Lajme

Sandër Lleshajn, po. Ardi Veliun, jo. Kryeministri Edi Rama ka bërë të qartë se asnjë protestë nuk do ndikojë llogaritë e tija politike, të cilat u ndihmuan nga dhuna e fundit që shpërtheu në kryeqytet. Përmes një statusi në tuiter, kryeministri shkruan:

Kërkojnë dorëheqjen e Drejtorit të Përgjithshëm të Policisë se ndryshe do djegin e shkatërrojnë? Ta harrojnë!

Gabon shumë kush kujton se qytetaria e ministrit të Brendshëm është dobësi dhe harron se ky shtet është i qytetarëve jo i barbarëve! Pushteti merret me votë jo me djegie!

Sony Corp. do të blejë AT&T Inc. Crunchyroll për 1.175 miliardë dollarë. Me këtë blerje, konglomerati elektronik synon të forcojë përmbajtjen e tij argëtuese.

Kryeministrja e Serbisë, Ana Brnabic ka deklaruar se vendet e pasura kanë blerë paraprakisht 53% të vaksinave kundër CoVid-19, duke krijuar kushtet e një pabarazie në trajtimin e sëmundjes. 

Bota do të jetë një vend më i vështirë për t’u jetuar dhe më pak e ndershme pas pandemisë. Nëntë në dhjetë vende të varfra me gjasë nuk do të kenë mundësi të marrin vaksinën në vitin 2021, sepse vendet e pasura kanë blerë tashmë 53% të vaksinave të prodhuara për vitin tjetër. Dhe më ato 53%, vetëm 14% i totalit të popullsisë së botës do të vaksinohen 

Ministri i Brendshëm, Sandër Lleshaj, ka njoftuar pak më parë dorëheqjen e tij nga detyra, për shkak të ngjarjes ku mbeti i vrarë I riu, Klodian Rasha. Protestat që kanë nisur prej dy ditësh kanë vënë në axhendë largimin e Lleshajt, i përfolur në fakt edhe më herët. Në njoftimin e tij, Lleshaj ndër të tjera ka thënë se:

Ëndrra e Elon Musk për të dërguar njerëz në Mars ka marrë goditje një ditë më parë pasi anija e tij, Starship, prototip i programit SpaceX, ka shpërthyer. Anija ka bërë ngritjen nga një objekt në Boca Chica në Teksas për të testuar aftësitë e veta por ka shpërthyer vetëm 6 minuta e 30 sekonda më pas teksa po bënte uljen.

Musk ka postuar menjëherë një status në tuiter ku ka shkruar: Mars, po vijmë!

Duke treguar se programi hapësinor i tij dhe ambiciet për hapësirën nuk kanë ndryshuar megjithë aksidentin në fjalë.

Morgan Stanley parashikon të zhvendosë drejt Gjermanisë  rreth 100 miliardë euro asete. Sipas Bloomberg zhvendosja nga Britania e Madhe mendohet të kryhet në fillim të vitit 2021.

Lëvizja vjen në kuadër të përpjekjeve të disa bankave të tjera amerikane si JPMorgan Chase&Co dhe Goldman Sachs Group që po i drejtohen BE-së për shkak të Brexit.

Eksperti kriminalistik, Artan Rexhepi e cilëson vrasje, mënyrën se si qëlloi efektivi i “Shqiponjave” 25 vjecarin Klodian Rasha. Eksperti Rexhepi në studio e lajmeve në TvT, tha se polici nuk ka qenë në kushtet e vetëmbrojtjes pasi i riu është qëlluar pas shpine, çka sipas tij hedh poshtë alibinë e efektivit të patrullës, duke  e cilësuar si vrasje.

Vrasja e një qytetari nga një pjesëtar i policisë, në kushte dhe rrethana ende të panjohura, duket se ka provokuar një protestë të ndezur që ka zgjatur me orë mbrëmjen e djeshme. Qytetarët e pranishëm në protestë kanë kërkuar dorëheqjen e ministrit të Brendshëm, drejtorit të Policisë si dhe kanë bërë thirrjet “Rama ik”. 

Për herë të parë në histori materialet që ka prodhuar njeriu ka gjasa ta tejkalojnë biomasën në Tokë. Një studim i publikuar sot konkludoi se kemi arritur në "pikën e kryqëzimit", në të cilën gjurma e njerëzimit është më e rëndë se ajo e botës natyrore. Pesha e rrugëve, ndërtesave dhe materialeve të tjera të ndërtuara ose të prodhuara është dyfishuar afërsisht çdo 20 vjet, dhe autorët e studimit thanë se aktualisht në total kjo peshë shkon ne 1.1 teratonë (1.1 trilionë tonë).

Kancelarja gjermane, Angela Merkel, është shfaqur e prekur gjatë një fjalimi të mbajtur në Bundestag teksa ka bërë një bilanc të infektimeve dhe të vdekjeve. Sipas Merkel, 509 viktima në ditë nga CoVid-19, janë një shifër e papranueshme. Më poshtë video: