Lajme

Vendimi i Bashkimit Europian për të mos hapur kufijtë me Shqipërinë ngjan të jetë krejt i pajustifikuar. Përtej çdo lloj spekullimi realiteti është se shifrat e epidemisë në Shqipëri as nuk afrohen me ato të Italisë fqinje, apo edhe Gjermanisë p.sh, apo Francës e Spanjës.

Edhe sikur të pranojmë se është gënjyer, Shqipëria sërish nuk pati ndonjë emergjencë spitalore dhe përtej gjithçkaje, nuk mund të besohet se në vendin tonë të refuzojnë edhe shtrimin në spital.

Koronavirusi erdhi. Na thanë se ka qenë në mars, pastaj e shtynë pak më tutje, ndoshta në nëntor. Tani na del se paska qenë që në vitin 2019 në Barcelonë. Të dhënat dalin nga analizat e ujërave të zeza. 

Skënder Minxhozi, një opinionist i pavarur që është njohës i mirë i zhvillimeve të së majtës shqiptare dhe politikës së jashtme, shkruan sot rreth vizitës së kryeministrit të Shqipërisë, Edi Rama në Kosovë. Sipas Minxhozit, Rama është një  “protagonist i vjetër i rregullimit final mes serbëve e shqiptarëve”. 

Kryeministri i Shqipërisë Edi Rama raportohet se ka përfunduar vizitën e tij në Kosovë me disa takime me drejtuesit politikë të këtij shteti. Duke folur sot para mediave, z. Rama ndër të tjera tha:

Dua ta bëj shumë të qartë që më vjen keq kur shoh në reagime, dhe flas për reagime qytetare se si helmi i jetës politike ka penetruar në bazën e politikës kombëtare dhe ndikon që të mos kuptohet por përkundrazi, të deformohet thelbi i shqetësimit që sot duhet të kemi si komb.

Mbreti Philippe i Belgjikës është shprehur për herë të parë rreth të kaluarës koloniale në Kongo, ku paraardhësit e tij kanë zbatuar politika të dhunshme me pasojë vdekjen e miliona njerëzve sipas të dhënave të ndryshme. 

Tradita e familjes mbretërore belge është heshtja mbi këtë temë delikate, por në kuadër të 60 vjetorit të Pavarësisë së Kongos nga Belgjika, mbreti ka autorizuar një deklaratë përmes së cilës shpreh keqardhjen për ato që ai i quan “plagët e së shkuarës koloniale dhe akte dhune dhe mizorie”. 

Frrok Çupi shkruan sot se me akuzën ndaj Hashim Thaçit, Europa vuri në bankën e të akuzuarve të gjithë shqiptarët. Se me këtë proces riciklohet dualiteti i keqkuptimit të Europës me ne. Këtu mund të lexohet opinioni. 

Mirëpo nëse ne duam të shkojmë në Europë pse duhet të kemi frikë prej saj. Çupi është ndër ata që edhe protestat e PD-së i quante pak a shume si projekt antieuropian. Sot Europa na sbpallet kurvë e motit dhe Fishta padyshim është alibia perfekte. 

Irani ka lëshuar një urdhër arrestimi për presidentin e SHBA, Donald Trump. Me këtë rast Teherani zyrtar ka kërkuar zyrtarisht ndihmën e Interpolit për të mundësuar arrestimin e Trump që kërkohet bashkë me të tjerër si organizator dhe urdhërues i sulmit me dron ku mbeti I vrarë komandanti i forcave Kuds, Kasem Soleimani.

Dikur, në mesin e viteve ’90, kur Shqipërinë e kishte vizituar privatisht ish-presidenti amerikan, George Bush i vjetri, në radhët e socialistëve nisi të gjallëronte thashethemi se Berisha do t’i jepte Sazanin amerikanëve. 

Kaq e ngulitur ishte ideja se një bazë për amerikanët ishte e barazvlefshme me shitjen dhe humbjen e solidaritetit, saqë ai vlente si argument politik kundër një pushteti që ç'është e vërteta nuk e humbiste rastin t’i krijonte probleme vetes.

Gazeta e Kosovës, “Koha Ditore” shkruan mbi axhendën e takimeve të kryeministrit Edi Rama në Kosovë. 

Sipas agjendës së tij, të cilën e ka siguruar KOHA, vizitën do ta fillojë me takimin me kryetarin e Nismës, Fatmir Limajn. Përpos tij, ai më vonë do të takohet edhe me kryetarin e LDK-së, Isa Mustafën dhe atë të PDK-së, Kadri Veselin.

Ndërkohë, në këtë agjendë janë përfshirë edhe takimet me presidentin Hashim Thaçi, kryeministrin Avdullah Hoti dhe kryekuvendaren, Vjosa Osmani.

Prej dy javësh tashmë, Instituti i Shëndetit Publik raporton raste të shtuara të të prekurve me koronavirus. Sot p.sh numri i të konfirmuarve si poozitivë është 64, kurse dje 72. Në vijimësi të ditëve të fundit shihet se kurba e të prekurve është stabilizuar mbi mesataren e numrit të të prekurve gjatë karantinimit dhe fillimit të epidemisë.