshëm të Mistrisë së Arsimit, Plarent Ndreca se ka urdhëruar fshihen e  serverave në ministri pas fillimit të hetimeve nga Prokuroria për zyrtarin e MAS, i cili është kallëzuar penalisht nga Ministrja e Arsimit. Denoncimi i Berishës bazohet në një mesazh që pretendohet se është dërguar nga një punonjës i Ministrisë së Arsimit.  Në të denoncohet edhe mosveprimi i policisë për të ndaluar Ndrecën të kryejë veprime a kundërshtim me ligjin. 
 

Duke folur dje nga Fieri, sekretari i Përgjithshëm i Partisë Socialiste, Gramoz Ruçi, ka deklaruar se lojërat e Ilir Metës me presidencën dhe dekretimin e qeverisë së re, do të marrin si përgjigje shkarkimin e tij. ​